Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Dantzan

Orain arteko ekarpenak

Indarra eta Oñatz Polonian Lemko herriaren jaialdian

2019/07/08

Gasteizko Indarra dantza taldea  Poloniako Swiat Pod Kyczera nazioarteko folklore jaialdian da egunotan. Eta gaur bertan abiatuko da Poloniaruntz Oñatiko Oñatz dantza taldea. Indarrakoak uztailaren 3tik 9ra izango dira Polonian eta hortik aurrera Oñatzekoek hartu dute lekukoa. Oñatiarrak ga...

Gehiago irakurri

Compagnie Galouche 2019 ezpata-dantza

2019/07/05

Valoniako Queveaucamps herriko Compagnie Galouche ezpata-dantzari taldea dugu irudietan. Anberesko ezpata-dantzaren jaialdian eskaini zuten saioa dugu. Izan ere Anberesko ezpata-dantzak berrogeita hamar urte bete ditu aurtengoan eta urteurrena ospatzeko Europako beste hainbat ezpata-dantzari gonbidatu dituzte, urtero, garizumaren erdian ospatzen duten festara. Martxoko azken asteburuan Anberes hiriko ezpata-dantzariek eta talde gonbidatuek beren erakustaldiak egin dituzte.

Zortzi dantzariak ilaran kokatuta daudela danbor hotsa hasten da eta instrumentuaren erritmoan banan-banan aurreratzen dira eta plazaren erdian borobilean kokatzen dira. Horrela, danbor soinuei gaita gehitzen zaie eta dantzariak itzuliekin hasten dira. Beren burua aurkezten dute ezpata altxaz eta itzuli bat emanez. Jarraian gurutzaketak eta zubiak egiten dituzte hainbat figura osatuz ezpatekin. Dantzariak dantzan ari diren bitarte horretan otsoa agertzen da plazara eta beraien inguran biraka ibiltzen da, zenbait momentutan dantzara ere animatzen da. Animaliak dantzariak distraitu eta molestatu nahi ditu. Dantzariek otsoa harrapatu eta zintzarria egiten diote, otsoari lepoa moztea irudikatzen dute. Hildako otsoa borobilaren erdian hartu eta lurrean etzanda dela, bere inguruan dantzan jarraitzen dute. Azkenean, ordea, otsoa berpiztu egiten da eta ezpatekin osatutako parrilan altxatzen dute. Otsoak parrilaren goian dela bandera astintzen du.

Irudiak: Eire Vila. Compagnie Galouche, ezpata-dantza, Anberes, 2019-03-31.

Uda honetan ikusi beharreko 10 dantza ekitaldi

2019/07/05

Udan sartzearekin batera herriko jaietan murgiltzen gara; solstizioarekin festa eta dantzak eztanda egiten dute Euskal Herriko hiri, herri eta auzoetan. Askok hegazkina hartu eta munduko beste lekuren batera ihes egingo dute leku eta kultura berriak ezagutzeko asmoz, baina gurean ere bada zer ik...

Gehiago irakurri

Iruñeko sanferminak dantzan 2019

2019/07/04

Larunbat eguerdiko suziriarekin batera egingo du eztanda festak Iruñean. Bederatzi egunean jaiak ez du etenik izango. Festak dantzan ospatzeko baino modu hoberik ezagutzen al duzue? Festa eta dantza eskutik helduta joan ohi dira ia beti, baita Iruñean ere. Sanferminetan momentu eta txoko guztieta...

Gehiago irakurri

Iruñea: Korpus 2019 San Lorentzoko danzanteak

2019/07/04

Jesus Pomares gogoan, Iruñeko Besta Berriko prozesioa irekitzen duten San Lorentzoko danzanteen irudiak dakartzagu. Karrikadantzarekin gurutzatu dituzte belarrez eta petaloz atondutako alde zaharreko kaleak. Katedraletik abiatu eta, udal-plaza eta San Saturnino eliza pasata, San Lorentzo elizarainoko bidea egiten dute Kale Nagusitik, atzera, katedralera itzultzeko. Prozesioa Korpus eguneko liturgiaren baitan egindako ospakizunarekin amaituta, dantzariek katedral aurreko plazan dantzatu dituzte: fagina, habanera eta kortesia, eta arku dantza. 

