Dokumentuaren akzioak
Europako bikoteko dantza solteak Ezpalak jaialdian
Duguna - Iruñeko dantzariak
Asteburuan eginen dugu Iruñean eta Eibar-en Ezpalak dantza tradizionalen nazioarteko jaialdiaren edizio berri bat. Aurten, bikoteko dantza solteak izanen ditugu protagonista.
Dantza soltea gai nagusia
Iruñea eta Eibarren ospatzen dugun Ezpalak nazioarteko jaialdian bikotean eta soltean egiten diren dantzak izango dira protagonista. Transilvania (Errumania), Auvergne (Frantzia), Calabria (Italia), Asturias (Espainia), Aragoi (Espainia), eta Galdakaoko (Bizkaia) taldeek beraien eskualdeetan dantza soltean nola egiten duten erakutsiko dute.
Duguna dantza taldeko dantzari handi zein txikiek fandango eta arin-arina dantzatuko dugu taldeko txistularien eta Iñaki Leibar eta Itxaso Oregi trikitilari eta panderojoleen doinura eta horren ostean etorriko dira hango eta hemengo gainontzeko dantzariak ere!
Larunbatean 17:30etan kalejira eginen dute talde guztiek, Estafeta kaletik abiatuta. 18:00etan izanen da emanaldi naguisia Burgoen plazan (Salestarren aretoan, eguraldi txarra izanez gero).
Eusko Ikaskuntzaren jardunaldiak Portalean
Larunbat goizean, maiatzaren 28an eta hurrengo larunbatean ere, ekainaren 4an, Eusko Ikaskuntzaren Folklore sailak antolatuta "Dantza soltea" gai duten jardunaldiak burutuko dira Portalea Kultur Etxeko areto nagusian. Euskal Herriko eta Iberiar Penintsulako hainbat ikertzailek beren ikerketen emaitzak aurkeztuko dituzte.
Iñaki Irigoien, Andra Mari dantzari taldea, Aingeru Berguices, Carlos Antonio Porro, Carmen Ereño, Carolina Ibor, Jose Ignazio Ansorena, Mª Pilar Barrios, Gustavo Couto, Josu Larrinaga eta Emilio Xabier Dueñas izango dira bi asteburuetako hizlariak.
- Dantza soltea jardunaldiak (Eusko Ikaskuntza)
Dokumentuaren akzioak
Erantzun
Duguna - Iruñeko dantzariak
Iruñeko udalak 1949. urtean sortu zuen gure taldea, hiriko antzinako dantza usantzak gogoan, euskaldunon hiri buruzagiko zeremonialetan dantzan aritzeko. Sanson Galante eta Joanes Larraintzarkoaren oinordeko sentitzen dugu gure burua.
Duguna - Iruñeko dantzariak
Maiatzaren 2a karrika, 9 behea
31001 - Iruñea
Tfnoa: +34 657 33 29 44
duguna@duguna.eus
Jasotako azken erantzunak
- Aurtzaka dantza taldea on Auzo bat dantzarako: Igartzako egunean aritu gara ezpata-dantzari
- Kezka dantza taldea on Aurtengo San Juan bezperako soka-dantza, Kezkari esker onez
- Aritz Ibañez Lusarreta on Odol berria San Blaseko soka-dantzan
- Oier Araolaza on Odol berria San Blaseko soka-dantzan
- Kezka dantza taldea on Aspaldiko partez, Maulen!
- Aritz Ibañez Lusarreta on Sagrario Aranburu Olasagarre zendu da
- Dantzan on Sagrario Aranburu Olasagarre zendu da
- Aritz Ibañez Lusarreta on Angel Etxaniz "Veneno" zendu da.
- Kezka dantza taldea on Angel Etxaniz "Veneno" zendu da.
- Patxi Montero on Eta trokeo dantzak plazaratu genituen! 2017/09/05
