Dokumentuaren akzioak
Otxandion, soka-dantzan
Duguna - Iruñeko dantzariak
Argazkia: Trabudu dantza taldea
Irailaren 4ean Otxandion izan gara dantzan, bertako Urduri dantza taldeak eta Iurretako dantzariek antolatutako soka-dantzari buruzko jaialdian. Otxandioko plaza ederrean lagun izan ditugu Bermeoko Alkartasuna eta Eibarko Kezka dantza taldeak, Iurreta, Durango, Berriz eta Garaiko dantzariak, Gari Otamendi, Carlos Sagi, Ander Blasco eta Josu Zabala musikariak, Miren Amuriza eta Unai Iturriaga bertsolariak...
Aspaldian gurutzatu gabeko lagunekin elkartzeko estakurua izan da emanaldia eta plaza ere dantzarako aproposa denez, emanaldi bereziaren traza hartu diogu Otxandiokoari. Ikusleak ere dantzarion ahalegina berotasunez eskertzeko prest azaldu dira hasi eta berehala. Gozatua hartu dugu, benetan ere!
Programaren doitasunak aginduta, soka-dantza ohi baino motzxeagoa egin behar izan dugu. Aitor Huartek eta Igor Martinezek jarri diote doinua gure urratsei. Leire Lezak gidatu du soka eta plaza hartu eta berehala, Auritz Garzia atzeskuarekin batera dantzatu du lehen belauntxingoa.
Gero banan-bana pasa dira dantzari guztiak soka-burutik, nork bere zortzikoa dantzatuz. Urrats eta dantzakera ezberdinen paleta oparoa ikusi ahal izan dugu dantzakideon artean. Guztiok batera dantzatutako zortziko eta karrika-inguruarekin eman diogu amaiera gure parte-hartzeari.
Gainontzeko dantza taldeen saioak ikusiz gozatu dugu eta azkenerako, bakoitzeko bi ordezkarik fandango eta arin-arina dantzatu dugu, plaza gaineko festa behar bezala borobiltzeko.
Askari goxoa eskaini digute ondotik antolatzaileek eta jadanik dantzari jantzirik gabe, dantzan jarraitzeko aukera izan dugu behin ilunduta ere!
Dokumentuaren akzioak
Erantzun
Duguna - Iruñeko dantzariak
Iruñeko udalak 1949. urtean sortu zuen gure taldea, hiriko antzinako dantza usantzak gogoan, euskaldunon hiri buruzagiko zeremonialetan dantzan aritzeko. Sanson Galante eta Joanes Larraintzarkoaren oinordeko sentitzen dugu gure burua.
Duguna - Iruñeko dantzariak
Maiatzaren 2a karrika, 9 behea
31001 - Iruñea
Tfnoa: +34 657 33 29 44
duguna@duguna.eus
Jasotako azken erantzunak
- Aurtzaka dantza taldea on Auzo bat dantzarako: Igartzako egunean aritu gara ezpata-dantzari
- Kezka dantza taldea on Aurtengo San Juan bezperako soka-dantza, Kezkari esker onez
- Aritz Ibañez Lusarreta on Odol berria San Blaseko soka-dantzan
- Oier Araolaza on Odol berria San Blaseko soka-dantzan
- Kezka dantza taldea on Aspaldiko partez, Maulen!
- Aritz Ibañez Lusarreta on Sagrario Aranburu Olasagarre zendu da
- Dantzan on Sagrario Aranburu Olasagarre zendu da
- Aritz Ibañez Lusarreta on Angel Etxaniz "Veneno" zendu da.
- Kezka dantza taldea on Angel Etxaniz "Veneno" zendu da.
- Patxi Montero on Eta trokeo dantzak plazaratu genituen! 2017/09/05
