Orain arteko ekarpenak

Nafarroako Dantzarien Biltzarrak "Dantza enparantzan" izeneko ekimena jarri du martxan. Gaur, ekainaren 19an, Burlatan izango da lehen ekitaldia, Burlatan. Dantza-jauziak, mutil-dantzak eta ohiko euskal dantzak giro onean dantzatu eta gozatzeko aukera eman nahi du ekimen honek.

Joxan Lizarribar, kultura eragile, Berria taldeko lehendakari eta Argia dantzari taldeko dantzari izan zenari omenaldia egin zitzaion pasa den ekainaren 6an Andoaingo Bastero Antzokian. "Zenbat aulki huts bete" izeneko omenaldi ekitaldian Argia dantzari taldeak eta Jean Mixel Bedaxagarrek parte hartu zuten, beste zenbait kantari, idazle eta lagunekin batera.

Euskal dantzan "ba al dago “neska/mutil” binarismotik ateratzerik?" galdetu du Amelia Barquin-ek bere blogean. Gogoeta eta galdera zorrotzak plazaratu ditu euskal dantzetan generoaren inguruan ditugun jokabideei buruz. Emakumeek eta gizonek euskal dantzan zein rol daukaten galdetzen du Barquin-ek, eta "zein leku dagoen bertan heteronorma jarraitzen ez duen edo jarraitu nahi ez duen ume edo gaztearentzat".

Datorren uztaialren 12an, Tolosako Leidor antzokian estreinatuko du Oinkari dantza taldeak Hika Teatroaren lankidetzarekin prestatzen ari den ikuskizun berria: "Itsasoaren emazteak". Agurtzane Intxaurragaren zuzendaritza, Maider Oiartzabalen koreografia garaikideak, Pello Ramirez-en musika, eta EK-ia kolektiboa eta Kukai dantza konpainiaren aholkularitza koreografikorekin, kostaldeko arrantzaleen emazteen bizipenen inguruan egituratu da "Itsasoaren emazteak".

Ekainaren 15ean ospatuko da Mallabian Durangaldea Merinaldeko Ezpata-dantzari eguna. 1967an antolatu zen lehen aldiz Durangaldeko Ezpata-dantzari Eguna eta 41. ekitaldia izango du aurtengoa. Urtero herriz aldatzen da festa eta dantzari-dantza eta soka-dantza izaten dituzte egitarauko dantzak.

Ikusentzunezkoa mapping teknika eta dantza elkartzen dituen ikuskizun berezia eskainiko dute Kukai dantza konpainiak eta Logela Multimendiak gaur, ostirala, Gasteizen, Kaldearte jaialdiaren baitan.

Baztango mutil-dantzetan emakumeek gizonezkoekin batera, berdintasunean dantzatzea bultzatzeko Plazara Dantzara izeneko ekimena aurkeztu da Elizondon. Gizartearen beste alor guztietan bezala, mutil-dantzetan ere emakumeen parte hartzea bultzatu nahi du ekimen honek.

Gaur, ekainak 6, San Fermin aurreko eskaileraren (urtarrilak 1, otsailak 2, martxoak 3...) azken meza egingo da Iruñeko San Fermin kaperan, eta bertan dantzatuko dute San Lorentzoko dantzariek. Meza bideoz San Lorentzoko parrokiaren webgunearen bidez zuzenean eskainiko da. Arratsaldeko 19:30etan hasiko da ekitaldia.

Heziketatik enplegurako trantsizioa izan zen aztergai I. Dantza Jardunaldiaren hirugarren mahaian. Fernando Saez de Ugartek, Dantzaz konpainiako zuzendariak Dantzaz elkartearen lan-eremua eta jarduerak aurkeztu zituen. Dantza alorrean lehen enplegurako plataforma eskaintzen du Dantzaz-ek eta 2008tik 50 dantzari pasa dira bertatik. Hona hemen bere hitzak.

Euskal Dantzarien Biltzarra osatzen duten bost ordezkaritzetako bat da Gipuzkoako Dantzarien Biltzarra, eta bertako koordinatzailea da Estibalitz Iturria. Gipuzkoako Dantzarien Biltzarraren ezaugarriak, lan arloak eta proiektuak aurkeztu zituen Estibalitz Iturriak I. Dantza Jardunaldian, elkarte profesionalei eskainitako mahaian. Hona hemen bere hitzak: