Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Dantzan

Orain arteko ekarpenak

Dantza filmeari buruzko erakusketa ikusgai da Zarautzen

2020/02/20

Jantziak, apaingarriak, argazkiak, marrazkiak,... Dantza filmaren irudikapen estetikoari buruzko erakusketa zabala ikusi daiteke egunotan Zarautzen. Besteak beste Koldobika Jauregi artistak Dantza filmerako diseinatu zituen jantziak ikusi daitezke Sanz Enea kultur etxean. Otsailaren 6an inaugura...

Gehiago irakurri

Lizartza: Inauteri-dantzak 2020

2020/02/20

Otsailaren 16an, igandez dantzatu dira 2020 urte honetan Lizartzako inauteri-dantzak herriko plazan. Larunbatean baserriak bisitatu ondoren, igandean, kalez kale puskak biltzen ibili dira eta ondoren eguerdian inauterietako dantzen ziklo osoa dantzatu dute dantzariek: paseoa, lehenengoa, bigarrena, seigarrena, ostiko-dantza, etxe-dantza, lau ostikoak, azken paseoa, makila-dantza eta pala-dantza. Aurtengoan lau talde atera dira Lizartzako plazara dantzara. Lizartzako hiru belaunalditako hiru talde eta laugarrena talde gonbidatua izan da. Lizartzarrek Astigarragako Astigar dantza taldeko kideak gonbidatu dituzte inauterietan beraiekin batera dantzatzera. Irudiak: Otsolar dantza taldea, Astigar dantza taldea. Inauteri-dantzak, Lizartza, 2020-02-16.

Altzürükü: maskaradak 2020 gabota

2020/02/19

Altzürüküko maskaradetako lehen agerraldiko gabota duzue irudietan. Aitzindariak plazara atera eta erdiak borobilean kokatu dira eta beste erdiak ilaran. Horrela, lehenengo zatian, batzuek borobilean dantzatu dute eta besteek lerroetan antolatuta. Bukaeran dantzari guztiak borobilean elkartu eta denek batera dantzatu dute zirkulu berean. Irudiak: Maite Irizar. Altzürüküko maskaradak, gabota, Altzürükü, 2020-02-09.

Mozorro, zomorro, zamarro, kamarro, mamarro, kokomarro, ñañarro, momoxarro,... hona euskararen inauteriak

2020/02/18

Mozorroak izendatzeko aberastasun harrigarria du euskarak. Tximeleta esateko hamarnaka hitz baditugu, mozorro esateko moduak ere ez dira gutxi euskaraz. Mozorro, muzorro edo zomorro inauterietako maskara edo disfraza dela diote hiztegiek lehen adieran, baina baita mozorrotuta dagoen pertsona izenda...

Gehiago irakurri

Altzürükü: maskaradak 2020 marexalen ofizioa

2020/02/17

Altzürüküko maskaradetako marexalak eta zamaltzaina ageri zaizkigu irudi hauetan, maskaradetako arratsaldeko ofizioen agerrialdian egiten den marexalen ofizioan. 2020ko maskaradetako lehen saioan jasotako irudiak dira. Zamaltzaina plazara laguntzen dute marexalek elkarrekin dantzatuz. Lehen ferra jarrita erdi errenka dabil zaldikoa. Orduan marexalek bigarren oina ferratzen diote eta orduan zamaltzaina jauzi eder eta ikusgarriak eginez irteten da plazatik. Irudiak: Maite Irizar. Marexalen ofizioa, Altzürüküko maskaradak, Altzürükü, 2020-02-09.

Altzürükü: maskaradak 2020 braletik jaustea

2020/02/14

Altzürüküko maskaradetako lehenengo emanaldiko braletik jaustia dugu irudietan. Aitzindari bakoitza bata bestearen atzetik irten eta banaka dantzatu du eta ondoren denak batera eman dituzte azken puntuak. Dantza hau izan ohi da aitzindarientzat erronka handiena, une horretan erakusten ditu dantzariak bere gaitasun eta abileziak. Hona hemen dantzan ari diren aitzindariak:

  • Entseinaria: Joana Karrike
  • Txerreroak: Michel Jaragoien eta Gabriella Ager
  • Gatuzainak: Pette Keheille eta Maia Jaragoien
  • Kantiniersak: Mael Arla eta Maider Jauri
  • Zamaltzainak: Mattin Eperre eta Nathalie Jauri
  • Entseinaria: Adrien Aranburu

Irudiak: Maite Irizar, Amaiur Aristi. Altzürüküko maskaradak, braletik jaustea, Altzürükü, 2020-02-09.

Altzürükü: Maskaradak 2020

2020/02/13

Altzürüküko gazteek herrian bertan hasi dituzte aurtengo maskaradak. Goizean sei barrikada hauste egin dituzte eta bazkal ondoren frontoiko saioan aitzindarien dantzak eta ohiko ofizioak izan dira. Otsailaren 9tik apirilaren 26ra arte Zuberoako hamabi herri bisitatuko dituzte Altzürüküko arizaleek. Argazkiak: Maite Irizar, Amaiur Aristi. Altzürüküko maskaradak, 2020-02-09.