1997an ekin zieten San Lorentzoko danzanteek bere ibilbide zaharberrituari, hain zuzen aste honetan zendu den Jesus Pomaresek akuilatuta. Ikerketa eta birsortze-lan sakon baten ondoren, Iruña taldearen 25. urteurrenaren karietara egin zuten beren lehen emanaldia. Urtean zehar zenbait agerraldi finko egiten dituzte: inauterietako kaldererotan, San Ferminetan, San Lorentzo egunean, eta irudiotan ageri den Besta Berri prozesioan 1999tik. Hogeigarren urteurrena bete dute beraz.

Iruñeko prozesiorik zaharrena da Besta Berrikoa edo Korpusekoa.  Berpizkundetik eta XIX. mende arte tokiko eta kanpotik etorritako dantzarien presentzia izan zuen, eta San Lorentzoko Danzanteen Kofradiak berreskuratu zuen ohitura. Katedraleko Sei haurrek edo Infantikoek Sakramentu Santuaren aitzinean Hilarion Eslabaren billantziko bat dantzatu zuten katedraleko presbiterioan eta prozesioan parte-hartu zuten.

Katedraleko emanaldia amaituta, Zapateria kalera joan ziren dantzan Donezar kandeladendaraino. Han dantza batzuk eginda, txorizoa azukrearekin eman zieten jateko, gremioen kofradiek egun berezi horretan prestatu ohi zuten menua alegia. Irudiak: Gari Otamendi. San Lorentzoko danzanteak, Besta Berri egunean: fagina, habanera eta kortesia, eta arku dantza, 2019-06-23.

Lesaka 2019 sanfermin dantzak prestatzen

2019/07/03

San Fermin egunerako azken prestaketekin dabiltza Lesakako ezpata-dantzariak. Aste honetan entsegu nagusiak egokitzen dira, astelehenean zubigainera igo dira eta igande baino lehen, ostegunean berriro arituko dira. Unai Gurrutxaga aitzineskuarekin egon gara zubigaineko asteleheneko saioa amaituta. Hirugarren aldiz irtengo da San Fermin egunez dantzara eta aitzinesku gisa bigarrena izango du. Ezpata-dantzari bezala lehenengo aldiz irten eta hurrengo urtean eman zioten buruzagi irteteko aukera, sorpresan hartu zuen proposamena, baina azkenean animatu zen. Lesakar batentzat ezpata-dantzari izatea berezia da oso eta zeresanik ez, aitzineskuaren postua. Gurrutxagak ardura sentitzen badu ere, oso egun polita izaten dela dio. Urduritasunak sumatu ditu dantzarien artean, baina taldea ondo ikusi du zubigainean eta osteguneko entseguaren ondoren, igandean primeran arituko direla dio.

Ekainean elkartu ohi dira taldea antolatu eta entseguak egiteko. Azaldu digu adin bat iristean naturalki hasten direla ezpata-dantzarien entseguetara joaten. Horrela, ezpata-dantzariren batek bere postua uztea erabakitzen duenean izaten dute berriek lekua ordezkatzeko aukera. Aurtengoan bost ezpata-dantzarik utzi dute, beraz, bost dantzarik lehenengo aldiz dantzatuko dute. Horien artean emakumeak ere izango dira estreinekoz. Duela bi hiru urte hasi ziren entseguetan eta aurten hutsik gelditu diren postuak betetzeko aukera iritsi zaie. Igandean goizeko 8:00etan ekingo diote egun osoko lanari, goizean gurutzeak eginez ibiliko dira prozesioan eta plazan zeharkakoa eta erreka alboan zubigainekoa dantzatuko dituzte. Arratsaldean, berriz, zantzo-monona, esku-dantza, aurreskua, jota eta arin-arina. Irudiak: Eire Vila, sanfermin dantzak prestatzen, Lesaka, 2019-07-01.

