Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Dantzan

Orain arteko ekarpenak

Euskaltzaindia 100 urte soka-dantzan

2019/10/11

Soka-dantzarekin hasi dute Euskaltzaindiaren mendeurrenaren amaierako ekitaldia. Euskaltzaindiak 1919ko urriaren 7an Gipuzkoako Foru Aldundian egin zuen lehenengo osoko bilkura. Hasierako batzarra gogoan, leku berean bukatu dituzte mendeurreneko ospakizunak. Pasa den larunbatean eguerdiko 12:00etan hasi dute ekitaldia soka-dantzarekin. Foru Aldundiaren jauregitik atera da Gipuzkoa Plazara diputatuek osatutako soka, Markel Olano ahaldun nagusia aurrendari eta eta Maite Peña, Gizarte Politika diputatua azkendari direla. Elgoibarko Udalaren txistulari bandaren doinura, Argia dantzari taldeko Luken Aranburu eta Joseba Astarbe aritu dira aurresku eta atzesku ordezkari. Eskuz esku osatutako sokaren bidez egin diete diputatuek harrera Euskaltzaindiko kideei eta ondoren horiek ere sokara gonbidatu dituzte, eta Ahaldun Nagusiak gidatutako sokan sartu dira denak Diputaziora. Ekitaldiaren hitzaldietan ere izan dira soka-dantzari aipamenak, izan ere Andres Urrutia Euskaltzainburuak soka-dantzan irudikatu duten batasunari erreferentzia baitio, euskarak horrela lotzen gaituela adieraziz. Irudiak: Mattin Larrea. Euskaltzaindia 100 urte, soka-dantza, Donostia, Gipuzkoako Foru Aldundia, 2019-10-05.

20 urte dira platillu-soinua berreskuratu zutela Durangon

2019/10/11

Aurtengo Durangoko San Fausto jaietan 20 urte beteko dira platillu-soinua dantza berreskuratu zutela. Igande honetan eguerdiko 12:30ean artopilak banatuko dituzte Udaletxeko Plazan eta ondoren Durangoko dantzak emango dituzte dantzariek. Juan Antonio Aroma Durangoko Kriskitin dantza taldeko kideak ...

Gehiago irakurri

Emilio Xabier Dueñas: "Ondare izendapenaren alde positiboak eta negatiboak ondo aztertu behar dira"

2019/10/10

Dantza, festa eta kultur ondareari buruzko jardunaldia antolatu dute Zatak, Dantzan eta Soinuenea elkarteek urriaren 12an Beasainen. Emilio Xabier Dueñas Zatak elkarteko lehendakaria eta jardunaldiko hizlarietako bat dugu; larunbat honetan Igartza Jauregian jasoko dugunaren aurrerapentxoa eskatu...

Gehiago irakurri

Oñati 1967 aurreskua

2019/10/09

1967. urteko Korpusetan Oñatiko plazan dantzatu zuten aurreskuaren irudiak ditugu bideo honetan; Jaime Albillos Goizaldi dantza taldeko sortzaileetakoak grabatuak. Aurresku lanetan sokaren lehen postuan Felix Errasti ari da dantzan, aurreskuari jarraituz Jose Antonio Sologaistoa, Migel Angel Iraola, Luis Moiua, Jabier Iraola, Angel Egaña, Jose Antonio Mugarza eta bukaeran atzesku lanetan Jose Luis Inza ari dira. Kapitaina, gona urdinarekin, Alejandro Irizar da. Dantza-maisu lanetan ari da aurreskuan, bertatik bertara zuzentzen dantzan, baina berak dantzatu gabe. Txistulariak, berriz, Higinio Iriarte, Agustin Zarketa, Eugenio Kortabarria eta Faustino Inza. 

