Orain arteko ekarpenak

Gipuzkoako Dantza Profesionalen elkarteko idazkaria da Carmen de las Cuevas, eta elkarte honen nondik norakoak, ibilbidea eta jarduerak aurkeztu zituen Dantzaguneak antolatutako I. Dantza Jardunaldietan. Dantza ikastaroak, apirileko dantza hilabeteko jarduerak eta elkartetik antolatzen diren jarduerak agertu zituen Donostian, San Telmo Museoan egindako ekitaldian. Hona bere hitzak:

Berrehun urte betetzen dira Jose Bonapartek gidatutako gudaloste frantsesak eta Wellington-eko dukeak gidatutako gudaloste britainiar, espainol eta portugaldarrak borrokatu zirela Gasteizen. Arabako Dantzarien Biltzarrak dantza ikuskizuna prestatu du, orduko Gasteiz-en kokatua, gertakariak gogoraziko dituena. Ekainaren 14an Gasteizko Principal antzokian eskainiko da emanaldia.

Etxepare Institutuak dantza birak egiteko diru-laguntzak deialdia argitaratu du. Dantzako euskal konpainiek nazioartean emanaldiak egitea sustatu nahi da deialdi honekin. 30.000 euroko poltsa da eta hiru emanaldi egin behar dira biratzat aintzat hartua izateko.

Olatu Talka jaialdia ospatuko da asteburuan Donostian eta inguruko hainbat herritan, eta egitarau zabalean dantzarekin lotutako hainbat ekitaldi ageri dira. Hona hemen Olatu Talka egitarauan barruan izango diren hainbat dantza ekitaldi:

Dantzaguneak antolatutako I. Dantza Jardunaldian, bigarren mahaia: "Elkarte profesionalen rola sektorea babesteko marko gisa" gaiaren inguruan antolatu zen. Bertan, Olatz de Andres, ADDE, Euskal Herriko Dantza Profesionalen Elkarteko zuzendaritza taldekoak elkarte honen helburuak eta lan-lerroak azaldu zituen. Hona hemen bere hitzak:

Donostia 2016 kultur hiriburutza proiektuan dantzak izango duen presentziaz aritu zen Iker Tolosa Dantzaguneak antolatutako I. Dantza Jardunaldian. Donostia 2016 proiektuan prozesueri erreparatuko zaiela azaldu zuen eta hainbat proiektutan dantza gai zehatzak lantzeko tresna moduan jorratuko dela. Publikoa, programatzaileak eta sortzaileak, prozesuen bidez harremanetan jartzeko egitasmoak bultzatuko direla argitu zuen Iker Tolosak. Hona bere hitzak:

Gerediaga elkarteak eta Durangaldeko dantza taldeek antolatuta, VI. Dantzaroa jaialdia ospatuko da Durangon, maiatzaren 25ean. Eskualdeko foklorea kaleratzen da Dantzaroa jaialdiaren bidez. Larunbat arratsaldean izango da dantza saioa, Ezkurdia plazan.

Foklore alorraren erakustoki eta bilgune izateko jaio zen Folklore azokak zortzigarren ekitaldia du aurten. Maiatzaren 25ean eta 26an, larunbat eta igandez, ospatuko da. Portugaleten bertan ospatuko den Ibilaldiarekin bat egiten du aurtengo Folklore Azokak, izan ere, Folklore jaialdia, azoka eta beste hainbat konturekin batera, ikastolaren lehen hazia Elai Alaik erein zuen Portugaleten.

2013ko Umore Azoka Saria Euskadiko Ikuskizun Onenari Ertza konpainiaren ‘4 x 4’ lanak jaso du. "Hiriko hizkuntzetan oinarritutako pultsu dramaturgikoa, planteamendu estetikoa eta soluzio teknikoak nabarmendu ditu epai-mahaiak.

Kultura sailak egiten duen lanaren osagarri, Etxepare Institutuak euskal dantza konpainien lana munduratzeko lan egiten duela azaldu zuen Aizpea Goenagak. Jaialdietan eta azoketan izateko diru-laguntzak eta nazioarteko agenteekin zubi-lanak aipatu zituen besteak beste, eta Mov-s jaialdia 2014an Euskadin antolatzeko gonbidapena zabaldu zuen. Dantzaguneak antolatutako I. Dantza Jardunaldian, Etxepare Institutuko zuzendaria den Aizpea Goenagak eskainitako hitzak hemen: