Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Duguna - Iruñeko dantzariak Trokeo-dantzak Done Saturdi egunez, urteari amaiera emateko

Dokumentuaren akzioak

Trokeo-dantzak Done Saturdi egunez, urteari amaiera emateko

Trokeo-dantzak Done Saturdi egunez, urteari amaiera emateko

Argazkia: Jesus Caso

Gure dantza denboraldi "ofiziala" azaroaren 29an, Done Saturdi egunarekin bukatzen ohi da eta 2019an hala izan da. Egun horretan izan dugu urteko azken dantza emanaldia. Goiz eguzkitsu eta epela. Beste aldi batzuetako elur eta zero azpiko tenperaturen arrastorik ez. Aitzakirik gabea, beraz. Alde zaharreko burgu frankoetatik promenatu, hamaiketakoan indarrak hartu eta udal plazako gure emanaldirako prestatu gara. 

Malabarismo jokoak dantzarako zerrendak atontzeko garaian, irailan heldu zaigun dantzari labealdi berriarekin horrenbeste lagun baikara. Zorioneko buruhausteak!! Hiru trokeo-dantza egin behar ditugu, beraz... 3 dantzari zortzikote!

Ohiturak doi bat aldatzeko, arku-dantza eman dugu aurrenik eta ezbeharrik gabe joan da!

Sansaturnino 2019_01
Argazkia: Ander Lukin

Sansaturnino 2019_02
Argazkia: Ander Lukin

Dantzari zortzikotea aldatu eta ezpata eta brokelen dantza dantzatu dugu ondotik, tartean Saioa eta Haizea debutariak!

Sansaturnino 2019_03
Argazkia: Ander Lukin

Sansaturnino 2019_06
Argazkia: Ander Lukin

Eta amaitzeko zinta-dantza, urte osoan zehar txirikordatutakoak destxirikordatzen bukatzeko. Honako honetan ere dantzari batzuk lehenbiziko aldiz aritu dira udal plazan, Bittori eta Jone, esaterako. Xingolak lotzea eta deslotzea lortu dugu, beraz, xedea beteta!

Sansaturnino 2019_05

Sansaturnino 2019_07
Argazkia: Ander Lukin

Ander Lukin eta Jesus Caso-ren argazkiak ederrak dira ederrak direnez, baina mugimendua emanen bagenie? Hortxe Mattin Larreak hartutako bideo irudiak:

 2020an gehiago!

 

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.