Dokumentuaren akzioak
Aldaketekin dator aurtengo Sanjuan bezperako soka-dantza
Duguna - Iruñeko dantzariak
Iruñeko 3 Burguen egunean egiten dugun soka-dantzaren tankera hartuko du aurten Sanjuan bezperako soka-dantzak. Orain arteko sokaren egiturari eutsi, baina urratsez, jantziz eta dantzarien generoz, iraila hastapenean egiten dugun dantzaren ezaugarriak hartuko ditu. Beraz, ez da neska eta mutilen arteko bereizketarik izanen, zuri-gorriz jantziko gara eta atrebentzia handiz "Nafarroa Garaiko taula gimnastiko-koreografikoa" deitu dugun taulako urratsak baliatuko ditugu dantzan.
Dantzari bakoitzak lagun bat gonbidatuko du inguru-handi eta inguru-txikia dantzatzera.
Hala ere, ekainaren 23ko soka-dantza honek berezkoak dituen zenbait bereizgarriri eutsi nahi izan diogu. Soka-dantza abiatzen duen kantu konjuratzailea abestuko dugu orain arte bezala, hitzetan aldaketatxo batzuk eginda, hori bai. Bestetik, lorez egindako koroak eta hauek egiteko lili-bilketarako txangoa izan dira orain arteko erritualtxoaren parte garrantzitsu eta ez genuen hori galtzerik nahi. Kororik ez dugu jantziko baina bai lorez atondutako lore-sortatxoak paparrean.
Dantzarako plaza ere aldatuko dugu. Urtero hesiz inguratuta dantzatu beharraz asperturik, Arrotxapeko zubi ondoko belardia utzi eta Kostarapeko belardian (ibaiaren bideari jarraituz 400 bat metro aitzinerago) eginen dugu dantza.
Soka-dantzaren ondotik, mokadutxoa janen dugu gerturatzen diren lagunekin.
Sanjuan bezperako soka-dantza
- Eguna: Ekainak 23
- Ordua: 19:30etan
- Kostarapeko pasealekuko belardian
Dokumentuaren akzioak
Erantzun
Duguna - Iruñeko dantzariak
Iruñeko udalak 1949. urtean sortu zuen gure taldea, hiriko antzinako dantza usantzak gogoan, euskaldunon hiri buruzagiko zeremonialetan dantzan aritzeko. Sanson Galante eta Joanes Larraintzarkoaren oinordeko sentitzen dugu gure burua.
Duguna - Iruñeko dantzariak
Maiatzaren 2a karrika, 9 behea
31001 - Iruñea
Tfnoa: +34 657 33 29 44
duguna@duguna.eus
Jasotako azken erantzunak
- Aurtzaka dantza taldea on Auzo bat dantzarako: Igartzako egunean aritu gara ezpata-dantzari
- Kezka dantza taldea on Aurtengo San Juan bezperako soka-dantza, Kezkari esker onez
- Aritz Ibañez Lusarreta on Odol berria San Blaseko soka-dantzan
- Oier Araolaza on Odol berria San Blaseko soka-dantzan
- Kezka dantza taldea on Aspaldiko partez, Maulen!
- Aritz Ibañez Lusarreta on Sagrario Aranburu Olasagarre zendu da
- Dantzan on Sagrario Aranburu Olasagarre zendu da
- Aritz Ibañez Lusarreta on Angel Etxaniz "Veneno" zendu da.
- Kezka dantza taldea on Angel Etxaniz "Veneno" zendu da.
- Patxi Montero on Eta trokeo dantzak plazaratu genituen! 2017/09/05
