Dokumentuaren akzioak
Albisteak
Zaldibarko txistularien eta dantzarien historia liburu batean
Balendin Lasuen Solozabal-ek Zaldibarko txistularien eta dantzarien historia idatzi du Herriko Kondaira Koadernoak bilduman. Lehen txistulari eta dantzarien datuak, eta XX. mendean izan diren talde desberdinen testigantzak jaso ditu Lasuenek, argazki eta dokumentazioz hornituta.
Gaudeix la Festa: Kataluniako festak gozatzeko telebista programa
Kataluniako Garraf-Penedes eta Camp de Tarragona eskualdeetan egiten diren festa eta tradizioen inguruko telebista programa da "Gaudeix la Festa". Canal Blau eta Maricel TV telebista lokalen sareetan eskaintzen da, eta interneten jartzen dituzte programa guztiak. Kataluniako festak eta dantzak gertutik jarraitzen aukera bikaina da.
Udaberri Dantza Taldea Valladolid-en
Tolosako Udaberri Dantza Taldeak emanaldia eskainiko du Valladolid-eko Viana de Cega herrian datorren asteburuan (Uztailak 30 - Abuztuak 1).
Dantza sustatzeko diru-laguntzen Jaurlaritzaren deialdia
Kulturklik-en iragarri dutenez dantza sustatzeko Eusko Jaurlaritzaren aurtengo diru-laguntzen deialdiak 365.000 euroko diru-poltsa izango du, iazko bera. Deialdiaren atalak berdin jarraitzen dute, eta agindua onartua izan bada ere, ez da oraindik Euskal Herriko Agintzaritzaren Aldizkarian argitaratu.
Maitaldia 2010, aurrerapen bat iruditan
Irailaren 10etik 19ra ospatuko da Biarritzen Temps d’Aimer edo Maitaldia dantza jaialdia. Aurten 20 urte betetzen ditu jaialdiak eta ohiko izaera ireki eta zabalari eutsiko dio bere programazioan. Aurtengo programazioaren iragarpena bideo baten bildu dute antolatzaileek.
Aurtzaka El Vendrell-era
2009ko III. Igartzako Dantzarien Egunean El Vendrell-etik (Katalunia) etorritako bi dantzari-talde izan genituen gure artean gonbidatu gisa. L’Embarcada Kultur Elkarteko Ball de Pastorets eta Ball de Bastons taldekoak hain zuzen. Hemen hasi zen harremanari segika, Aurtzakari dagokio orain Kataluniara bisita egiteko txanda.
Ezpata-dantza eta brokel-dantza Añorgan
Iaz hasitako ohiturarekin jarraituz, Arkaitz Añorgako dantzariak taldeak ezpata-dantza eta brokel-dantza eskaini ditu aurten aure Añorgan uztailaren 16an, karmen egunean. Emanaldiko argazki sorta bat sareratu dugu.
Fustiñanako Paloteadoa abuztuaren 6an ospatuko da
Barde-Ribera dantza taldeak Fustiñanako Paloteadoren ekitaldi berria prestatu du datorren abuztuaren 6rako. Hamabost urteko etenaren ondoren iaz berreskuratu zuten eta aurten ere gogotsu dabiltza prestaketa lanetan Barde-Ribera dantza taldeko kideak.
Tchoukotka eta Uganda Folklore Bizian nazioarteko jaialdian
Galdakaoko Andra Mari dantzari taldeak antolatzen duen Folklore Bizian nazioarteko jaialdia uztailaren 21etik 25era ospatuko da aurten, eta kontraste handik bi talde gonbidatu izango ditu, eskimalen talde bat Siberiatik etorria eta Ugandako talde bat. Galdakao, Usansolo, Sopelana eta Arrigorriagan izango dira emanaldiak datozen egunotan.
Gure herrialdean betatuta
Sakanako Etorkizuna Euskal Dantza Eskolak publikoki salatu nahi du nafarroan dagoen etxe erregionalen federazioa (Altsasuko LA ENCINA elkartea barruan dagoela), gure taldea betatzeagatik , gezur larrietan oinarriturik.
Dokumentuaren akzioak
