Dokumentuaren akzioak
Dantzaren Tourra!
Euskadi Irratia entzuten ari nintzen atzo arratsaldez, Segurako sueltoko txapelketari buruzko informazioa ematen hasi zirenean. Uste dut inoiz ez naizela txapelketa hauen zale izan (orain behintzat ez naiz), baina berria dantzari buruzkoa zela-eta entzuten jarraitu nuen.
Txapelketaren aurkezpeneko pasarteak aireratu zituzten eta EDBko ordezkarien eta Segurako Udaleko kideen ahoetatik entzun ahal izan nituenen artean, 2 esaldik deitu zidaten arreta (egunkaritik hitzez hitz hartuak):
Mikel Areizagak adierazi zuenez, Euskal Herriko Dantza Txapelketak "maila gorena lortu du eta hori mantentzea izaten da helburua". "Dantzarien Tourra izaten da", gaineratu zuen. Era berean, Segura "erreferentzia" bihurtu dela aipatu zuen Joxe Juan Ugaldek, "dantzaren katedrala" delako.
"Dantzarien Tourra" eta "Dantzaren katedrala". Lakastak esanen lukeen bezala, to eta no!.
Bada nik baino txapelketen kritika zentzuzkogoak egiten duenik. Baina ez da egungo kontua soilik. Paper batzuen artean lardaskan, 1971an Lucile Armstrong folklore-adituak Iruñean botatako hitz hauek topatu ditut: "Los concursos de danzas adulteran las formas primitivas puras".
Purutasuna zer ote den, horretan sartu gabe, gaur egun txapelketei egiten zaien kritikaren funts bera topa dezakegu hitz horietan.
Badakizue beraz, igande honetan "Dantzaren Tourra" Seguran. Gregariook ez dugu parte hartuko.
Dokumentuaren akzioak
Erantzun
Aritz Ibañez Lusarreta
Iruñea (1979)
Iruñeko Duguna dantza taldeko dantzaria 11 urte nituenez geroztik. Donostiako Argia taldean ere aritzen naiz dantzan. Eibarko Arrateko Amaren dantzarien kofradiako eta Andoaingo Santa Kruzeko ezpata-dantzarien kofradiako kide ere banaiz.
Jasotako azken erantzunak
- Patxi Laborda on Nafar eta zuberotar dantzariak Bartzelonako 1929ko Nazioarteko Erakusketan
- Aritz Ibañez Lusarreta on Yanza yauci, zortzitan sinple eta burrunba dantza, 1920an Iruñean
- Ekaitz Santazilia on Yanza yauci, zortzitan sinple eta burrunba dantza, 1920an Iruñean
- Ekaitz Santazilia on Yanza yauci, zortzitan sinple eta burrunba dantza, 1920an Iruñean
- Pierre Latasa Goya on Lotuneak: Sorginak, Satanak, Dumollet jauna eta haurren lauhazka 2016/10/30
- Aritz Ibañez Lusarreta on Bidador pastorala: auzolanean uxatu dugu betiko agorraldia 2016/03/31
- Oier Araolaza on Bidador pastorala: auzolanean uxatu dugu betiko agorraldia 2016/03/31
- Aritz Ibañez Lusarreta on Iruñeko Baltasar: korapilatutako mataza 2016/01/04
- Xabier Etxabe on Iruñeko Baltasar: korapilatutako mataza 2016/01/04
- Aritz Ibañez Lusarreta on Plazako dantzen sukarra Iruñea aldean 2015/03/10
Gure kuadrilan hiruko futbolean jokatzen genuen garai batean. Eliza ondoko klaustroan aritzen ginen, hiru lagunek osatutako taldetan antolatuta, gol bat jasoz gero kalera, eta barrura hurrengo taldea. Behin txapelketa jokatu behar genuela pentsatu genuen. Taldeak apuntatu eta izena jarri genion: Campeonato del Mundo de Futbol a Tres en el Claustro de San Andres. Gure taldea hirugarren geratu zen. Munduko hirugarren! Putos amos.