Dokumentuaren akzioak
Albisteak
Kukaik Kolonbian aurkeztuko ditu bere lanak
Nazioarteko Antzerki Jaialdi bat ospatzen ari da egunotan Kolonbian, Manizales hirian, eta sei euskal konpainiak beren lanak erakutsiko dituzte bertan. Tanttaka, Vaivén eta Markeliñe antzerki taldeekin batera, Kukai dantza taldeak bi lan eskainiko ditu bertan, Otehitzari biraka eta Taupadak.
Argira ikusgarria estreinatuko du Verdinik Errenterian
Donostiako talde beteranoaren seigarren ikuskizuna da Argira. Errenteria Hiria Kultur Etxean aurkeztuko da igande honetan, 20:00etan, Verdini Dantza Taldearen Argira ikuskizuna. Isabel Verdiniren obra honek ahalmen urriko pertsonekiko gizartearen gehiegizko babesaren kezka planteatzen du.
Lurra ikusgarria eskainiko du Harizti Dantza Taldeak
Harizti Barañaingo Dantza Taldeak 20. urteurrena ospatuko du dantzen ikusgarri batekin. Lurra, airea, ura, sua ikusgarriak historian zehar Hariztin egon diren dantzari guztiak bilduko ditu Datorren larunbatean, urriaren 6an eta arratsaldeko zortzietan, Lurra, airea, ura, sua ikusgarria emango da Barañain Auditorioan. Ikusgarri hori Harizti dantza taldeak antolatu du haren 20 urteak ospatzeko.
Momix, dantza efektistaren maisuak Euskal Herrian
Momix dantza konpainia ezaguna Euskal Herriko hainbat hiriburutan izango da datozen egunotan. Urriaren 5ean eta 6an Iruñean, 9an Gasteizen, 12an eta 13an Bilbon, eta 16 eta 17an Donostian. Sun Flower Moon ikuskizuna eskainiko du Momix-ek euskal hiriburu horietan. Dantzaren plastikotasuna eta efektismoa azken muturreraino eramateko duen gaitasunak eraman du arrakastara Momix.
Dantza Donostiako udazkenean
Thomas Noone, Kresala eta Antzart dantza taldeak, Momix, Ballet Biarritz edo Lucia Lakarra dira Donostian urrian, azaroan eta abenduan ikusi ahal izango diren dantza emanaldiak. Victoria Eugenian, Gasteszena eta Antzoki Zaharrak hartuko dituzte udazkeneko dantza ikuskizunak Donostian.
Sorkuntza prozesuak bultzatzeko jaio da Dantzan Bilaka
Dantza garaikidea bultzatzeko Eusko Jaurlaritzaren Kultura Saila martxan jarri duen ekimen berria da Dantzan Bilaka. Koreografien erakusketak 10 urte bete ondoren, haren lekukoa jaso du Dantzan Bilakak. Tailerrak, gogoetarako guneak eta jendaurreko erakusketak biltzen dira ekimen honetan.
Izar Bide, Paueko euskal dantzarien ikusgarria
2007ko azaroaren 16an aurkeztuko da Pauen bertako euskal dantzariek prestatu duten ikuskizuna: Izar Bide, L'odyssée basque. Pau hiriko Lagunt eta Maita dantza taldeek Zenith antzokian aurkeztuko dute euskal dantzetan oinarritutako ikusgarria. Euskal diaspora zabala bizi da Pauen, 1000 familia euskaldun bizi dira bertan, eta komunitate horren lanaren emaitza da ikusgarri hau.
"Folklorea ikus-entzunezkoetan" aztertuko da Bilbon
Eusko Ikaskuntzako Folklore Sailak antolatutako jardunaldiak urriaren 20an burutuko dira. Folklore mundua argazki, zine eta bideo kameren objektiboekin islatu duten hainbat ikertzaile eta sortzaile garrantzitsuk parte hartuko dute jardunaldietan. Pío Caro Baroja, Koldo San Sebastián, Maria Ángeles Sánchez edo Santiago Yañiz dira besteak beste jardunaldietan beren aurkezpenak egingo dituztenak.
Dantza tradizionalak San Migeletan
Asteburuan ospatuko dira San Migel jaiak, larunbatean baita irailak 29, San Migel eguna. Hainbat dantza tradizio interesgarri ikusi ahal izaten dira San Migel egunaren inguruan: Ezpata-dantza Markina-Xemein-en, dantzari-dantza eta erregelak Iurretan, Paloteadoa Cortes-en eta soka-dantza Iruran besteak beste. Hona gida labur bat:
Kolonbian dabiltza dantzan Aurtzakako dantzariak
Beasaingo Aurtzaka dantza taldeko dantzari eta musikariak Kolonbian daude egunotan, bertako hainbat hiritan emanaldiak eskaintzen. Pasa den igandean Zipaquiráko katedralaren auditorioan emanaldia eskaini zuten eta datozen egunotan Chia, Funza, Bogotá, Ubala eta Gamma bisitatuko dituzte.
Dokumentuaren akzioak