Dantzari eta musikariak Jesus Irizar "Txutxin" eta Maite Irizarren laguntzaz identifikatu ahal izan dugu. Bideoan ikus dezakegu, neska atera bitartean zortzikoa dantzatzen zela lehen, baina gaur egun ez da egiten. Emakumeak sokara sartzen direnean zapi bidez elkartzen dira dantzariekin irudi hauetan, gaur egun zapirik gabe eskuak emanda lotzen dira. Egun kapitaina atera ohi da aurresku, baina 1967ko grabazio honetan Alejandro Irizar kapitaina sokatik kanpo dago. Orduan ere kapitainak gidatzen zuen aurreskua, baina ez zuen dantzatzen. Ohikoa zen garai hartan dantza maisuak dantza gidatzea albo batetik, sokan sartu gabe. Bukaeran, fandangoa, arin-arinean eta kalejira dantzatzen zituen, baina ez zitzaion neskarik ateratzen. Hermuan (Araba) dantzatzen den Bartearen aurreskuan oraindik indarrean dago dantza bertatik bertara zuzentzen duen dantza-maisuaren figura. Jose Lorenzo Pujana XX. mende hasierako dantza-maisu gipuzkoarra ere hainbat argazkitan agertzen da soka-dantzan funtzio hori jokatzen

Irudiak: Jaime Albillos. Aurreskua, Oñati, 1967.

Orain arte argitaratu ditugun Jaime Albillosen grabazioak:

150 dantzari baino gehiago irtengo dira dantzara larunbatean Iurretan

2019/10/09

Guztira hamalau ezpata-dantzari taldek dantzatuko dute Iurretako plazan, hamabostgarren talde bat ere izango da desfilean, 85-90 urteko dantzariek osatutakoa. Ezpata-dantzariek dantzari-dantzako agintariena, zortzinangoa, ezpata-txikiena, banangoa eta txotxongilo dantzatuko dituzte. Ondoren, gorula...

Gehiago irakurri

Ez al dute aire bera Gipuzkoako eta Lesakako ezpata-dantzaren pausoek?

2019/10/08

Orain 90 urte Pospisilek Lekarozen egindako filmazioei begira, Gipuzkoako ezpata-dantza dantzatzen ageri diren gaztetxoen hasierako pausoak Lesakako zubi-gainekoa ekarri dio gogora Aritzi Ibañezi. Bi irudiak elkarren ondoan jartzeko eskatu dio Eire Vilari eta hemen emaitza. Lesakako urratsa neurriz luzeagoa da eta bi oinekin egiten dira pausoak norabide bakoitzean, baina pausoaren aire orokorrak bat datozela dirudi. Beste kontu bat izango da ea zer kontatzen digun Mikel Sarriegik sistema zaharra arakatuz burutzen ari den ikerketaren berri ematen digunean. 

Arte Eszenikoen komunitateari zuzendutako topaketak antolatu ditu ADDEk

2019/10/07

Dantzaren, Arte Dramatikoaren, Hezkuntzaren eta Ikerketaren inguruan elkarrizketa espazioa sortzeko helburuz, egun osoko topaketak antolatu ditu Euskal Herriko Dantza Profesionalen Elkarteak . Urriaren 19an Arte Eszenikoen inguruko esperientziak, gogoetak edota kezkak elkarbanatuko dira Bilboko ...

Gehiago irakurri

Markina-Xemein 2019 aurreskua

2019/10/07

San Migel egunean aurreskuak dantzatu dituzte Markina-Xemeingo Arretxinagako plazan. Xemeingo jaietako egun handian bi aldiz dantzatu ohi dute soka-dantza Zerutxu dantza taldeko dantzariek. Lehenengoa eguerdian, ezpata-dantzaren ondoren eta bigarrena gauean mahai-gaineko dantzatu eta jarraian. Eguerdian Iosu Malaxetxebarriak ireki du soka eta atzetik jarraitu diete Alexander Larrinaga, Igor Ibarzabal, Andoni Malaxetxebarria, Aimar Ibarloza, Andoni Elu eta Eneko Amutxastegi dantzariek. Azkenik, Oier Onaindiak itxi du aurreskua. Txistua eta danbolinarekin Imanol Ansola eta Leire Ansola aitona-bilobak aritu dira.

