Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Emilio Xabier Dueñas

Orain arteko ekarpenak

Aurreskua Santurtzin 96 urte geroago

2017/10/04

1921eko “Gran fiesta en Santurce, con motivo del triunfo de los ágiles remeros” dokumentalak Abrako uretan Santurtziko traineruak lortutako garaipeneko ospakizun-ekitaldiak jasotzen ditu. Orduko grabazioan agertzen diren emakumeek zuzendutako ohorezko aurreskua gogoratuz, pasa den irailaren 30ean, udalak antolatutako IV. Sardineren Eguneko ekitaldien barruan, 96 urte eta gero dantza horretaz gozatzeko aukera izan genuen.

Oraingoan arrazoiak asko izan dira, herriko traineru baten lehen garaipen ofizialaren 100. urteurrenak, Virgen del Mar-Itxasoko Ama arrauneko klubaren 50. urteurrenak eta Sotera traineruaren arrauneko lehenengo mailarako igoerak bat egin dute.

Santurtziko Mendi Alde dantza taldeak antolatu du dantza eta Jon Gaminde arduratu da musikaz. Mendi Aldeko neskek eta 1921ean dantzatu zuten emakumeen ondorengoek atera dute soka. Egungo arraunlariei eta 1970-80ko hamarkadan Bizkaian, Gipuzkoan eta Kantabrian hainbat garaipen lortu zituztenei dantzatu zaie. Datozen urteetan aurresku hori herrian finkatzea lortu nahi da eta herriko ondare kulturalaren parte bihurtzea espero da.

Irudiak eta edizioa: Emilio Xabier Dueñas, Luis Fernando González y Jorge González 2017-09-30.

Ikusgarri, 50 urte dantza miresten

2017/05/25

1967an Portugaleteko Errepelega auzoan Ikusgarri Dantza Taldea sortu zenetik, hainbat belaunaldi igaro dira bere lerroetatik.  Partaideen helburua dantza eta musika zabaldu eta sustatzea izan da. Euskal Kulturaren elementu transmititzaile moduan ulertuz, hasiera batean botere faktikoag...

Gehiago irakurri

Musikara emandako hiru bizitza

2016/10/17

Soinuenea Fundazioak erakundetutako XV. Jardunaldiek, irailaren 2a eta 4a bitartean, musika tradizionalaren alde dena ematen ari diren hiru pertsonaia handiren inguruko zenbait ekitaldi eskaini dizkigute. Joaquín Díaz, Juan Mari Beltran eta Mário Correiaz dihardugu. Hiru aditu, "hiru museok,...

Gehiago irakurri

Nesken aurreskuan bukatu zuten 1921eko estropadak

2016/02/23

1921eko irailaren 11an, Abran (Ibaizabal-Nerbioiren ibaien ahoan) jokatu ziren lau estropadaren ostean, beste zazpi traineruren aurka gogor lehiatuta eskuratu zuen garaipena Santurtziko ontziak. Alboan izan zituen Santurtziko eta Bilboko Eskola Nautikoetako ontziak. Estropada hauetara 40.000 eta 50...

Gehiago irakurri 1

Antzuola: Mairuaren alardea 1989

2015/05/04

Urtero uztaileko hirugarren larunbatez ospatzen den “Festa” edo “Mairuaren alardea” bezela ezagutua denak, Valdejunquerako Gudan mairu (buruzagi) baten ustezko atzematea gogora ekartzen du. Tropa eta musikarien paseoa plazan bukatzen da konpainiaren deskargekin. Antzezte honekin batera, herriko talde jendetsu batek hainbat dantza ematen ditu: uztai-dantza, makila-txikiak, makila handi dantza eta zinta-dantza. Alta, denboraren joan etorrian mantendu diren beste hainbat jaiekin gertatu den bezela, honek ere aldaketa izan du kronologikoki (1989, 2002 eta 2013) hemen erakutsitako bideoetan ikus daitekeen moduan. Irudiak eta edizioa: Luis Fernando González. Ekoizlea: Emilio Xabier Dueñas. Antzuola, Mairuaren Alardea, 1989-07-15. 

