Tradizionala

Emakumeak Xemeingo ezpata-dantzan

Urteetako barne prozesuaren ondoren emakumeek ere parte hartu dute 2022ko San Migel eguneko Markina-Xemeingo ezpata-dantzan. Iraide Antxia, Ainhoa Basterretxea eta Oier Onaindia Zerutxu dantza taldeko dantzariek azaldu dizkigute plazara genero bereizketarik gabeko taldea ateratzeko eman dituzten urratsak. 2020an eman zuten lehena, aratusteetako saragi-dantzan neska-mutilak atera baitziren. Ondoren, karmenetako aurreskua eta pandemian hausnartzeko denbora hartuta, azkenean, San Migel eguneko ezpata-dantza eta mahai-gainekoa iritsi dira. Harro daude egin duten aurrerapenaz, baina ezpata-dantzarena, Markina-Xemeingo dantzarik esanguratsuena, aldaketa askoren fruitua dela diote. Irudiak: Saioa Zabala, Oier Araolaza, Amaiur Aristi. Emakumeak Xemeingo ezpata-dantzan, 2022-09-29.