Dokumentuaren akzioak
Elizondotik Tuterara
Duguna - Iruñeko dantzariak
San Ferminak bukatu eta oraindik ere bestondoa guztiz pasa gabe genuenean, Elizondon jarri ziguten zita Baztandarren Biltzarreko lagunek. Karrozen desfilean parte hartzea egokitu zitzaigun, Aniz-ko karrozaren atzean eta, tamalez, euripean. Hala ere euriak ez zuen egunaren giro ederra zapuztu eta gustura aritu ginen ibilbidean zehar jotzen eta dantzan. Bazkaria eta bazkalostea ere ederrak izan ziren, beraz, datorren urtean (eguraldi hobeagoarekin, ahal bada) errepikatzeko prest!
Ez ziren Elizondon bukatu uztaileko jira-birak. Izan ere, uztailaren 29an Tuterara jaitsi ginen, azken urteetan ohitura bilakatu den gisan, bertako jaietan dantzatzeko, Beterri peñako lagunek gonbidatuta. Nafarroako zenbait dantza plazaratu genituen Erriberako hiriburuko hainbat karriketan: Otsagabiko dantzak, Jaurrietako Axuri-beltza, Iribasko ingurutxoa, zenbait jauzi... Eskerrak eman nahi dizkiegu Tuterako gaitariei gure dantzak haien musikarekin laguntzeagatik. Plazerra izan zen!
Beste behin ere modu zoragarrian hartu gintuzten Tuterarrek eta bertara ere gustu handiz itzuliko gara heldu den urtean ere, plazer badute (bertan ez dago eguraldi txarraren beldurrik).
Dokumentuaren akzioak
Erantzun
Duguna - Iruñeko dantzariak
Iruñeko udalak 1949. urtean sortu zuen gure taldea, hiriko antzinako dantza usantzak gogoan, euskaldunon hiri buruzagiko zeremonialetan dantzan aritzeko. Sanson Galante eta Joanes Larraintzarkoaren oinordeko sentitzen dugu gure burua.
Duguna - Iruñeko dantzariak
Maiatzaren 2a karrika, 9 behea
31001 - Iruñea
Tfnoa: +34 657 33 29 44
duguna@duguna.eus
Jasotako azken erantzunak
- Patxi Montero on Eta trokeo dantzak plazaratu genituen! 2017/09/05
- Elai Alai Kultur Elkartea on Dantza propioak izanen dituzte Iruñeko Sanferminek aurtendik goiti 2017/06/27
- Aritz Ibañez Lusarreta on Hara, Olentzero!!!! 2014/12/24
- Fernando Oiartzun on Hara, Olentzero!!!! 2014/12/24
- Iker Tubia Barberia on Iruñeko dantzarion agenda Sanferminetarako 2016/07/05
- Jesus Romo Uriarte on ...ozenki esan dezagun, eskerrik asko Bidador!! (Barañain, Gotaine eta Bilbo: kronika hirukoitza) 2016/04/29
- Patxi Montero on Soka-dantza, euskararen eguna ospatzeko 2015/10/27
- Aritz Ibañez Lusarreta on Joxemiel Bidadorren omenezko pastorala prestatzen ari gara Iruñean, urrirako 2015/05/07
- Xabier Etxabe on Joxemiel Bidadorren omenezko pastorala prestatzen ari gara Iruñean, urrirako 2015/05/07
- Iñaki Zugasti on Miarritzeko San Martinen ezpata-dantza 2014: Ezpata esku batean ta gure geroa bestean 2015/05/04
