Dokumentuaren akzioak
Olentzero entendimentuz jantzia, 2017an
Duguna - Iruñeko dantzariak
Argazkia: Aritz Ibañez
♩♪Olentzero buru handia, entendimentu gabea...♫♪ . Kantaren bertsio hori nahiago dugu, normalki, guk maite dugun Olentzero bazterreko hori hobe islatzen duelakoan, baina joandako abenduaren 23an Olentzero entendimentuz jantzia atera nahi izan genuen behingoagatik. Berria, Argia, Elhuyar, Pikara... gertuko sentitzen ditugun egunkari eta aldizkariak irakurtzen eman genuen Olentzero, hortaz!
Entendimendu hori bera —eta pazientzia pixka bat— erabili behar izan genuen, dantzari txiki berriei azaltzeko gure panpina Olentzero dela, eta ez soilik Bilboko kabalkadako Papanoel txapeldun hori. Ez dugu uste errelatoaren borroka irabazi genuenik, baina gure argudioak finduko ditugu heldu den negurako!
Edonola, giro ederrean atera ginen kantura Nabarreria auzo zaharrean barna. Larunbat arratsaldea izaki, denda zenbait itxita topatu genituen, eta beraz taldeko zenbait laguni —Martxelori, Leire eta Ioni eta Itziarri eta Aitorri— atean kox-kox jo behar izan genien arrautze eta ziztor eske. Karridendan, Gurgurren eta Beatrizen ere izan ginen eta eskertzen dizkiegu merendurako eskainitako puskak.
Itzuliaren ondotik, dantzaldi txiki bat barkillogileen plazatxoan eta ondotik, txokolate beroa eta txistor pintxo goxoak Iñaki Domingez sukaldariari esker, kolkoa berotzeko.
Olentzero hurbilago, partehartzaileago, parekideago, euskaldunago, lurtiarrago, garaikideago... baten alde, heldu den abenduan ere kalera ateratzeko mehatxua joa dugu dagoeneko!
Dokumentuaren akzioak
Erantzun
Duguna - Iruñeko dantzariak
Iruñeko udalak 1949. urtean sortu zuen gure taldea, hiriko antzinako dantza usantzak gogoan, euskaldunon hiri buruzagiko zeremonialetan dantzan aritzeko. Sanson Galante eta Joanes Larraintzarkoaren oinordeko sentitzen dugu gure burua.
Duguna - Iruñeko dantzariak
Maiatzaren 2a karrika, 9 behea
31001 - Iruñea
Tfnoa: +34 657 33 29 44
duguna@duguna.eus
Jasotako azken erantzunak
- Aurtzaka dantza taldea on Auzo bat dantzarako: Igartzako egunean aritu gara ezpata-dantzari
- Kezka dantza taldea on Aurtengo San Juan bezperako soka-dantza, Kezkari esker onez
- Aritz Ibañez Lusarreta on Odol berria San Blaseko soka-dantzan
- Oier Araolaza on Odol berria San Blaseko soka-dantzan
- Kezka dantza taldea on Aspaldiko partez, Maulen!
- Aritz Ibañez Lusarreta on Sagrario Aranburu Olasagarre zendu da
- Dantzan on Sagrario Aranburu Olasagarre zendu da
- Aritz Ibañez Lusarreta on Angel Etxaniz "Veneno" zendu da.
- Kezka dantza taldea on Angel Etxaniz "Veneno" zendu da.
- Patxi Montero on Eta trokeo dantzak plazaratu genituen! 2017/09/05
