Juan Inazio Iztuetaren inguruko zenbait dokumentu, lan eta datu bildu ditu Mikel Alberdik Zumalakarregi Museoaren blogean egindako sarreran. Sarean dauden Iztuetaren zenbait lan aipatu eta lotzen ditu, 1824ko Gipuzkoako dantzen liburua besteak beste.

Datorren irailaren 17 eta 24rako, Oriako sorgin-dantzaren ikastaroa antolatu du Euskal Dantzarien Biltzarrak. Lasarte Orian burutuko da ikastaroa eta Oriako Sorgin-dantzaren Kultur Elkarteko kideak izango dira irakasleak.

Mutil-dantzak izan ohi dira Elizondon Santiago eguneko ekitaldi nagusietako bat. Aurten, emakumeen parte hartu ahal izan dute mutil-dantzetan, eta hori gertatzen zela ikusita zenbait mutil-dantzarik plaza utzi egin dute. Baztango alkatesa bera izan da mutil-dantzetan aritu den emakumeetako bat.

Datorren irailaren 16an, Dantza Hirian jaialdiaren baitan, Transparent pieza estreinatuko du Ertza konpainiak Donostian. Rafale Timerbakov dantzarien bakarkako lana da Transparent, eta ikusiak eta entzunak izateko daukagun beharraz hitzegiten du.

Paternaineko festetan taldekide izan zuten Joxemiel Bidador omendu zuen San Lorenzoko dantzarien kofradiak. Herriko plazan dantzatu ondoren margolan bat oparitu zioten familiari, eta Bidadorren izenez bataiatu den plazan lorak eta zapia jarri zituzten.

Bihar, uztailak 21, abiatuko da Irunen Eraiki dantza taldeak antolatzen duen Bidasoaldeko nazioarteko gazteen folklore jaialdia. Irlanda, Indonesia eta Mexicotik etorritako dantzari gazteak izango dira jaialdian, eta Irun, Bera, Etxalar, Bidart eta Zumaian izango dira emanaldiak.

Pasa den asteburuan abiatu da Portutaleten 37. Nazioarteko Folklore Jaialdia. Kolonbia, Martinika, Egipto, Serbia, Indonesia, Togo eta Udmurtia dira aurtengo herrialde gonbidatuak, eta ohi bezala Portugalete bertako egoitza nagusiaz gain 28 herritan izango dira emanaldiak egunotan.

Gaitzerdi Teatroren ikerkuntza gunea da Kabia, eta bere azken sorkuntza lana, "Euria esan eta euria erortzea" izenekoa AEBtan, Miamin aurkeztu da egunotan. "Irudimen zaparrada" eta "lan bikaina" moduko hitzekin nabarmendu du Miamiko prentsak.

Uztailaren 16an Karmen egunaren inguruan badira zenbait dantza festa interesgarri eta uztailaren bigarren asteburuko ospakizunekin bat egiten dute horiek, beraz, asteburu honetan hainbat dantza festa izango dira besteak beste Añorga, Elizondo, Antzuola, Errenteria edo Markina-Xemeinen. Hona horien berri:

Galdakaoko Andra Mari dantzari taldeak antolatzen duen Folklore Bizian jaialdia uztailaren 19tik 25era burutuko da aurten. Atzerriko bi talde izango dituzte aurten gonbidatu: Kalmukia errepublikako (Errusia) "Tulpan" Nazio Folklore Taldea eta Mexikoko "Zacatecas" Talde Folklorikoa.