Edukira salto egin | Salto egin nabigazioara

Tresna pertsonalak
Hemen zaude: Hasiera › Komunitatea › Duguna - Iruñeko dantzariak › Nafarroa oinez, Nafarroa dantzan

Dokumentuaren akzioak

Nafarroa oinez, Nafarroa dantzan

Duguna - Iruñeko dantzariak Duguna - Iruñeko dantzariak
2019/11/20 11:55
Nafarroa oinez, Nafarroa dantzan

Argazkiak: Iñaki Tristan

Agian gogoratuko duzue oraindik ere Tuteran egon ginen azken aldian euriak gure alpargatak nola blaitu zituen. Bada urriaren 20an Tuterarako bidean gara berriz ere bertako Argia ikastolak antolatu duen Nafarroa Oinez-en dantzan egitera gonbidaturik.

Zeruan seinale onik ez eta buseko leihatilatik hodeiak baino ez ditugu ikusten. Baina udan ez bezala, dantzarako prestatu garenean euriak menia eman digu eta goxo dantzatzeko aukera eskaini.

Tutera inguruko alorretan zehar atondu dute ibilbidea eta zoru ordokirik ezean, errepidean eman ditugu gure 5 trokeo-dantzak: makil txikien eta makil handien dantzak izan dira aurrenekoak, arku-dantzarekin jarraitu dugu eta amaierarako, brokel eta zinten dantzak utzi ditugu.

2019-10-20_Tutera-01

2019-10-20_Tutera-02

Zeruko hodeien artetik labaintzen zen argitasun bereziak argazki eder hauek ateratzeko aukera eman dio Iñaki Tristani.

2019-10-20_Tutera-03

2019-10-20_Tutera-04

2019-10-20_Tutera-05

2019-10-20_Tutera-06

Tuteran egindako Nafarroa Oinez berezia da eta hortaz, gogoz goraipatu ditu Irantzu Irigoienek gure dorrearen goiko aldetik, besta bera eta Argia ikastola.

2019-10-20_Tutera-07

Gaiteroak, esan beharrik ez da, beti bezain fin!

Eguerdian eguraldia kaxkartu da eta festak ezin izan du jarraitu guri emanaldiak utzi digun zapore gozoarekin. Aurriskupenak ez omen dira bete baina gu gure aletxoa jartzen saiatu gara, egunean bertan dantzan eta baita biharamunean ere. Argia ikastolari bihotzez eskertu nahi diogu gonbidapena bera eta baita jasotako tratu atsegina ere! Mila esker!

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.