Ertza: Janeten titia [Dantza Coliseoan]

Ertza konpainiak bere azken lana aurkeztuko du Eibarren, Coliseo antzokian, ostiral iluntze honetan (2019ko irailak 27, ostirala, 20:30ean). Asier Zabaletak zuzentzen duen konpainiak Janet Jakcsonen titia mundu osora erakutsi zen uneko irudia hartu du abiapuntuan: "Janet Jackson-ek ikuskizun batetan bular bat erakusten du eta instant batean irudi horrek mundu osoa zeharkatzen du, eskandalu itzela sortuaz eta epaitegietaraino iritsiaz. Zerk eragiten du ekintza berberak hainbesteko garrantzia hartzea batzuetan, eta guztiz normala suertzatzea bestetan?". Hari horri tira egiten dio Ertzak lan honetan: "Gaur egungo gizarteek nola eraikitzen duten nork bere normalitatea; beti eritzi subjektikoetan oinarrituz, gehienetan estatistikoak eta beste askotan interesatuak badira ere.". 

Henrique de Souza dantzari eibartarra oholtzan

Zuzeneko soinua du ikuskizunak, hain zuen Jhana Beat-en eskutik, eta diziplina ezberdinetako lau dantzari batu ditu Zabaletak gizartean ezarritako arauak zalantzan jarri eta "ikuslea imaginario zoro eta lotsagabe batetan murgildu araziz". Ertzaren asmoa "gaur egungo gure gizartean oraindik indarrean dauden aurreiritziei desafio" egin eta "lotsaren mugekin, eta onartutako moda eta moduekin" jostatzea da.

Dantzarietako bat Henrique de Souza eibartarra da, Meeting point kale-ikuskizunarekin Max saria jaso zuena iaz. Hain zuzen Ertza konpainiarekin eta ikuskizun honetan ere kide duen Thiago Luiz Almeidarekin egindako lana izan da Meeting point, beraz, lan-talde arrakastatsuaren beste emaitza batekin, Janeten titiarekin datoz oraingoan Eibarrera.

Ertza: Janeten titia

• Zuzendaria: Asier Zabaleta
• Dantzariak: Maria Andrés, Thiago Luiz Almeida, Caio Henrique de Souza, Denis Martinez, Jhana Beat.
• Musika: Jhana Beat. Koreografia: Asier Zabaleta dantzarien laguntzaz
• Argien diseinua: Junki Gonzalez
• Eszenografia: Asier Zabaleta, Pello Artola