Dokumentuaren akzioak
Gorriz markatutako data: Tuterako jaiak!
Duguna - Iruñeko dantzariak
Zortzigarren aldiz izan ginen iaz Tuterako bestetan dantzan, uztailaren 25ean hain zuzen, Beterri peñako lagunek gonbidatuta. Uztaileko azkenengo asteburu ingurua gorriz markatua daukagu, urtero ematen diguten harrera goxoagatik eta pozik itzultzen gara Erriberako hiriburura dantzara.
Sanferminetarako landu genituen Berako makil-dantzak eta Arizkungo Sagar-dantza ere plazaratu genituen Tuterako alde zaharreko hainbat txokotan. Baztandarren Biltzarrean bezala urrezko botileroak izan genituen Tuteran ere eta geldialdi bakoitzean Beterriko lagunek garagardo nahiz ur katxiak atera zizkiguten freskatzeko. Horrela bai! Berako makil-dantzetan sei bikoteko taldean aritu ginen. Denok dantza genezan, plaza bakoitzean dantzariak aldatuz aritu ginen. Tarteka, Mutil-dantza eta jauziren bat ere dantzatu genituen eta Sagar-dantzariak, bat-bateko haize boladekin borrokatu behar izan zuten haien txanoak erori ez zitezen.
Hau ere urteroko anekdota: Tuterako Plaza nagusira iritsi eta ezin genuela dantzatu esan ziguten, Efecto Pasillo izeneko musika taldea soinu-froga egiten baizebilen. Beste batzuetan ez bezala, borroka psikologikoa irabazi eta azkenean dantzatu egin genuen! :-)
Jaietako giroa eta dantzatu osteko Tuterako euskaldunek eskainitako afaria zoragarriak izan ziren, eta, zer esanik ez, gogoz itzuliko gara aurten ere!
Dokumentuaren akzioak
Erantzun
Duguna - Iruñeko dantzariak
Iruñeko udalak 1949. urtean sortu zuen gure taldea, hiriko antzinako dantza usantzak gogoan, euskaldunon hiri buruzagiko zeremonialetan dantzan aritzeko. Sanson Galante eta Joanes Larraintzarkoaren oinordeko sentitzen dugu gure burua.
Duguna - Iruñeko dantzariak
Maiatzaren 2a karrika, 9 behea
31001 - Iruñea
Tfnoa: +34 657 33 29 44
duguna@duguna.eus
Jasotako azken erantzunak
- Aurtzaka dantza taldea on Auzo bat dantzarako: Igartzako egunean aritu gara ezpata-dantzari
- Kezka dantza taldea on Aurtengo San Juan bezperako soka-dantza, Kezkari esker onez
- Aritz Ibañez Lusarreta on Odol berria San Blaseko soka-dantzan
- Oier Araolaza on Odol berria San Blaseko soka-dantzan
- Kezka dantza taldea on Aspaldiko partez, Maulen!
- Aritz Ibañez Lusarreta on Sagrario Aranburu Olasagarre zendu da
- Dantzan on Sagrario Aranburu Olasagarre zendu da
- Aritz Ibañez Lusarreta on Angel Etxaniz "Veneno" zendu da.
- Kezka dantza taldea on Angel Etxaniz "Veneno" zendu da.
- Patxi Montero on Eta trokeo dantzak plazaratu genituen! 2017/09/05
