Puska-biltzea gaur, Olentzerorekin

Azken urteotako ohituratxoari jarraikiz, Olentzero pasiora aterako dugu gaur iluntze aldean, Iruñeko alde zaharreko karriketan barna. Puska-biltzean ibiliko gara, handi zein txiki, gauean afari-lege ederra egiteko.

18:00etan abiatuko gara Maiatzaren 2a karrikako gure egoitzatik eta Caldereria, Xabier, San Anton, Santo Domingo eta Estafeta karrikak korrituko ditugu, kantuan eta dantzan.

Nahi duen ororendako luzatzen dugu gonbitea.