Jesus Pomares, dantzari, ikertzaile eta dantza sustatzaile iruindarra hil da

2019/07/03

Iruña taldean eta San Lorentzoko Danzanteen Kofradian lan handia egindako Jesus Pomares Espartza hil da Iruñean 61 urterekin. Dantza tradizionalen alde mende erdiz ibilbide oparoa eta ondare aberatsa utzita zendu da Pomares. Dantza tradizionalaren historiaren maitale eta ezagutzaile handia, errit...

Gehiago irakurri 4 erantzun daude

Abaltzisketa: San Joan bezpera 2019 San Joan zortzikoa eta soka-dantza

2019/07/02

Gaueko hamarretako kanpaiekin batera, apaizak sua bedeinkatu eta San Joan sua piztu dute Abaltzisketan. Ondotik dantzatzen dira San Joan zortzikoa eta soka-dantza. Janire Otamendi da soka-dantza antolatzeko ardura duen gazteetako bat eta zenbait azalpen eman dizkigu San Joan bezperan dantzatzen dituzten dantzei buruz. Pare bat hilabete lehenago elkartzen dira herritarrak herriko festetako dantzak prestatzen hasteko. Abaltzisketan ez da dantza talderik, propio San Juan bezperako emanaldirako elkartzen dira herriko gazteak. Aurten hiru bat lagun ibili dira gainerakoei erakusten; taldea antolatu eta dantzara animatu diren auzotarrei irakasteko ardura hartu dute.

Sua piztearekin batera San Juan zortzikoaren doinua entzuten da plazan. Iñaki Eguren, Hernaniko txistularia aritzen da azken urteetan musikari lanetan. Txistuaren melodia hasi bezain pronto, udaletxea atzean dutela, suari begira kokatu eta zortzikoa dantzatzen dute. Jarraian, mutilek soka osatu eta aurreskuari ekiten diote. Aurten hogei dantzaritik gorako soka osatu dute, gaztetxoak eta herriko gazteak sartu ohi dira sokan. Lehen buelta alkatea sokan dela egiten dute, aurreskuaren atzean kokatzen da, sokaren bigarren postuan. Segidan, aurreskua eta alkatea sokatik irten eta aurreskuak alkateari desafio erdia dantzatzen dio. Zati horren ondoren dantzatzen dira beste guztiak. Honako zatiak dantzatu dituzte:

  • alkateari desafio erdia
  • desafioa
  • alpargatak
  • agurra
  • desafio gurutzatua
  • fandangoa
  • arin-arina
  • kalejira

Irudiak: Eire Vila. San Joan bezpera, zortzikoa eta soka-dantza, Abaltzisketa, 2019-06-23.

Berriz: San Pedro 2019 banangoa

2019/07/01

San Pedro egunean Berrizko ezpata-dantzariek dantzatutako banangoa dugu irudietan. Egun handia izaten da San Pedro eguna Berrizen eta herriko dantzariek dantza dantzari-dantza eta erregelak dantzatu ohi dituzte festa egunean, eguerdian eta iluntzean dantzatzen dute. Bideoan jasotako irudiak 20:00etako emanaldikoak dira. Aurtengoa historikoa izan da, emakume batek dantzatu baitu lehen aldiz. 2016an, Berrizko dantza ekitaldi nagusietan emakumeen parte hartzea bermatzeko neurriak hartu zituzten udalak eta herriko bi dantza taldeek. Hori horrela, ordura arte gizonezko ezkongabeei bakarrik ematen zitzaien plazan dantzatzeko aukera eta ordutik herritar guztiei ireki zaie atea, generoa eta egoera zibilagatik inor baztertu gabe. Dantzariak: Unai Zabala, Gorka Otaduy, Beñat Albizuri, Unai Areitiurtena, Gontzal Arregi, Amaia Uzuriaga, Jon Aresti eta Ernesto Milikua. Txistularia: German Aldekoa. Irudiak: Eire Vila eta Oier Araolaza. San Pedro, banangoa, Berriz, 2019-06-29.

