Hemen zaude: Hasiera Komunitatea Duguna - Iruñeko dantzariak Gure dantzari txikien udako kronika

Dokumentuaren akzioak

Gure dantzari txikien udako kronika

2013/09/23 09:50
Udazkenean sartu garen honetan atzera begira eta udako ibileren kronika eginen dizuegu.

Ekainaren 28 eta 29an gure taldeko txikiek emanaldi bi izan zituzten: Iruñeko Donibane eta Errotxapeako auzoetako Merkatarien Egunak.

Emanaldi hauek kurtsoari bukaera emateko balio izan zuten eta bertan, ikasitako dantzak praktikan jartzeko aukera aproposa izan zuten txikiek. Ikusle, guraso, irakasle zein dantzari pozik bukatu zuten ikasturtea.

Udaren hasiera aldean eta Sanferminak direla medio gure txikiek Uztailaren 9an dantzatu zuten "Txikien egunean". Urteroko eguzki zitalak eta aurten emandako denbora laburregia ez ziren oztopo izan gure txikiek emanaldi polit eta aberatsa aurkezteko.

Azkenik, Abuzuaren 30etik Irailaren 1era Oibarko "La Bizkaia" aterpean Dugunako txikien  lehenengo (aspaldiko partez lehenengoa, behintzat) kanpaldia egin genuen. Bertan 4 tailer antolatu genituen eta txikiek dantza, historia, musika eta Europako dantzen loturen inguruan ikasteko aukera izan zuten. Gauza guzti hauek praktiktan jarri zituzten Igandean egindako emanaldian.

  • Donibane eta Oibarreko argazkiak Aitor Razkin, Amaia Visus eta Bea Martinez-en eskutik hemen eta hemen.

 

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Duguna - Iruñeko dantzariak

Duguna - Iruñeko dantzariak

Iruñeko udalak 1949. urtean sortu zuen gure taldea, hiriko antzinako dantza usantzak gogoan, euskaldunon hiri buruzagiko zeremonialetan dantzan aritzeko. Sanson Galante eta Joanes Larraintzarkoaren oinordeko sentitzen dugu gure burua.

 

Duguna - Iruñeko dantzariak

Maiatzaren 2a karrika, 9 behea

31001 - Iruñea

Tfnoa: +34 657 33 29 44
duguna@duguna.eus