Edukira salto egin | Salto egin nabigazioara

Tresna pertsonalak
Hemen zaude: Hasiera Albisteak Gaudeix la Festa: Kataluniako festak gozatzeko telebista programa

Dokumentuaren akzioak

Gaudeix la Festa: Kataluniako festak gozatzeko telebista programa

Oier Araolaza
2010/07/22 13:12
Kataluniako Garraf-Penedes eta Camp de Tarragona eskualdeetan egiten diren festa eta tradizioen inguruko telebista programa da "Gaudeix la Festa". Canal Blau eta Maricel TV telebista lokalen sareetan eskaintzen da, eta interneten jartzen dituzte programa guztiak. Kataluniako festak eta dantzak gertutik jarraitzen aukera bikaina da.

Orain egun batzuk Torredembarran izan gara dantzan Kezka dantza taldearekin, eta han ezagutu dugu Gaudeix la Festa telebista programa. Elkarrizketa bat egin nahi zigutela esanez hurbildu zitzaizkigun eta elkarrizketan aritu ginen, bai horixe. Joan Ignasi Gómez eta Carles Borrell izan ziren gurekin. Emanaldi oso jarraitu zuten, irudiak han eta hemen hartu, elkarrizketak batari eta besteari, eta gustora ikusten zitzaien. Azkenerako jakin genuen beraiek ere parte hartzen dutela beren herrietako festetan, eta barrutik bizi dutela beren herriko kultura tradizionala.

Festetan hainbat tradizio desberdin bizi eta indartsu dituzte Katalunian: Ball de bastons, ball de gitanes, ball de diables, ball de pastorets, erraldoiak, buruhandiak, arranoak, dragoiak, castellersak, eta beste hainbat. Adin guztietako zaleak aritzen dira talde horiek sustatzen eta dantzatzen, eta beraien dinamika horrek telebistan islada izan behar zuela pentsatu zuten. Denak elkartu eta telebistei horrelako programa bat nahi zutela ikusi arazi zieten. Produktora batek proposamen zehatza egin zuen eta horrela sortu zen Gaudeix la Festa.

Goian eskuman dagoen programa 37. kapitulua da, 2010eko uztailaren 6an eskaini zen. Bertan, Kataluniako Bastoners-en biltzarra, Ribes-eko Ball de Gitanes-a, musika tresna egile den Jordi Aixala-ri egindako elkarrizketa eta Sitges-eko Correfoc-a ikus daitezke.

Hona beste atal batzuk:

34. atala

Jordi Bertran Vilanova i la Geltruko musika tradizional jaialdiko zuzendariari elkarrizketa, Vilanovako erraldoiak, eta Arboç-eko grallersak ageri dira. 

 

35. atala

Ball de Vells de Vals, su-gazteluen inguruko elkarrikzeta Patxi Igua piroteknikoarekin,  eta Vilanova i la Geltruko tradizioak.

 

32. atala

 Ramon  Saummel, bestiario popularren ikertzaile eta bildumazalearekin elkarrizketa, Roquetes-eko bastonersen biltzarra, eta Bergako Patum entzutetsua. 

 

Erlazionatutako elementuak
Gaudeix la Festa: capitol 37 - 2010

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.