Dantzariak plazara irten eta  erdian gelditu direnean aurreskua eta atzeskua aurreratu eta desafioa dantzatu dute. Oier Onaindiak dantzariak azaldu digu garai batean, aurrez aurre aritzen ziren bi dantzariek urrats ezberdinak dantzatzen zituztela, bakoitzaren abileziaren araberakoak. Orain, denek nahiko modu berean dantzatzen dutela dio, dantza taldean ikasitako erara. Hala ere, dantzarien adinaren araberako ezberdintasunak sumatzen dira, belaunaldi aldaketarekin dantzakera ere aldatu baita. Hori ikus dezakegu irudi hauetan, aurreskua eta atzeskua bi belaunalditakoak izanik, ez dute berdin-berdin egiten. Hauexek dira Markina-Xemeinen dantzatu ohi dituzten aurreskuaren zatiak:

  • desafioa
  • esku aldatzeko soinua
  • andreei deitzeko soinua
  • agurra
  • andreei deitzeko soinua
  • agurra
  • zortzikoa
  • desafioa
  • fandangoa
  • arin-arina
  • biribilketa

Irudiak: Eire Vila. Markina-Xemein, aurreskua, 2019-09-29.

36 taldek parte hartuko dute Lezon ospatuko den Euskal Herriko Dantzari Egunean

2019/10/04

Bihar, urriaren 5ean, Lezon ospatuko da Euskal Dantzarien Biltzarrak antolatzen duen Euskal Herriko Dantzari Eguna. Eguerdian tokian tokiko dantza taldeen emanaldiak izango dra eta talde guztien parte hartzea izango duen emanaldi nagusia arratsaldean egingo da, kalejira Lezoko kaleetan eta emanaldi...

Gehiago irakurri

Rafael Eneterreaga eta Koldo Lizarralde, festa eta ezpata-dantzei lotutako bi folklorezale hil dira

2019/10/04

Udazkenean sartzearekin batera, haizeak hostoak eraman ohi dituen gisan, Koldo Lizarralde eta Rafael Eneterreaga eraman ditu irailak. Beren herrietako festen, tradizioen, folklorearen eta ezpata-dantzen ikertzaile, m aitale eta zaintza ileak biak, astebeteren barruan hil...

Gehiago irakurri

Orain arteko erantzunak

Dantzan on Sara Montiel euskal erromeria batean dantzan 1962

2017/11/21

Jon Mayak idatzi digu dantzan ari denetako bat bere aitona Felipe Maya dela esanez.

Dantzan on Folklorea uda garaian

2017/11/02

Ondoko ekarpena egin du Pablo Izagirrek gaiari buruz facebook-en:

"Erromeria” kontzeptuaren gaurkotze bat ere ari gara bizitzen, Plaza Dantzen fenomenoa izanik, eta baita Aiko-ren moduko taldeen tailer eta iniziatibak ere, horren adierazle; dantza taldeetatik pasa gabeko jende asko ari da gaur plazetan dantzan...
Pasarte horren haritik hau komentatu nahi dut:
Bai, oso ondo esan duzu. Jende asko ari gara dantzan plazetan. Adin guztietakoak, gehienak, 40 urtetik gorakoak. Asko ta asko esaten duzun bezala dantza taldeetan txikitan edo gazteetan egon gabekoak edo pasadaz egondakoak.
Oso fenomeno potentea da hori gaur egun ia Euskal Herri guztian. Normalean, nik dakidala edadeko pertsona horietako asko formazioa dantza taldeko egituretan eskuratu edo eskuratzen dute, beste batzuk Aikoren moduko taldeetan. Baina, pertsona hauen interesa nagusia da dantza plazetan dantzatzea, dantza plaza hori edonorentzat zabalik dagoela ere normalean.
Seguru asko, oraingo dantza taldeek hori hartu beharko dute kontuan, orain arte ez badute egin, edadeko jende asko desiatzen dagoela dantza plazetan parte hartzeko, gaur egun ohikoak diren dantzetan aritzeko: Jauziak, kontradantza errezak, jota, arin arinak, lotuan ..
Ordun 2 aspektu dira niretzat nabarmenak gaur egun tradiziozko dantza taldeetan. Batetik tradiziozko dantzen errepertorio zabalean aritzea ( ikuskizunetarako eta tradiziozko ekitaldietarako tokiko folklorea muina delako ) eta bestetik, maila apalago batetan dantza plazetarako, erromerietarako formakuntza, pertsona interesatuei ematea.

