Edukira salto egin | Salto egin nabigazioara

Tresna pertsonalak
Hemen zaude: Hasiera Bideoak Martxoak 8: emakumeen irradaka Iruñean

Dokumentuaren akzioak

Martxoak 8: emakumeen irradaka Iruñean

2018/03/09 13:50

Eskutik helduta eta dantzan ospatu dute Iruñean martxoaren 8rako mugimendu feministak deitutako greba eguna. Iruñerriko hainbat dantza taldetako emakumeek eguerdian Sarasate pasealekuan egindako ekitaldirako espres atondutako irradaka dantzatu zuten, Atzo goizean goiz yagi nintzen doinuan oinarriturik. Irati Majuelo bertsolariaren hitzek hola diote:

Heldu nazazu eskutik eta
goazen denok dantzara.
Elkarri eutsi eskurik esku
milaka izango gara.

Altxatu gure ahotsa
eta ondokoena.
Mundua geratuko da
aldatzeko dena.

Irudiak: Hamaika telebista, Ion Orzaiz, Xabier Letona, Maddi Lasa, Ahotsa.com. Martxoak 8: emakumeen irradaka Iruñean. 2018-03-08.

Etiketak

Jarri bideo hau zure webgunean
Deskargatu

Dokumentuaren akzioak

2018/03/13 19:46
Iruñean, irradaka San Fermin Aldapakoaren ezpata-dantzaren amaieran, irradaka Euskararen Egunean, irradaka Emakumearen Egunean... Irradakek, edo borobilean dantza-kantatuek, indar handia dute, mezuaren indarra, batasunaren indarra, kohesioaren indarra. Egokiak halako testuinguruetan, eta beste hainbatetan. Eta ederrak dira. Momentu ederra, borobilean parte hartzea. Erabili irradakak!!!

Bideo honetako doinuari buruz: 'Atzo goizean', ala 'Txikitxuterik'? Ez dut ezagutzen jatorri bera ote duten, melodia antzekoa izanda, baina nik behintzat ezberdintzen ditut (eta biak, bata ala bestea, erabili ohi ditut irradakak egiteko). Aiko taldeak, Maritzuli Konpainiaren 'Aurrez-Aurre' ikuskizunerako, moldaketa bat prestatu zuen, 'Txikitxuterik' doinua eta 'Atzo goizean'-en bigarren zatia (bigarren melodia) elkartuta (Maritzulik sokan dantzatu zuen, ez irradaka). Bertsio edo moldaketa hori da kasu honetan erabili dutena (bideoan). Aiko taldearen 'Aurrez-Aurre' CD-an dago jasota 'Atzo goizean' izenburuaz. Nahiz eta gehiago identifikatzen dudan 'Atzo goizean' Mikel Urbeltz-ek 'Berrizko itsuari' CDan edo Olatz Zugastik 'Bulun-bulunka' CDan eman zuten melodiarekin, Azkueren kantutegitik jasota.

Erantzun

Erantzuna emateko identifikatu egin behar zara, gure webgunean erabiltzaile bat sortuz.