Dokumentuaren akzioak
Hartzarekin batera esnatu gara, soka-dantzan
Duguna - Iruñeko dantzariak
Argazkia: Pablo Lasaosa
Hartza Otsailaren 2an esnatzen omen da neguko lozorrotik, aharrausi artean nagiak ateraz.
Hartzak bezala, guk ere, —egun bateko berantarekin badere— astintzen ditugu zangoak urtean lehenbizko aldiz Sanblas egunarekin, urte hondar eta hasmentako neurrigabekeriez gure onera etorrita, halako iratzartze erritu batean.
Agian horregatik maitasun berezia diogu Sanblas eguneko soka-dantzari. Horregatik edo ausaz, soka-dantza bihurri eta jostaria delako: bere inguruan jende asko maite ez duena, iaz hemen aurten han agertzen dena, egun argiz ala ilunabarrean...
Aurten, larunbatarekin bat egin du otsailaren 3ak eta Iruñeko udalak eguerdiko 13:30etan zehaztu du dantzarako tenorea. Ikusleen artean jende txit gorenik ere izan da!
Atera dugu soka, zopatu zaizkigu espartinak, eman dute lehen belauntxingoa Aritz eta Osel aitzin eta gibel-eskuek eta ondotik, soka guztiaren axeri-dantza heldu da.
Zortzikoarekin sartu dira neskak sokan eta belauntxingoa dantzatu diete mutilek. Gibeletik inguru-txikia eta inguru-handia, bixi-bixi. Eta karrika-dantzan, bazkaltzera!
Bi oharño bukatzeko:
1-Ibai Indartek eta Zuberoa Hualdek soka-dantza eman dute lehenbiziko aldiz. Biba zuek!
2 —Gaizki— ohituegi gaude gure musikari bikainen doinura dantzatzen eta zenbaitetan ahanzten dugu haien lana behar bezala eskertzen. Otsailaren 3an musikan aritu dira Iñaki Sagardoi, Aitor Huarte, Eiande Aranburu, Enneko Ganboa, Beñat Lopez, Julen Leuza eta Roberto Antzano. Mila esker beraz, eta biba zuek ere!!!
Dokumentuaren akzioak
Erantzun
Duguna - Iruñeko dantzariak
Iruñeko udalak 1949. urtean sortu zuen gure taldea, hiriko antzinako dantza usantzak gogoan, euskaldunon hiri buruzagiko zeremonialetan dantzan aritzeko. Sanson Galante eta Joanes Larraintzarkoaren oinordeko sentitzen dugu gure burua.
Duguna - Iruñeko dantzariak
Maiatzaren 2a karrika, 9 behea
31001 - Iruñea
Tfnoa: +34 657 33 29 44
duguna@duguna.eus
Jasotako azken erantzunak
- Aurtzaka dantza taldea on Auzo bat dantzarako: Igartzako egunean aritu gara ezpata-dantzari
- Kezka dantza taldea on Aurtengo San Juan bezperako soka-dantza, Kezkari esker onez
- Aritz Ibañez Lusarreta on Odol berria San Blaseko soka-dantzan
- Oier Araolaza on Odol berria San Blaseko soka-dantzan
- Kezka dantza taldea on Aspaldiko partez, Maulen!
- Aritz Ibañez Lusarreta on Sagrario Aranburu Olasagarre zendu da
- Dantzan on Sagrario Aranburu Olasagarre zendu da
- Aritz Ibañez Lusarreta on Angel Etxaniz "Veneno" zendu da.
- Kezka dantza taldea on Angel Etxaniz "Veneno" zendu da.
- Patxi Montero on Eta trokeo dantzak plazaratu genituen! 2017/09/05
