Dokumentuaren akzioak
Dantza denona?
Euskara, bizi-iraunen badu, abertzale ez direnei ere zabaldu beharra dago. Ez da ona euskara ideologia zehatz batekin identifikatzea. Euskara denona da. Hori da azkenaldian hizkuntzalarien artean zabaldutako diskurtsoa.
Dantzarekin horrelakorik gertatzen al da? Euskararendako zabalpena onuragarria bada, dantzarendako ez al da izanen? Abertzaleon ondarea baino ez al dira euskal dantzak?
Esan didate, Bianako Printzea sariaren banaketarako dantza talde baten presentzia eskatu dutela. Sari horren banaketa Nafar Gobernuak antolatzen du eta bertara gonbidatzen du Borboiko Felipe (ustezko Bianako Printzea). Zer ez ote du pairatu beharko bertara doan (azkenean baldin badoa) dantza taldeak?
Dantzarendako espazio hori "geureganatzea" ez al da positiboa?
Nire dudak argituko dituenik?
Dokumentuaren akzioak
Erantzun
Aritz Ibañez Lusarreta
Iruñea (1979)
Iruñeko Duguna dantza taldeko dantzaria 11 urte nituenez geroztik. Donostiako Argia taldean ere aritzen naiz dantzan. Eibarko Arrateko Amaren dantzarien kofradiako eta Andoaingo Santa Kruzeko ezpata-dantzarien kofradiako kide ere banaiz.
Jasotako azken erantzunak
- Aritz Ibañez Lusarreta on Euskararen zinta-dantza: euskal dantza, euskara eta komunitatea txirikordatuz
- Xabier Etxabe on Euskararen zinta-dantza: euskal dantza, euskara eta komunitatea txirikordatuz
- Aritz Ibañez Lusarreta on Zirtzilen liluraz, dantzarien funtzioaz
- Xabier Etxabe on Zirtzilen liluraz, dantzarien funtzioaz
- Anartz Ormaza Ugalde on Zirtzilen liluraz, dantzarien funtzioaz
- Aritz Ibañez Lusarreta on Zirtzilen liluraz, dantzarien funtzioaz
- Oier Araolaza on Zirtzilen liluraz, dantzarien funtzioaz
- Patxi Laborda on Nafar eta zuberotar dantzariak Bartzelonako 1929ko Nazioarteko Erakusketan
- Aritz Ibañez Lusarreta on Yanza yauci, zortzitan sinple eta burrunba dantza, 1920an Iruñean
- Ekaitz Santazilia on Yanza yauci, zortzitan sinple eta burrunba dantza, 1920an Iruñean
Arazoa da, zergatik pairatu behar du ezer hara doan taldeak? Taldeen artean errespetu giroak behar luke nagusi. Gure taldean hara joateko gonbitea jaso dugu (ez Bianako Printzea sarietara baizik eta Leireko monastegiko Nafarroaren eguna delakora, sariketa baino lehenago egiten dena). Honen aurrean zalantzak sortu zitzaizkigun. Alde batetik Nafarrak garen aldetik nik ez dut ikusten arazorik Nafarroan garrantzitsua den egun batean parte hartzeko. Egia da ez diedala kariño gehiegi Espainiako monarkiako kideei baina beste alde batetik egun horretan garrantzitsua izan beharko luke alde batetik saritua izanen den fisikaria eta bestetik Nafarrak. Baina ez, badirudi nafarrak horretaz aparte geratu behar garela eta Borboidarrei garrantzia eman. Niretzako behintzat besta horretan garrantzia gutxien izango dutenak dira.
Beste alde batetik zalantza sortu zitzaigun Nafarroako Gobernuak ez duelako ez gure kulturaren eta ez dantzaren aldeko jarrerarik aurkezten. Ez du laguntzarik ematen eta gero komeni zaionean deitzen du dantza talde bat ongi geratzen delako. Horrelakoak dira gauzak, baina bestalde horrek aukera ematen digu dantza taldeoi gure kultura eta gure dantzak erakusteko. Beraz dilema bat sortzen zaigu. Alde batetik Nafarroako Gobernuaren gure aurkako jarrera eta bestetik dantzariok Nafarroan gure lekua izateko aukera.
Azkenik zuk aipatutakoa daukagu. Zer pairatu beharko du hara doan taldeak baldin eta talderen bat badoa? Nik horri ez diot garrantzia gehiegirik ematen baina taldean bada jendea oso kezkatuta dagoena. Nire ustez ez luke ezer pairatu behar. Azkenean denok egiten ditugu aktuazioak Nafarroako Gobernuak edo Iruñeko Udalak ordainduta eta denok eskatzen ditugu ematen dizkiguten dirulaguntza eskaxak.
Nik oraindik ez dut oso argi benetan zer nahi dudan, joan ala ez. Alde batetik ikusten dut ekitaldi horrek Nafarron ekitaldia behar duela. Gauza bat da gobernuan daudenen alde ez egotea eta beste bat horrek baldintzatzea Nafarroaren Gobernuarentzat dantzatzea. Nafarroako gobernuan daudenak hor daude Nafarrok bozkatu ditugulako. Talde politiko ezberdinetako ordezkariak daude gobernuan, euskaldunak eta euskaltzaleak eta honen guztiaren aurkakoak. Beraz ez ditzagun gauzak nahasi. Nire ustez ezin gara ibili gobernuan zein dagoen orduan dantzatu edo ez dantzatu. Azken finean gobernua herritarrek aukeratzen dugu eta beraz gobernuak eskatutako aktuazioak herritarrek eskatutakoak dira hein handi batean.
Azkenean egun horretan dantzatzea erabakitzen badugu nik Nafar guztiontzat eginen dut dantza, eta ez dut poterea duten nafarrentzat zuzendutako zerbait bezala hartuko. Eta gainera, amaitzeko Gaizka Barandiaranen hitz batzuk ekarri nahi nituzke gogora: "oinekin ere egiten da aberria"
Mila esker gaia ateratzeagatik eta espero dut nire zalantzak argitzen lagunduko duen jendeak erantzunak ematea, gauzak ez baititut oso argi.
Aio