Dokumentuaren akzioak
Dantza berrien atontzeari buruzko jardunaldia
Duguna - Iruñeko dantzariak
Heldu den asteko ostiralerako —azaroak 14— dantza berrien atontzeari buruzko jardunaldia antolatu dugu Iruñean.
Sarri erreparatu izan diegu tradizioz heldu zaizkigun dantza sistema eta ohiturei, baina gaude, orain arte ez dela horren ohikoa izan, azken urteotan abiatu diren molde berriko dantza tradizioei begiratzea. Esate baterako, azken bi hamarkadetan Euskal Herri osoan gertatu den ezpata-dantzen ugaritzea aztertzeko modukoa iruditzen zaigu. Berdintsu esan genezake soka-dantza, trokeo-dantza edo libertimendu dantzei buruz.
Fenomenoaren orokortasunari erreparatu aitzin, baina, iturburuan jarri nahiko genuke arreta. Zergatik eta nola abiatu izan dira dantza zahar-berri hauen atontze prozesuak han eta hemen? Zerk egiten du sustraitu daitezen eta funtziona dezaten?
Horretarako, iraupen luzeko hiru dantza ohituren testigantzak bildu nahi izan ditugu jardunaldi honetan. Gurekin izanen dira, beraz:
- Mikel Larramendi - Iruñeko San lorenzoko dantzariak
- Oier Araolaza - Eibarko Arrateko ezpata-dantza eta trokeo-dantzak
- Mikel Sarriegi - Beasaingo Igartzako ezpata-dantza eta trokeo-dantzak
Esan bezala jardunaldia azaroaren 14ean (ostirala) izanen da, Iruñeko Arrotxapea auzoko Euskokultur Mintegian (Baratzeen zeharkalea 2 - behea), arratsaldeko 18:30etatik aurrera.
Dantza berrien atontzeari buruzko jardunaldia
- Azaroak 14, ostirala
- 18:30
- Euskokultur Mintegia (Baratzeen zeharkalea 2, behea - Iruñea)
Jardunaldi hau MECNA programari esker antolatua izan da.
Dokumentuaren akzioak
Erantzun
Duguna - Iruñeko dantzariak
Iruñeko udalak 1949. urtean sortu zuen gure taldea, hiriko antzinako dantza usantzak gogoan, euskaldunon hiri buruzagiko zeremonialetan dantzan aritzeko. Sanson Galante eta Joanes Larraintzarkoaren oinordeko sentitzen dugu gure burua.
Duguna - Iruñeko dantzariak
Maiatzaren 2a karrika, 9 behea
31001 - Iruñea
Tfnoa: +34 657 33 29 44
duguna@duguna.eus
Jasotako azken erantzunak
- Kezka dantza taldea on Iñaki Dominguez Zilbeti joan zaigu
- Aurtzaka dantza taldea on Auzo bat dantzarako: Igartzako egunean aritu gara ezpata-dantzari
- Kezka dantza taldea on Aurtengo San Juan bezperako soka-dantza, Kezkari esker onez
- Aritz Ibañez Lusarreta on Odol berria San Blaseko soka-dantzan
- Oier Araolaza on Odol berria San Blaseko soka-dantzan
- Kezka dantza taldea on Aspaldiko partez, Maulen!
- Aritz Ibañez Lusarreta on Sagrario Aranburu Olasagarre zendu da
- Dantzan on Sagrario Aranburu Olasagarre zendu da
- Aritz Ibañez Lusarreta on Angel Etxaniz "Veneno" zendu da.
- Kezka dantza taldea on Angel Etxaniz "Veneno" zendu da.
