Dokumentuaren akzioak
Iruñeko III. dantzarien topaketaren kronikatxoa
Duguna - Iruñeko dantzariak
Maiatzaren lehenaren inguruan ospatzen dira urtero Iruñeko Txantrea auzoko jaiak. Egun horrekin bat, Iruñeko Dantzarien Mahaiak Iruñeko III. dantzarien topaketa antolatu zuen. IRUDAMAko kide garen heinean han izan ginen, zoluari baino gehiago, zeruari so.
Izan ere, eguraldia ez genuen lagun izan, Txantreako jaietan beste askotan gertatu izan den bezala. Dantzaldia bertan behera geratzekotan egon bazen ere, azken momentuan Sabicas plazara abiatu ginen kalejiran, nahiz eta emanaldia, hasiera batean, Ezkaba plazan zen egitekoa.
Publiko dezente bildu zen inguruan, dantzarioi eta, tarteka, zeruari begira. Basakaitz, Muthiko Alaiak, Oberena, Ortzadar eta Duguna taldeak elkartu ginen. Aurrekoan baino talde gutxiago geundenez, pixka bat luzeago dantzatzerik izan genuen. Guk Zuberoako maskaradetako aitzindarien dantzak eskaini genituen. Julen Leuza izan zen txerrero, Mikel Tristan eta Leire Leza gathuzain, Itxaso Martinez eta Izaskun Arriaran kantiniersa, Julen Fagoaga zamaltzain eta Aritz Ibañez entseinari. Barrikada jaustia, arribada, gabota, ostalersak eta godalet-dantza dantzatu genituen.
Dantzarien oinei begira liluraturik, argazkiak ateratzea ahaztu zitzaigun. Gutxi batzuk baino ez dauzkagu, eta kaxkarrak*. Tira...
Aurten, Iruñeko jai agendarekin jarraituz, Iturrama auzoan izanen da Iruñeko IV. dantzarien topaketa txanda. Dena ongi badoa, bertan izango gara.
*Goraintziak lehen planoko xingola gorridun neskatikoari! ;)
Dokumentuaren akzioak
Erantzun
Duguna - Iruñeko dantzariak
Iruñeko udalak 1949. urtean sortu zuen gure taldea, hiriko antzinako dantza usantzak gogoan, euskaldunon hiri buruzagiko zeremonialetan dantzan aritzeko. Sanson Galante eta Joanes Larraintzarkoaren oinordeko sentitzen dugu gure burua.
Duguna - Iruñeko dantzariak
Maiatzaren 2a karrika, 9 behea
31001 - Iruñea
Tfnoa: +34 657 33 29 44
duguna@duguna.eus
Jasotako azken erantzunak
- Aurtzaka dantza taldea on Auzo bat dantzarako: Igartzako egunean aritu gara ezpata-dantzari
- Kezka dantza taldea on Aurtengo San Juan bezperako soka-dantza, Kezkari esker onez
- Aritz Ibañez Lusarreta on Odol berria San Blaseko soka-dantzan
- Oier Araolaza on Odol berria San Blaseko soka-dantzan
- Kezka dantza taldea on Aspaldiko partez, Maulen!
- Aritz Ibañez Lusarreta on Sagrario Aranburu Olasagarre zendu da
- Dantzan on Sagrario Aranburu Olasagarre zendu da
- Aritz Ibañez Lusarreta on Angel Etxaniz "Veneno" zendu da.
- Kezka dantza taldea on Angel Etxaniz "Veneno" zendu da.
- Patxi Montero on Eta trokeo dantzak plazaratu genituen! 2017/09/05
