Dokumentuaren akzioak
Albisteak
Kriskitinen dantza saioak Durangon
Durango Folk eta Kriskitin 15 izenburupean bi dantza ikuskizun eskainiko ditu datozen bi asteburuetan.
Gure lokalak arriskuan
Aita Txanton gure artean egongo balitz eta bere karmeldar anaiek GAZTEDIrenak 51 urtetan zehar izan diren lokalak Bilboko Udalaren esku utzi dituztela ikusiko balu, oso triste sentituko litzateke eta ziur gaude lokalen alde bere esku legoken guztia egingo lukeela.
Gaztedi Dantzari Taldearen liburu berria
40. urteurrenaren jarraipena den liburua salgai dago iada. Azken hamar urteetako (1991-2001) liburu honek, gure historiako 40, 45 eta 50 urteak azaltzen ditu, kolore bizian 100 argazki baino gehiagoz osatua.
Itsasiren jaialdia 25. urteurrenarekin amaitzeko
Lehena-Oraina-Geroa izenburupean lehengo eta oraingo dantzariekin jaialdia egingo du Itsasi dantza taldeak azaroaren 23an eta 25. urteurrena ospatzeko egitarua borobildu du horrela. Larunbatean, azaroak 23, gaueko 21.30etan Izarraitz pilotalekuan izango da jaialdia.
Doinu eta Dantza 10. zenbakia
Hemen dago Gasteizko Folklore Eskola-ren Doinu eta Dantza boletinaren 10. zenbakia, 2002ko azaraoari dagokiona.
Irungo XII. Gipuzkoar Erako Aurresku Txapelketa
Azken orduko bi bajen ondorioz hamar lagunek parte hartu zuten larunbata arratsaldean Irungo XII Gipuzkoar Erako Aurresku Txapelketan. Txapela Donostiara Aiert Beobidek eskuratu zuen txapela bigarren urtez jarraian.
Marixe-ren emanaldi berriak
Kresala dantza taldeak Marixe ikuskizunaren emanaldiak eskainiko ditu datozen asteotan. Azaroaren 9an Beasaingo Usurbe antzokian (17.00) eskainiko da eta abenduaren 28an Egiako Kultur Etxean.
1937, Gogoaren bidezidorretatik
Azaroaren 16ean estreinatuko da 1937, Gogoaren bidezidorretatik izeneko ikuskizuna. Kukai taldeak eta Tanttaka Teatroak elkarrekin antolatutako saioa da, Juan Mari Beltranen musika oinarri hartuta.
Aup!! Kriskitin-en ikuskizun berria
Durangoko Kriskitin dantza taldeak Aup!! izeneko ikuskizun berria estreinatu dut urriaren 26an. San Agustin Kultur-gunean egin zen lehen emanaldian lepo bete zen antzokia eta Euskal Herriko hainbat dantza eskaini zituzten durangaldeko dantzariek.
Euskal Aste arrakastatsua Rosarion
Argentinako krisi ekonomikoak ez du euskal-argentinarren ilusioa zapuztea lortu eta Rosarioko Euskal Astea arrakastatsua eta hunkigarria gertatu da.
Dokumentuaren akzioak
