Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Puntapioa Generoa bereizten ez duten dantzak

Dokumentuaren akzioak

Generoa bereizten ez duten dantzak

2018/07/17 07:45
Generoa bereizten ez duten dantzak

Leire Leza, trokeo-dantzak, Iruñea, 2017-07-07. Argazkia: Eire Vila-Dantzan.eus CC-BY-SA

Sanferminetako trokeo-dantzetako protagonistetako bat, Duguna taldeko Leire Leza (Iruñea, 1986) elkarrizketatu dute Noticias de Navarran festen azken egunean. Duguna dantza taldeko dantzariak azaldu du neskek eta mutilek elkarrekin eraikitako identitate berri bat ordezkatzen dutela duela urte be...

Sanferminetako trokeo-dantzetako protagonistetako bat, Duguna taldeko Leire Leza (Iruñea, 1986) elkarrizketatu dute Noticias de Navarran festen azken egunean. Duguna dantza taldeko dantzariak azaldu du neskek eta mutilek elkarrekin eraikitako identitate berri bat ordezkatzen dutela duela urte bete aurkeztu zituzten sanferminetako trokeo-dantzek.

Leire Leza
Leire Leza Udaletxeko plazan. Argazkia: Iñaki Porto/Noticias de Navarra

Dantzak elementu folklorikoa baino gehiago dira, borroka eta aldarrikapen tresna izan dira sarri. Urte askoan gizonek emakumeek baino presentzia handiago izan dute kalean, plazan, dantzan: pixkanaka aldatzen doa hori. Lezak azaldu du, Duguna dantza taldea saiatu dela emakumeen presentzia bigarren planokoa bakarrik ez izaten. Hori dela eta, garai batean emakumeen eskuetan ikustea pentsaezina zen makilak ezpatak, brokelak... neskek zein mutilek erabiltzen dituzte, "dantzek emakumeen eta beraien protagonismoaren beharra dute, ezberdintasunik gabeko espazioa izango litzateke ideala".

Espazio hori lortzeko sortu zituzten orain dela urtebete sanferminetako trokeo-dantzak, janzkera propioarekin eta generoa bereizten ez dutenak. Antzinako elementuak, berriekin uztartu dituzte; "identitate krisia izan genuen, beste leku batzuetako dantzak aurkezten genituen, baina ez genituen gureak eta propioak sortzea erabaki genuen: zerbait berria egin dugu, guretzat zentzua duena eta gaurkotasunera egokitzen dena, lehengokoa galdu gabe".

Artikulua: Dantzas que no entienden de género (Noticias de Navarra, 2018-07-14)

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Puntapioa

Puntapioa

Eguneroko prentsa artaziekin begiratzen duzunean.