Dokumentuaren akzioak
Aunitz urtez, Haritz dantza taldea!!
Duguna - Iruñeko dantzariak
Argazkia: Alex Berasategi
Elgoibarko Haritz dantza taldeko lagunak haien 50. urteurrena ospatzen ari dira eta urriaren 10ean, festa eder baterako gonbidapena egin digute guri eta Eibarko Kezka dantza taldeari. Malkarrak kendu gabe genituela abiatu gara Iruñetik, goizean-goiz. Elgoibarrera heldu, mokadu bat jan eta dantzarako beztitu gara. Dantzaldiaren aurretik kalejira dugu Mahalako plazatik abiatuta. Kezkakoek zabaldu dute bidea, gu haien atzetik eta gibel-gibelean, Haritzeko anfitrioiak. Karrikan gora eta behera berotu ditugu giharrak, gure gaitarien doinura.
Plazako ordena ere kalejiraren berdina izan da. Kezkako lagunek eman diote hasiera Elgoibarko udal plazan gertatu den emanaldiari. Arrateko ezpata-dantza eta trokeo-dantzak eman dituzte duhin bezain fin!
Ez da makala gero, halako dantza-lagunen ondotik ateratzea plazara. Eguraldiak ederki lagundu digu eta plazaren edertasun eta berotasunak ere dantzarako gogoa piztu! Bagoaz beraz! Kalejiran atera gara plazara eta ondotik, banan-bana eman ditugu gure trokeo-dantza guztiak. Errepika eder batzuk egitetik gatoz eta plazan guztiz agertu ez bada ere, konforme gara egindakoarekin.
Elgoibartarrek dantza ezberdinen nahastura bat eman dute ondotik: baltsa, skotixa, binangoa, almute-dantza, jota eta porrue...
Ondotik, oroigarri banaketa eta hiru taldeetako dantzari guztiak batera fandangoa eta arin-arina dantzatu ditugu, eta eskuetatik elkar-hartuta, kalejira! Horrela bukatu dugu plaza gainekoa. Arropaz aldatu eta bazkaria eta bazkalburu luzea izan ditugu gero eta hor ere izan da dantza eta kanturik. Mila esker Kezka eta Haritz asteburu ederragatik eta aunitz urtez!
Dokumentuaren akzioak
Erantzun
Duguna - Iruñeko dantzariak
Iruñeko udalak 1949. urtean sortu zuen gure taldea, hiriko antzinako dantza usantzak gogoan, euskaldunon hiri buruzagiko zeremonialetan dantzan aritzeko. Sanson Galante eta Joanes Larraintzarkoaren oinordeko sentitzen dugu gure burua.
Duguna - Iruñeko dantzariak
Maiatzaren 2a karrika, 9 behea
31001 - Iruñea
Tfnoa: +34 657 33 29 44
duguna@duguna.eus
Jasotako azken erantzunak
- Aurtzaka dantza taldea on Auzo bat dantzarako: Igartzako egunean aritu gara ezpata-dantzari
- Kezka dantza taldea on Aurtengo San Juan bezperako soka-dantza, Kezkari esker onez
- Aritz Ibañez Lusarreta on Odol berria San Blaseko soka-dantzan
- Oier Araolaza on Odol berria San Blaseko soka-dantzan
- Kezka dantza taldea on Aspaldiko partez, Maulen!
- Aritz Ibañez Lusarreta on Sagrario Aranburu Olasagarre zendu da
- Dantzan on Sagrario Aranburu Olasagarre zendu da
- Aritz Ibañez Lusarreta on Angel Etxaniz "Veneno" zendu da.
- Kezka dantza taldea on Angel Etxaniz "Veneno" zendu da.
- Patxi Montero on Eta trokeo dantzak plazaratu genituen! 2017/09/05