Pasai Antxo 2019 soka-dantza

2019/06/28

1966az geroztik, San Juan bezperan soka-dantza dantzatzen dute Pasai Antxon. Alkartasuna dantza taldeko musikarien doinuan dantzatzen dute aurreskua. Alkartasunako zenbait kiderekin batera herritar ugari animatzen dira sokan dantzatzera. Desafioak, abarketak, eta agurrak dantzatu ondoren sua pizten dute eta momentu horretan aurreskuak eta atzeskuak San Juan zortzikoa egiten dute. Ondoren, suaren inguruan jarraitzen dute dantzan. Argazkiak: Amaiur Aristi

Orain arteko erantzunak

Dantzan.com on Inauteriak 2014 oinarrizko egutegia

2014/02/08

Atxikitua, eskerrik asko, Jon!

Dantzan.com on Inauteriak 2014 oinarrizko egutegia

2014/02/07

Eskerrik asko abisuagatik, eguneratu dugu egutegia.

Dantzan.com on Jantzien kodexa, XVI. mendera bidaia koloretsua

2013/12/10

Mila esker Weiditz-en liburuaren loturagatik Mikel!
Pisgeina hitzari buruz, Oier Gorosabel-ek twitterren galdetu du ea ez ote den izango "vizcaina" hitzaren transkribapen fonetikoa.
https://twitter.com/Txikillana/status/408888045383843840

Dantzan.com on Maskaraden inguruko galderak Zuberoako Mihia Pitz telebistako lehiaketa berrian

2013/10/14

Maskaradetan emakumeek lehen aldiz non eta noiz parte hartu zuten galdearen inguruan idatzi digu Marcel Bedaxagarrek. Hauxe esaten digu: "Ene ustez, egün bat baizik ez züen egin Barkoxen. Eta ondotik, ez da emazterik izan maskaradetan 31 urtez. Urdiñarben ziren berriz agertü eta geroztik beti hor dira, salbü Eskiulan, herri horrek emazteen maskaradak egin ondoan, gizonenak egin beitzütian urte zonbait berantago (Gamere Ziihigako aitzineko maskaraden ber urtean eta ber ihautean).

Dantzan.com on Areatza: Aurreskua 1925

2013/09/18

Bideo honen harira, Sojok bere jaioterrira egindako bisitaren berri ematen zuen ABC egunkariko albistea aurkitu du @jabiortega -k eta twitter bidez konpartitu du. Hauxe dio testuak:
ABC, Viernes 5 de Febrero de 1925
Vascongadas
El Dr. Sojo en Bilbao
Bilbao 5, 11 noche. El ilustre periodista argentino doctor Sojo visitó hoy Villaro, donde nació su madre, presenciando las fiestas típicas que se organizaron en su honor. Por la tarde verificó una visita a la casa paterna, existente en Castrejana. Esta noche, sus amigos obsequiaron al director de La Rasan, de Buenos Aires, con ana comida en el Club Náutico, a la qne. asistieron el presidente de la Diputación, el alcalde y el cónsul de la Argentina.

Dantzan.com on Non izan zarete uda honetan dantzan?

2013/09/03

Jon Iruretagoienak hauen berri eman digu <dantzan> posta zerrendan: "Ixtorio Mixtorio ikusgarria Bretaniara eraman genuen Maritzuli konpainiarekin, Xinkako (Bidarte) eta Eraiki (Behobia) taldeekin. Guingamp eta Pontivy-n eman genuen. Hendaiako Akelarre taldea eta behobiako eraiki dantza taldea, IDB ek lagundurik, Bretaniara joan ziren, Concarneau-ko "les filets bleus" festibalean parte hartzeko."

Dantzan.com on Non izan zarete uda honetan dantzan?

2013/09/03

Jakin dugunez Donostiako Kresala dantza taldea Ambert-en izan da, Frantzian.

Dantzan.com on Non izan zarete uda honetan dantzan?

2013/09/03

Eskerrikasko Ander! Sartu dugu zerrendan.
Dantzan

Dantzan

dantzan 2001. urtean sortu zen eta 2003tik dantzan.com dantza sustatu eta hedatzeko elkarteak kudeatzen du.


Babestu dantzan.com