Dokumentuaren akzioak
San Ferminetako kronika
2006/07/18 12:19
San Ferminak parrandarako garaia izaten dira, baina badira betebeharrak dauzkatenak lagunak ere. Parrandak eta betebeharrak uztartzen duenik ere bada, tartean gu.
San Ferminetako lehen ekitaldia izaten da uztailaren 6ko Foruen Plazako dantza jaialdia. Bertan, Iruñeko eta Iruñerriko dantza talde guztiok hartzen dugu parte. Aurtengo programa hauxe izan da: Batelerak, Laburdiko ihauteria eta bukatzeko "herri" Larrain-dantza.
Uztailaren 7an, prozesioan atera ziren gutako batzuk, Iruñeko Udal Dantzari gisa. Ia 4 orduko ibilaldiaren ostean udal plazan dantzatzea egokitu zitzaigun gero. Gaua gogorra izan zenez, eta hartara eguna ere bai, beraz, saio lasaia egin genuen: Nafarroa Beherako ihauterietako dantzak.
Uztailaren 9an "Duguna Eguna" izeneko zeozer ospatu genuen. Goizean taldeko zaharrek egin zuten dantza emanaldia alde zaharreko karriketan barna. Ondoren bazkaria eta gero-gerokoak. Eibarreko Kezka dantza taldeko lagunak ere etorri ziren gurekin eta aklimatatzeko batere arazorik ez zuten izan. San Ferminetako egun politenetarikoa izan zen.
Uztailaren 10ean txikien eguna izan zen eta hartara, gure txikiak atera ziren dantzara. Ikasturteko azken dantza saioa izaten dute egun honetakoa. Beraz, irailerarte jai.
Uztailaren 14ean, zortziurrena. Berriz ere ibilalditxoa (7koa baino hagitzez motzagoa) eta ondoren, berriz ere dantza emanaldia Udal Plazan. Honako honetan, mutilek Gipuzkoako Ezpata-dantza egin zuten, neskek Boastitzea eta Zinta-dantza eta bukatzeko guztiok elkarrekin Lizarrako Larrain-dantza.
Goraipatzekoa Fanfarreak jai guztietan egindako lana, egun bakar batean ere ez baitu hutsik egin.
(*Argazki guztiak hemen. Gehiago badira eta bildu ahala argitaratuko ditugu)
San Ferminetako lehen ekitaldia izaten da uztailaren 6ko Foruen Plazako dantza jaialdia. Bertan, Iruñeko eta Iruñerriko dantza talde guztiok hartzen dugu parte. Aurtengo programa hauxe izan da: Batelerak, Laburdiko ihauteria eta bukatzeko "herri" Larrain-dantza.
Uztailaren 7an, prozesioan atera ziren gutako batzuk, Iruñeko Udal Dantzari gisa. Ia 4 orduko ibilaldiaren ostean udal plazan dantzatzea egokitu zitzaigun gero. Gaua gogorra izan zenez, eta hartara eguna ere bai, beraz, saio lasaia egin genuen: Nafarroa Beherako ihauterietako dantzak.
Uztailaren 9an "Duguna Eguna" izeneko zeozer ospatu genuen. Goizean taldeko zaharrek egin zuten dantza emanaldia alde zaharreko karriketan barna. Ondoren bazkaria eta gero-gerokoak. Eibarreko Kezka dantza taldeko lagunak ere etorri ziren gurekin eta aklimatatzeko batere arazorik ez zuten izan. San Ferminetako egun politenetarikoa izan zen.Uztailaren 10ean txikien eguna izan zen eta hartara, gure txikiak atera ziren dantzara. Ikasturteko azken dantza saioa izaten dute egun honetakoa. Beraz, irailerarte jai.
Uztailaren 14ean, zortziurrena. Berriz ere ibilalditxoa (7koa baino hagitzez motzagoa) eta ondoren, berriz ere dantza emanaldia Udal Plazan. Honako honetan, mutilek Gipuzkoako Ezpata-dantza egin zuten, neskek Boastitzea eta Zinta-dantza eta bukatzeko guztiok elkarrekin Lizarrako Larrain-dantza.
Goraipatzekoa Fanfarreak jai guztietan egindako lana, egun bakar batean ere ez baitu hutsik egin.
(*Argazki guztiak hemen. Gehiago badira eta bildu ahala argitaratuko ditugu)
Dokumentuaren akzioak
Erantzun
Duguna - Iruñeko dantzariak
Iruñeko udalak 1949. urtean sortu zuen gure taldea, hiriko antzinako dantza usantzak gogoan, euskaldunon hiri buruzagiko zeremonialetan dantzan aritzeko. Sanson Galante eta Joanes Larraintzarkoaren oinordeko sentitzen dugu gure burua.
Duguna - Iruñeko dantzariak
Maiatzaren 2a karrika, 9 behea
31001 - Iruñea
Tfnoa: +34 657 33 29 44
duguna@duguna.eus
Jasotako azken erantzunak
- Aritz Ibañez Lusarreta on Sagrario Aranburu Olasagarre zendu da
- Dantzan on Sagrario Aranburu Olasagarre zendu da
- Aritz Ibañez Lusarreta on Angel Etxaniz "Veneno" zendu da.
- Kezka dantza taldea on Angel Etxaniz "Veneno" zendu da.
- Patxi Montero on Eta trokeo dantzak plazaratu genituen! 2017/09/05
- Elai Alai Kultur Elkartea on Dantza propioak izanen dituzte Iruñeko Sanferminek aurtendik goiti 2017/06/27
- Aritz Ibañez Lusarreta on Hara, Olentzero!!!! 2014/12/24
- Fernando Oiartzun on Hara, Olentzero!!!! 2014/12/24
- Iker Tubia Barberia on Iruñeko dantzarion agenda Sanferminetarako 2016/07/05
- Jesus Romo Uriarte on ...ozenki esan dezagun, eskerrik asko Bidador!! (Barañain, Gotaine eta Bilbo: kronika hirukoitza) 2016/04/29
Bestalde, ez dakizu nola eskertzen diren animoak, nahiko esker-txarrekoa izaten baita dantzaren mundu hau.
Gauza biengatik, eskerrak zuei!