Hemen zaude: Hasiera Komunitatea Duguna - Iruñeko dantzariak Luhuson luxua

Dokumentuaren akzioak

Luhuson luxua

2012/03/22 14:05

Martxoaren 17arekin, eta Iparraldeko Dantzarien Biltzarrak gonbidatuta, emanaldia eskaini genuen Luhusoko Harri-Xuri gelan. Goiz heldu eta ordurako esan ziguten ez zela sarrerarik aurreko egunetik. Horrek eta gelaren edertasunak urduritu gintuen pixka bat (onerako).

Emanaldirako Nafarroako dantza sorta bat prestatu genuen lehenbizi. Hasteko, San Fermin Aldapakoaren Ezpata-dantza-ren moldaketatxo bat egin genuen.



Ondotik, Baztango zenbait dantza egin genituen. Taldeko 10 dantzari gaztetxok zenbait jostaketa-dantza eman zituzten, Sagar-dantza, Zar-dantza eta Mandozarrarena eta Baztango zortzikoa gero, nagusiagoek.




Bidasoaldean jarraituz, Berako makil-dantzak eta zahagi-dantza eskaini zuten berriz ere taldeko txikiek.



Argia dantzari taldearen lanetan oinarrituz, emanaldi honetarako espreski atondutako Soka-dantza/Ingurutxo bat heldu zen geroago. Luhuson eskaini lehenbizi, baina asmoa da Iruñean data zehatzen batean ematea urtero-urtero.




Nafarroa hezea utzi eta Pirinio aldera egin genuen jauzi, ondotik. Jaurrietako Axuri-beltza eta Otsagabiko dantzak egin genituen hurrenez-hurren.




Emanaldiko azken partean, Nafarroa utzi eta Gipuzkoa eta Bizkaiko zenbait dantza ale dantzatu genituen: Ehun eta bikoa, Zinta-dantza eta Uztai txikiena, Dantzari-dantza, Erregelak eta Jota eta Porrue!








Bide batez, gure eskerrik beroenak txoko honetatik IDBko antolatzaileei (Jon eta Vilmika), haien harrera eta tratu bikainarengatik - luxu bat - , Gari Otamendi-ri arrabita joz gu laguntzeagatik, eta Baigorriko gaitariei.




Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Duguna - Iruñeko dantzariak

Duguna - Iruñeko dantzariak

Iruñeko udalak 1949. urtean sortu zuen gure taldea, hiriko antzinako dantza usantzak gogoan, euskaldunon hiri buruzagiko zeremonialetan dantzan aritzeko. Sanson Galante eta Joanes Larraintzarkoaren oinordeko sentitzen dugu gure burua.

 

Duguna - Iruñeko dantzariak

Maiatzaren 2a karrika, 9 behea

31001 - Iruñea

Tfnoa: +34 657 33 29 44
duguna@duguna.eus