Edukira salto egin | Salto egin nabigazioara

Tresna pertsonalak
Hemen zaude: Hasiera › Komunitatea › Duguna - Iruñeko dantzariak › Aunitz urtez Iruñeko Gaitero eta Txistulariok!!

Dokumentuaren akzioak

Aunitz urtez Iruñeko Gaitero eta Txistulariok!!

Duguna - Iruñeko dantzariak Duguna - Iruñeko dantzariak
2018/01/05 12:45
Aunitz urtez Iruñeko Gaitero eta Txistulariok!!

Biba gaitero eta txistulariak!!! Argazkia: Miguel Oses

Iruñeko udalak segizio ederra du, barroko garaiko jarraigo haien oinordeko, hiriaren ospakizun arranditsuetan karrikara ateratzen duena: dantzariez gain, tinbalariak, klarineroak, mazolariak, erraldoi eta kilikiak, musika banda, txistulari eta gaiteroak.

Jesus Ramosek, Mikel Aranburuk eta bestek bildu dute Iruñeko zeremonialetan, menderik-mende parte hartu izan duten musikarien berri. Egonortasun eta kalitate gutxieneko bat bermatze aldera, aldiz, 1942. urtean gaitero eta txistulari udal bandak sortzeko agindu zuen Iruñeko Herriko-etxeak. Aurten, hartara, bete dira sortze horren 75 urteak. Eta nola ez, ekitaldi ezberdinen bidez ospatu dituzte Iruñeko Txistulari eta Gaiteroek haien diamantezko ezteiak.

Agian entzutetsuena, urriaren 8an, Pamplonesa musika bandarekin batera, Iruñeko Gaiarre antzokian eskaini zuten kontzertua izan zen. Ospakizun eder horretan parte hartzeko gonbitea hartu genuen guk ere —erraldoien konpartsarekin batera—, eta nola ezetz esan, ba!

Pamplonesaren laguntzarekin jotzeko, Iruñeko 7 dantza izeneko konponketa prestatu zuen Jesus Garisoain, bandaren zuzendariordeak. Udal txistulariek hartara, Hiru Burguen soka-dantza emateko soinua jarri ziguten.

txistulari eta gaiteroen urteurrena 2
Fermin Garaikoetxea, Eiande Aranburu, Alex Martinez eta Beñat Lopez Iruñeko udal txistulariak. Argazkia: Miguel Oses

txistulari eta gaiteroen urteurrena 1
Argazkia: Miguel Oses

txistulari eta gaiteroen urteurrena 3
Argazkia: Miguel Oses

Segidan, udal gaiteroek hartu zuten txanda eta Trokeo-dantzetatik Iruñeko ferietan, Pinpirin eta florian eta Muga gainetik jo zituzten.

txistulari eta gaiteroen urteurrena 4
Jose Luis Fraile eta Martin Ariztimuño, Iruñeko udal gaiteroak. Argazkia: Miguel Oses

txistulari eta gaiteroen urteurrena 5
Argazkia: Miguel Oses

txistulari eta gaiteroen urteurrena 6
Argazkia: Miguel Oses

Dorrearen puntaren puntatik biba bana oihukatuz opa izan genien txistulari zein gaiteroei, behintzat beste 75 urtean, hiri honen ospakizunak elkarrekin alaitzen jarraitzea!

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.