Dantzan on Eltziegoko dantzak neska-mutilek dantzatzen zituztenekoak

2017/10/24

San Lorentzoko dantzariek gogorazi digute, sarrera honetako argazki bat euren buletineko lehenengo zenbakian argitaratu zutela, baita neskek lehengo aldiz dantzatu zutenekoa ere. Argazki horiei esker ikus dezakegu gizonek zein emakumeek dantzatuak izan direla Eltziegoko dantzak. Gerra aurretik gizonek dantzatzen zituztela azaltzen dute baina galdu egin zen ohitura, gerra ondorenean Sección Femeninak berreskuratu zituen dantzak, orduan hasi ziren emakumeak Eltziegoko dantzak dantzatzen. Irudietan ikusi dugu 1960ko hamarkadan gizon-emakumeek elkarrekin ere dantzatu izan zituztela. Buletinean, dantzarien arropen xehetasunak ere ageri dira. Lotura honetan irakur ditzakezue azalpen guztiak:
http://danzantesdesanlorenzo.com/boletin1.html

Dantzan on Kontra-dantzan 1967

2017/10/23

Bai, horixe adierazi nahi genuen ezohiko horrekin, dantzan-en ez ditugula maiz jartzen horrelakoak, kontra-dantzak jartzen ditugunean gehienetan testuinguru folklorizatuetakoak izaten baitira. Baina ez dugu esateko moduarekin asmatu. Mila esker!

Dantzan on Galtza luzeak jazteagatik 10 pezetako isuna

2017/10/16

Mila Garaik honako testigantza utzi digu facebooken: "Garai haiek...!!! Ni baino nagusixagoa den ahizpa izan zen gure etxien prakak jantzi zittuen lehena. Ekinien zebiltzenak ( orduen txarto ikusita zegoen eta ) aittek eta amak isildu eitxen zituzten " Bizkargire aldatz gora joaterakoan atzetik doazenak prakekin barruko erropak ez ziela ikusiko..." eta horrelakoak esanez. Orduen, ulie labur labur eroatie be ez zen ondo ikusten "mutilen moduen"... atxakixe- luziekin "guapiau" gauzela esanez. Ni neuk be ia 1967...rarte nahiko luzie eroan nuen..."

Dantzan on Prozesioetako dantzen eta "dantza luzeen" inguruko ikastaroa Cuencan

2017/10/05

Eskerrik asko, Mikel, jakinarazteagatik. Pena, bai.

Dantzan on Hernio: fandangoa 2009

2017/09/21

Eskerrik asko Patxi, ekarpenagatik.Bideoa orain 6 urte, 2011n, argitaratu genuen Dantzan.eus-en, Youtubetik jasota. Orain, Hernioko erromerien garaia dela aitzakia hartuta, duela urte batzuk argitaratutako sarrerak gogoratzeko erabiltzen dugun "dobla" atalarekin berriro zuekin partekatu nahi izan dugu.

Dantzan on Orain 75 urte, Orion, emakumeek dantzatu zuten aurreskua Kontxan lortutako garaipena ospatzeko

2017/09/14

Eneko eta zuri esker izan genuen Xabier, argazki horien berri duela urtebete. Mila esker!

Dantzan on Euskal dantza tradizionala baztertu du berriz (2017) Etxeparek

2017/07/28

2017ko uztailaren 27an, Euskal Herriko Buletin Ofizialean publikatu da Etxepare Institutuak "artea, musika eta dantza euskararen eremu geografikotik kanpo zabaltzeko" diru-laguntzarako partidan, 10.000 euro gehiago jarriko dituela.
Dantzan

Dantzan

dantzan 2001. urtean sortu zen eta 2003tik dantzan.com dantza sustatu eta hedatzeko elkarteak kudeatzen du.


Babestu dantzan.com