Dokumentuaren akzioak
Albisteak
2006, urtebete dantzan
Urtarrilaren 4an ospatu zen emanaldiarekin hasi zen 2006. urtea dantzari dagokionean. Thalia dantza eskolaren 25. urteurrena ospatzeko jaialdia antolatu zen.
Portugaleteko Elai Alai Kulturgunearen ikastaro berriak
Portugaleteko Elai-Alai kulturgunearen honako helburu hauek ditu: Pertsonak prestatu eta janztea, eta tradiziotik datozkigun kultur ezaugarriak garatu eta hedatzea, eta hartara, gure kultura sustatu eta iraunaraztea. Dantzariak, musikariak, artisauak, etb. prestatzean, gure sustraietatik abiatuz egiten dugu lana. Horregaitik, egingo ditugun hurrengo ikastaroak aurkeztu nahi dizkizuegu.
Ehun eta berrogeita hamar soka
Blanca Arrietak sortutako dantza konpainia da "Ciento cincuenta cuerdas" izenekoa. Rest ikuskizun berria prestatzen ari da Blanca Arrieta, Sascha Engel musikari alemanarriarekin elkarlanean burutzen ari den proiektua. 2007an "Efecto mariposa" eta "Zero" lanak han eta hemen aurkeztuko ditu.
Nobedadeak eta zaharkinak Durangoko azokan
Urtean zehar nahiko urri izaten dira dantzaren inguruko argitalpenak, eta gainontzeko alorretan bezala Durangoko azokara begira plazaratzen dira asko. Horrekin batera normalean dendetan aurkitzen ez diren zenbait liburu eta diska zahar aurkitzeko toki aproposa izaten da Durangoko azoka. Hona aurten Durangon erosi ahal izan diren dantzaren inguruko argitalpenetako batzuk.
Verdiniren emanaldia minusbaliotasunaren egunean
Datorren abenduaren 3an ospatuko da minusbaliotasun bat duten pertsonen nazioarteko eguna. Euskal Herriko Unibertsitateak hitzaldi bat eta Verdini Dantza Taldearen emanaldia antolatu ditu egun horretarako. Isabel Verdini koreografoak minusbaliotasun bat dutenekin 14 urtetan dantzaren bidez egindako lanaren inguruko hitzaldia eskainiko du. Ondoren, Verdini Dantza Taldeak "Ilunpetik" ikuskizuna eskainiko du.
Morris dantzen bideoteka izugarri bat online
Anthony G. Barrand Boston-eko Unibertsitateko ikertzaileak, azken 30 urteoetan han eta hemen grabatu eta eskuratu dituen dantza bideo guztiak sarean jarri ditu guztion eskura. Eta ez dira gutxi. Ameriketako eta ingalaterrako morris dantzen bideoteka ikaragarria da, eta haiekin batera Beljika, Frantzia, Italia, Txekia, Alemania eta baita Euskal Herriko dantza bideo batzuk ere jaso ditu. Ondare izugarria denon eskura.
Dantza eta musika tradizionalerako gune bat: Aiko
Aiko musika eta dantza tradizionalaren mundua ezagutarazi, ulertu, ikertu, irakatsi, sustatu, bultzatu, garatu, herrikoitu, gizarteratu eta gureganatzeko sortua den musika eta dantza maisuen talde bat da.
Panderoaren erritmora dantzan
Bosgarren Herri Musika Jardunaldiak antolatu dituzteko Oiartzungo Herri Musikaren txokoan eta panderoa izango da jardunaldi horien ardatza. Euskal Herriko panderojole ezagunekin batera kanpotik etorritako hizlariak izango dira, eta adibidez Leon inguruetan panderoak dantza eta abestiarekin duen harremanaz arituko da Gabriez González.
Picotchetek eta Üthurryk badute segidarik
Zuberoako dantzen munduan barrena bidaia ederra eskaini digute pasa den larunbatean Barkoxen burutu diren jardunaldiek. Eusko Ikaskuntzak antolatuta, atzoko, gaurko eta biharko zuberotar dantzarien bilerak dantza barru-barrutik bizi duen gizarte bati usaina hartzeko aukera eman digu manexoi ere bai. Bai usain ederra hartu ere!
Donostia dantzan erromeria
Azaroaren 19an, eguerdiko hamabietan Donostiako Udaletxeko aretoan burutuko den kontzertu berezi batean, Xabier Muñoz Otaegi txistulari ezagunari, Euskal Herriko Txistularien Elkarteko Zilarrezko Domina ezarriko zaio, hainbeste urtez egin dituen lanak eskertu nahirik. Aukera hori dela eta, arratsaldez festak jarraipena izan dezan, Bagera, Donostiako Euskaltzaleen Elkarteak Konstituzio Plazan gure dantza tradizionalen inguruko erromeria antolatu du Donostiako Udaleko Txistulari Taldearekin batera.
Dokumentuaren akzioak
