Orain arteko ekarpenak
Unanuko mamuxarroak, The Boston Globe egunkarian
2011/03/23
Europa eta Amerikako inauteri ezberdinen berrogeita hiru argazki bildu ditu The Boston Globe egunkariak bere webgunean. Baina, ez hori bakarrik, Berria egunkariaren bidez jakin dugunez berrogeita hiru horien artean hogeita bigarrena, Rafa Rivasek ateratako Unanuko mamuxarro baten argazkia da.
Body Weather ikastaroa Bilbon
2011/03/23
Bilboko Muelle3 dantza eta sorkuntza garaikideko espazioan Body Weather ikastaroa antolatu dute datorren apirilaren 18 eta 22a bitarterako. Min Tanaka izan zen 80. hamarkada hasieran Body Weatherra sortu zuena, eta ikastaroa emango duen irakaslea, Frank Van de Ven, Japoniako Maijuku Min Tanaka konpainiako kide izan zen 1983 eta 1991. urte bitartean.
Jacques Larrondo, zamalzain bikainenaren azken frijata
2011/03/22
Iragan den martxoaren 6an Jacques Larrondo zendu zen 85 urte zituela. Xiberuko Zohardia elkartearen fundatzailea zen Jacques, baina, horrez gain Zuberoan XX. mendean ezagutu den dantzari handienetakoa bat joan da. Zamalzain moduan egindako dantzak adin bateko zuberotar guztien gogoan daude. "Onena zen" nabarmentzen dute askok.
Aurtengo maskaradak bertan behera geratu daitezke
2011/03/21
Maskaradetako parte hartzaileetako baten aita zendu da, eta horrek eragindako saminaren ondorioz bertan behera geratu dira pasa den eta datorren asteburuko maskaradak Zuberoan. Irurin egitekoak ziren maskaradak bertan behera geratu ziren zorigaitz horren ondorio, datorren igandean Urdiñarben egitekoak zirenak ere bertan behera geratu dira, eta ondorengoen inguruko erabakirik ez da hartu oraindik.
Iturbide: "Ez dago dantza egitea bezalakorik"
2011/03/21
"Osasunerako ere oso ona dela irakurria dut, eta ni sinestuta nago." dio Imanol Arregik Gipuzkoako Hitzari eskainitako elkarrizketan. Iturbide gisan ezagunago den pandero-jole azpeitiarrak, pandero-jole baino lore-zaina eta dantzaria dela kontatzen du elkarrizketan.
Oreka urban dance jaialdia Gasteizen
2011/03/18
Martxoaren 24an hasi eta 27an amaituko den Oreka Urban Dance festibalak Gasteizen ehunka lagun biltzea espero da. Lehiaketak, koreografo eta dantzari ezagunekin ikastaroak, dantza ikuskizunak eta beste hainbat ekitaldi izango ditu urban dance jaialdiak.
Flashmob-a grabatuko dute igandean Zubietan
2011/03/17
Igande honetan Gipuzkoako Zubietan Flashmob bat grabatuko dute. Inguru horretan erraustegi bat jartzeko asmotan dabiltza eta horri kontra egin nahian, dantza egitea bururatu zaie herritar eta inguruko zenbait elkarteri. Flashmoba aitzaki egun osorako ekintzak antolatu dituzte Zubietan herrira bertaratzea espero diren bi mila pertsonentzat.
Maskaraden argazki erakusketa Okendon
2011/03/17
Zuberoako maskaradak gaitzat Javier Hernandez Juantegi argazkilari donostiarrak erakusketa bat antolatu du Okendoko kultur etxean, Donostian. Ikusgai dagoena, ordea, ez da lan osoa. Javierrek liburu bat osatu nahi baitu argazki guztiekin.
Folkarria jaialdia Madrilen apirilaren 1tik 3ra
2011/03/15
Folkarria eko-festibalaren lehen edizioa apirilaren 1tik 3ra izango da Torres de la Alamedan, Madrilen. "La Vida en Danza" elkarteak antolatuta, Folkarriak kulturen integraziorako tresna gisa dantza tradizionala eta folk musika berreskuratu eta zabaldu nahi ditu egun horietan.
Lantzeko inauteria Limouxera darama Oberenak
2011/03/14
Oberena dantza taldea Limouxera doa asteburu honetan Lantzeko inauteria karrikaratzeko. Urtarrilaren 30an hasi ziren inauteriak Limouxen eta apirilaren 10an amaituko dira. Asteburu honetan, munduko inauteri ezberdinek hartuko dituzte herriko kaleak eta bertan izango da Oberena dantza taldea ere.
Orain arteko erantzunak
Dantzan.com on Argia Saria irabazi du dantzan.com-ek!
2013/01/29
Laura Mintegi, EH Bilduren legebiltzarkidea Argia sarien ekitaldian izan zen, eta hauxe idatzi du bere blogean: "Bereziki lazgarria egiten da entzutea dantzan.com webgune saritu berria (ona delako saritua, noski) laster batean itxi beharko dutela, ez dutelako segitzerik egoera ekonomikoaren erruz. Aurretik ere itxita mantendu zuten hainbat hilabeteetan eta ahalegin handia eginda bersortu zuten…. berriz ere ixteko."
http://lauramintegi.net/[…]/
http://lauramintegi.net/[…]/
Dantzan.com on Beasaingo Neskatxen Esku-dantzaren sorkuntza prozesuren aurkezpena
2013/01/07
Mila esker zuei! Aldatu dugu ordua!
Dantzan.com on Zuberoako Maskaradak 2013 egutegia
2013/01/07
Ohartxo bat. Apirilaren 21ean, Lakarrin jarri dugu izango direla maskaradak, halaxe jartzen baitu guk jaso dugun informazioan. Berria egunkariak argitaratutako egutegian ordea, apirilaren 21ean Altzain jartzen ditu izango direla. Guk jasotako egutegia Zuberoan maskaradak iragartzeko erabiltzen ari den afitxa da, eta beraz, oraingoz horrela utziko dugu, baina inork data horretan joateko asmoa badu, joan aurretik (lau hilabete falta dira oraindik!) kontrastatu.
Dantzan.com on Ivor Allsop, ezpata-dantzen ikertzaile eta bultzatzailea hil da
2012/11/23
Ivor Alssopen heriotz-oharra The Guardian-en: http://www.guardian.co.uk/stage/2012/nov/22/ivor-allsop-obituary
Dantzan.com on Dantza tradizionaleko monitore ikastaroa BDBren eskutik
2012/11/15
Jakin dugunez, ikastaro hau urrian hastekoa zen, baina matrikulazio urria izan zuenez ez zen martxan jartzerik izan.
Dantzan.com on Areatza: Aurreskua 1925
2012/11/12
Hemen Mikel SArriegik aipatzen du Hermuako Barteko aurreskua: http://www.dantzan.com/[…]/hermua-barteko-aurreskua-2012
Dantzan.com on Maskaradak Zuberoan 1968 urtean
2012/11/12
Eskerrikasko Xabier! Asko estimatzen ditugu zure besarkada eta animoak. Gu gozatzen ari gara, eta altxor hauek gozatzen ez dituenak berak galtzen du!
Dantzan.com on Jabier Aranburu, Baryshnikov jaio eta James Dean hil zen dantzari ordiziarra
2012/11/12
MIla esker zuen erantzunengatik Mikel eta Joseba. Emandako informazioa Jabier Aranburu-ri buruzko orrialdean joango gara jartzen:
http://www.dantzan.com/dantzariak/jabier-aranburu
http://www.dantzan.com/dantzariak/jabier-aranburu
