Dokumentuaren akzioak
Euriak ilundutako ezpata-dantza Elizondon
Duguna - Iruñeko dantzariak
Argazkiak: Juan Mari Ondikol
Uztailaren 27an ezpata-dantza egitera gonbidatu gaituzte Baztandarrak taldekoak Elizondoko festetara eta pentsatu dugu ezin zitekeela udaldia bukatzeko emanaldi ederragorik. Imajinatu dugu banderaren-dantza Txokotoko zubi gainean, zortzikoa Jaime Urrutia karrikan barna eta ezpata-dantza osoa Foruen plazan...
Baina euria Tuteran eta euria, biharamunean, Elizondon ere. Idorterik bada zuen herrian, dei gaitzazue dantzara!
Eta Elizondo ez baita Tutera, han ez du atertu. Goian behean aritu du arratsalde guztian, beraz, pilotalekuaren estalpean dantzatu behar izan dugu, gure ametsak zapuztuz. Eta ordu t'erdiko emanaldia behar zuena 12 minutuko emanalditxoa izan da.
Baztandarrak taldeko lagunei esan diegu, plazer dutenean itzuliko garela berriz, eguraldi onarekin, ahal delarik. Haiek emandako mutil-dantzak ikusten izan gara behintzat —bakarren bat dantzan aritu ere bai—, eta behintzat bidaia ez da izan guztiz alferrikakoa.
Juan Mari Ondikol-ek emanaldiko argazki eder hauek hartu eta bidali dizkigu. Mila esker!
Dokumentuaren akzioak
Erantzun
Duguna - Iruñeko dantzariak
Iruñeko udalak 1949. urtean sortu zuen gure taldea, hiriko antzinako dantza usantzak gogoan, euskaldunon hiri buruzagiko zeremonialetan dantzan aritzeko. Sanson Galante eta Joanes Larraintzarkoaren oinordeko sentitzen dugu gure burua.
Duguna - Iruñeko dantzariak
Maiatzaren 2a karrika, 9 behea
31001 - Iruñea
Tfnoa: +34 657 33 29 44
duguna@duguna.eus
Jasotako azken erantzunak
- Aurtzaka dantza taldea on Auzo bat dantzarako: Igartzako egunean aritu gara ezpata-dantzari
- Kezka dantza taldea on Aurtengo San Juan bezperako soka-dantza, Kezkari esker onez
- Aritz Ibañez Lusarreta on Odol berria San Blaseko soka-dantzan
- Oier Araolaza on Odol berria San Blaseko soka-dantzan
- Kezka dantza taldea on Aspaldiko partez, Maulen!
- Aritz Ibañez Lusarreta on Sagrario Aranburu Olasagarre zendu da
- Dantzan on Sagrario Aranburu Olasagarre zendu da
- Aritz Ibañez Lusarreta on Angel Etxaniz "Veneno" zendu da.
- Kezka dantza taldea on Angel Etxaniz "Veneno" zendu da.
- Patxi Montero on Eta trokeo dantzak plazaratu genituen! 2017/09/05
