Larunbat honetan Ezpalak jaialdia Iruñean

Larunbat honetan, maiatzak 26, Ezpalak dantza tradizionalaren zazpigarren jaialdia eginen dugu Iruñean. Urtero-urtero dantza genero ezberdin bat hartzen dugu gaitzat eta aurtengoan zinta-dantzak izanen ditugu protagonista.

Tenerife, Katalunia, Araba eta Nafarroako taldeak izanen ditugu larunbatean, 18:00etatik aitzina, Iruñeko Burgoen plazan:

Iruñea. Maiatzak 26, larunbata

17.30ean Kalejira alde zaharreko karriketan barna.

18.00etan Ezpalak zinta-dantzen nazioarteko jaialdia Burgoen Plazan:

• Duguna dantza taldea (Iruñea, Nafarroa)
• Ball de Gitanes (L'Arboç, Tarragona)
• Eltziegoko dantzariak (Eltziego, Araba)
• Añate folklore taldea (La Victoria de Acentejo, Tenerife)
• Cortes-eko paloteadoa (Cortes, Nafarroa)

Ezpalak jaialdia ostiralean Baionan eginen da eta Igandean Eibar-en.