Bideoak

Aizarna: Ama Birjin jaiak 2015 Oilasko biltzea

Aizarnan Ama Birjin jaietan egiten den Oilasko biltzearen inguruko errepotajea da honakoa. Egungo parte hartzaileen eta aurrekoen testigantzak jasotzen dira irudiotan, Garikoitz Lopetegi ezpata-dantzariak, Pedro Bergara dantzari ohiak eta Josune Irure egungo dantzariak denboran zehar Aizarnako oilasko biltzeak izan dituen aldaketak eta honen ezaugarri nagusiak kontatzen dituzte. Gazte koadrila bat, baserriz baserri eskean ibiltzen da goizean zehar zahagi-dantza eginez. Eguerdian, plazara iritsita, aurreskua dantzatzen dute herritarren aurrean eta bazkal ondoren herriko etxeetan ibiltzen dira eskean eta dantzan. Irudiak eta elkarrizketak: Amaiur Aristi. 2007ko irudiak: Oier Araolaza. Argazkiak: Ion Egiguren (aizarna.com). Edizioa: Eire Vila. Aizarna: Ama Birjin jaiak, oilasko biltzea, 2015-08-16.