Aretxabaleta: Santa Ageda 2020 Aurreskua

2020/02/13

Santa Ageda egunetik inauterietako igandera arte, Aretxabaletako Santa Ageda neskek eta mutilek aurreskua dantzatuko dute igandero. Otsailaren 4an baserriz baserri eskean ibili dira eta 5ean herrian zehar. Iluntzeko 19:00etan plazan elkartu eta lehen aurreskua dantzatu dute. Aretxabaletan izan gara Santa Ageda egunez eta Santa Ageda neska-mutilek festaren nondik norakoak eta beraien bizipenak azaldu dizkigute. Laura Igartuak eta Beñat Basabek eman dizkigute xehetasunak. Aurreko urtetako bideoei begira eta txistularien laguntzaz ikasi dituzte dantzak aurten 19 urte beteko dituzten aretxabaletarrek. Sokan atera dira plazara 2001ean jaiotako 60 gazte inguru eta desafioa dantzatu dute aurreskuak eta atzeskuak. Ondoren kinto guztiek banan-banan bata bestearen atzetik banangoa dantzatu dute. Jarraian agurrak dantzatu dituzte aurreskuak eta atzeskuak eta fandango, arin-arin eta biribilketarekin bukatu dute dantza. Lehenengo plazaratzean Josu Aizpurua aritu da aurresku eta Lorea Mateos atzesku. Igandero aldatu egingo dituzte postuak. Irudiak: Amaiur Aristi. Santa Agedako neskak eta mutilak, aurreskua, Aretxabaleta, 2020-02-05.

Altsasuko inauterien birsortzea azalduko du Galdakaoko Andra Mari dantza taldeak

2020/02/12

Momotxorroak protagonista nagusi dituen Altsasuko inauterien berreskuratzea nola egin zen azaltzeko dokumentala prestatzen ari da Andra Mari dantza taldea , eta horrekin batera, hitzaldi bat antolatu dute Galdakaon otsailaren 14rako. Lau hamarkada pasa dira Galdakaoko dantza taldeko kideak Altsasu...

Gehiago irakurri

Benois sarietarako hautagai izendatu dute Jon Vallejo

2020/02/12

Jon Vallejo (Donostia, 1985) ballet dantzariak Benois de la Danse sarietarako izendapena jaso du. Dantza munduko sari garrantzitsuena da; zineko Oscarrarekin parekatzen da.  Dresdeko (Alemania) Semperoper balleteko lehen dantzaria da Jon Vallejo . Saria irabaztera iritsiko ez balitz ere, ...

Gehiago irakurri

Orain arteko erantzunak

Dantzan on Prozesioetako dantzen eta "dantza luzeen" inguruko ikastaroa Cuencan

2017/10/05

Eskerrik asko, Mikel, jakinarazteagatik. Pena, bai.

Dantzan on Hernio: fandangoa 2009

2017/09/21

Eskerrik asko Patxi, ekarpenagatik.Bideoa orain 6 urte, 2011n, argitaratu genuen Dantzan.eus-en, Youtubetik jasota. Orain, Hernioko erromerien garaia dela aitzakia hartuta, duela urte batzuk argitaratutako sarrerak gogoratzeko erabiltzen dugun "dobla" atalarekin berriro zuekin partekatu nahi izan dugu.

Dantzan on Orain 75 urte, Orion, emakumeek dantzatu zuten aurreskua Kontxan lortutako garaipena ospatzeko

2017/09/14

Eneko eta zuri esker izan genuen Xabier, argazki horien berri duela urtebete. Mila esker!

Dantzan on Euskal dantza tradizionala baztertu du berriz (2017) Etxeparek

2017/07/28

2017ko uztailaren 27an, Euskal Herriko Buletin Ofizialean publikatu da Etxepare Institutuak "artea, musika eta dantza euskararen eremu geografikotik kanpo zabaltzeko" diru-laguntzarako partidan, 10.000 euro gehiago jarriko dituela.

Dantzan on Inauteriak 2017 oinarrizko egutegia

2017/01/24

Eskerrik asko bioi informazioagatik.

Dantzan on Plazako dantza aberasten: ingurutxoak eta kontra-dantzak

2017/01/16

Kaixo Goizane,
Guk froga egin dugu, eta prezio diferentzia euskarazko eta espainolezko orrien artean dago. Ziurrenik akatsen bat izango da. Guk dugun informazioaren arabera, 45€-koa da Kutxako bezeroentzako prezioa. Nolanahi ere, bide zuzenena Kutxa Kultur Gelakoekin argitzea izango da. Hemen duzu beren webgunean daukaten telefono-zenbakia: 900 44 55 66
Eskerrik asko zure ohar zorrotz eta zehatzagatik.

Dantzan on Horra, horra, gure Olentzero!

2016/12/29

Bai, halaxe da Elur, twitterren aritu ziren horretaz hizketan Gari Garaialde eta Leire Narbaiza: https://twitter.com/GariGaraialde/status/811528317388124160

Dantzan on "Euskal dantza: tradiziotik sorkuntzara" ikasketa osagarriak eskainiko ditu EHUk

2016/11/03

Baiezkoan gaude Endika, baina onena unibertsitatera deitzea duzu, EHUk berak antolatzen baitu. Hemen duzu telefonoa: http://www.ehu.eus/eu/web/complementarios/euskal-dantza

Dantzan on "Euskal dantza: tradiziotik sorkuntzara" ikasketa osagarriak eskainiko ditu EHUk

2016/10/11

Egun on Arkaitz! EHUren webgunean, "ohiko galderak" atalean, klaseak "lauretatik zazpietara" izango direla jartzen du, baina antolatzaileek esan digute ordutegia ez dela definitiboa oraindik.
Dantzan

Dantzan

dantzan 2001. urtean sortu zen eta 2003tik dantzan.com dantza sustatu eta hedatzeko elkarteak kudeatzen du.


Babestu dantzan.com