Orain arteko ekarpenak

Barde-Ribera dantza taldeak Fustiñanako Paloteadoren ekitaldi berria prestatu du datorren abuztuaren 6rako. Hamabost urteko etenaren ondoren iaz berreskuratu zuten eta aurten ere gogotsu dabiltza prestaketa lanetan Barde-Ribera dantza taldeko kideak.

Galdakaoko Andra Mari dantzari taldeak antolatzen duen Folklore Bizian nazioarteko jaialdia uztailaren 21etik 25era ospatuko da aurten, eta kontraste handik bi talde gonbidatu izango ditu, eskimalen talde bat Siberiatik etorria eta Ugandako talde bat. Galdakao, Usansolo, Sopelana eta Arrigorriagan izango dira emanaldiak datozen egunotan.

Gaur, uztailak 18, abiatuko da Portugaleten Nazioarteko 26. Folklore Jaialdia. Brasil, Bulgaria, Buriatia, Chile, Dagestan, India eta Euskadiko folklorea erakutsiko da lehen agerrialdi honetan. Datozen egunotan Euskal Herriko 24 txokotan ikusiko dira Portugaletera etorritako taldeen emanaldiak.

Euskal mitologian oinarrituta, Maskara-da ikusgarria estreinatuko du Irurtzungo Orritz dantza taldeak bihar, uztailaren 17an. Ismael Yagüeren musika darama lanak eta urte hauetan taldeak egindako lana jasotzen duen DVDaren aurrerapena da.

Euskadiko Filmategiak Gernikako Elai-Alai dantza taldearen irudi zaharrak berriztatu eta prestatu ditu, eta datorren uztailaren 21ean Baionako Euskal Museoan eskainiko dira. Proiekzioaren ondoren, Filipe Oihanburuk Elai Alairen ibilbidez, eta haren ondotik etorri ziren Olaeta eta Oldarra baletetaz mintzaldia eskainiko du.

Uztailaren 13an Shangaiko Nazioarteko Erakusketan dantzatuko du Bakioko Itxas-Alde dantza taldeak. Ondoren, munduko abesbatzen lehiaketan emanaldia eskainiko du. Uztailaren 11tik 22ra Txinan ibiliko da Bakioko dantza taldea.

Uztailaren 22tik 27ra ospatuko da Bidasoaldean dantzari gazteak biltzen dituen nazioarteko folklore jaialdia. Errumania, Mazedonia, Espainia eta Euskal Herriko dantzari gazteak arituko dira aurtengo jaialdian. Irun, Zarautz, Etxalar eta Beran egingo dira emanaldiak. Hona egitaraua:

Badira hilabete batzuk kaleandela Xabier Alberdi eta Xabier Etxabek idatzitako "Zarauzko folklorea izeneko liburua. Lan sakon eta mardul honetan Zarauzko folkloreari begirada historikoa eta gaur egunekoa luzatu diote, eta bildutako datu andana testuinguruan kokatzeko ahalegina egin dute. Euskal dantzaren ibilbidea herri baten adibidetik ezagutzeko aukera bikaina da.

Mazedonia, Errumania, Ukraina, Grenobleko dantza garaikide konpainia bat, eta Euskal Herritik Ezpeletako Ezpela, Hazparneko Elgar Oinka eta Larraineko Erregetxopital dantza taldeak arituko dira 2010eko Gauargi jaialdian. Gaztetxoen nazioarteko 14. folklore jaialdia uztailaren 16 eta 19a bitartan ospatuko da.

Uztailaren 17an ospatuko da 2010eko Mairuaren Alardea Antzuolan. Azken urteotan, ikerketa, gogoeta eta aldaketa prozesuan sartuta daude, eta lan horretan urrats berri bat emango da aurten. Neskek dantza berri bat aurkeztuko dute.