Antzuola: Mairuaren alardea 2002

2015/05/04

Urtero uztaileko hirugarren larunbatez ospatzen den “Festa” edo “Mairuaren alardea” bezela ezagutua denak, Valdejunquerako Gudan mairu (buruzagi) baten ustezko atzematea gogora ekartzen du. Tropa eta musikarien paseoa plazan bukatzen da konpainiaren deskargekin. Antzezte honekin batera, herriko talde jendetsu batek hainbat dantza ematen ditu: uztai-dantza, makila-txikiak, makila handi dantza eta zinta-dantza. Irudiak eta edizioa: Luis Fernando González. Ekoizlea: Emilio Xabier Dueñas. Antzuola, Mairuaren Alardea, 2002-07-20. 

Antzuolako Mairuaren alardea denboraren joan etorrian

2015/05/04

Denboraren joan etorrian mantendu diren beste hainbat jaiekin gertatu den bezela, Antzuolako Mairuaren Alardea edo Festa bezala ezagutzen den honek ere aldaketak izan ditu. Hiru urtetan (1989, 2002 eta 2013) egindako grabazio hauek festaren bilakaera horren erakusgarri dira.

Gehiago irakurri

Lekeitio: San Pedro 1996 - 02 Eguzki-dantza

2014/01/16

Lekeition, San Pedro eguna, ekainaren 29, prozesioa, Kilin Kala eta Kaxarrankarekin abiatzen da, eta ondoren, Eguzki Dantza egiten da. 1996ko San Pedro egunean, Lekeition, egindako Eguzki-dantza ikus daiteke Emilio Xabier Dueñas eta Luis Fernando Gonzalez-en bideo honetan. Manilazko mantoiez apaindutako neska gazteen soka-dantza edo aurreskua da Eguzki-dantza.

Irudiak eta edizioa: Luis Fernando González. Ekoizlea: Emilio Xabier Dueñas. Lekeitio, 1996-06-29.

Lekeitio: San Pedro 1996 - 01 Kaxarranka

2014/01/15

Urtero, San Pedro egunez, ekainak 29, Lekeitioko herri arrantzalea dotore janzten da herritarren artean hain barneraturik dauden ekitaldiak burutu eta ikusteko.

Goizeko lehen orduan, santuaren irudia prozesioan atera eta portuko uretara botatzeko keinua egiten zaio: kilin-kala esaten zaio. Jarraian, jende andana zain dela, dantzari bat ateratzen da kutxa batera igota; Arrantzaleen Kofradiakoa. Kutxa honen gainean, dantzari trebeak kaxarranka, jota eta arin-arina dantzatzen ditu.

Ekitaldiak, tradiziozko ordenean, Eguzki-dantzarekin bukatzen dira goizetik; Manilazko mantoiez apaindutako neska gazteen soka-dantza edo aurreskua.

Irudiak eta edizioa: Luis Fernando González. Ekoizlea: Emilio Xabier Dueñas. Lekeitio, 1996-06-29.

San Pedro Altsasun 2013

2014/01/08

Altsasuko erdigunetik hiru bat kilometrotara eta Urdiaingo lurretan, San Pedroko baseliza aurkitzen dugu, inguruan dauden zelaieri izena ematen dien santua, hain zuzen. Hariztipean, San Pedro egun osoan zehar, herriko zein ondoko Urdiaingo bizilagunak hurreratuz doaz beren jan-edanekin. Festa bazkalostea aurrera doan heinean animatuz joaten da hizketaldi eta puru banaketarekin. Zortzikoak jarraitzen dio.

Dantzaren parte hartzaile kopurua handituz doa arratsaldeak aurrera egin ahala, behin eta berriz errepikatzen baita; lehenengo Zortzikoa alkatesak (2013) hasten du txistulari bandak behin eta berriz markatu eta errepikatzen duen erritmora. 

Irudiak eta edizioa: Luis Fernando González. Ekoizlea: Emilio Xabier Dueñas. San Pedro Altsasun, 2013-06-29.

Emilio Xabier Dueñas

Emilio Xabier Dueñas