Gipuzkoako Forun Aldundiaren enkarguz, Gipuzkoako jaiak generoaren ikuspegitik aztertu ditu Farapi enpresak. Genero ezberdintasunak ohikoak direla festa guztietan ondorioztatu dute. Donostia, Irun, Lezo, Antzuola, Legazpi, Tolosa, Zumaia, Bergara eta Errenteriako jai ekitaldiak ikertu dituzte, eta tartean dantza ospakizunak ere aztertu dituzte.

Inauteriak, kultur programaketa zabal batekin eta tradizioa eta sorkuntzaren inguruan ekarpenak egiteko asmoarekin lotzen ditu urtero Hartzaro jaialdiak Uztaritzen. Hitzaldiak, erakusketak, musika eta dantza jaialdiak, eta inauteria bera datoz aurtengo Hartzaron. Hona Hartzaro 2010-en egitaraua:

La Fundicion-ek Dantzaldia jaialdiaren XI. edizioa prest du dagoeneko. Mal Pelo, German Jauregi, Kafig edo Kukai dira 2010eko Dantzaldia jaialdian Bilbon ikusi ahal izango diren proposamenetako batzuk.

Inauteri garaian gaude eta ohi bezala garai hauetan nabarmen egiten dira Europako hainbat bazterretan egiten diren inauterien arteko antzekotasunak. Joaldunen ahaideak aurki ditzakegu han eta hemen, Hartzaren agerraldi eta dantzak, kapela konikoak, ezkontza itxurako estanpa barregarriak, heriotz eta berpizteak, e.a. Italiako museo bat Europako inauterien arteko antzekotasunen inguruko ikerketa lan bat burutzen ari da. Pelikula bat egin du horren inguruan eta hemen duzue trailerra.

Ahari Kultur Taldeak urteak daramatzak euskal inauterien inguruko lanak sustatzen. Erakusketa bat prest du eta erakusketa hori Bizkaian eta Nafarroan erakutsiko da asteotan. Elorrion aste honetan ireki da erakusketa eta Portugalete eta Mutiloa bisitatuko ditu gero.

Iparraldeko Dantzarien Biltzarretik jakinarazi dutenez, Errumaniako Cluj herrian, gutxitutako kulturen dantza jaialdi bat antolatzen da eta aurten Euskal Herriko talde bat nahiko lukete bertan. Abuztuaren 19tik 28ra izango da jaialdia.

Bi dantzari eta koreografo izango dira aste honetan ETB2ko Forum elkarrizketa saioan. Gaur goizean Mikel Aristegi elkarrizketatu du David Barberok bere saioan eta ostegunean Isabel Verdiniri egindako elkarrizketa eskainiko da.

Gorka Bravo argazkilariak dantza gaitzat hartuta argazki sorta ederra egin du. "Soul & Movement" edo "Arima eta mugimendua" izenburupean, dantza garaikideko mugimenduak islatu ditu.

Atzo, urtarrilak 17, abiatu dira 2010eko maskaradak Zuberoan, Larrainen hain zuzen ere. Aurreko asterako aurreikusita zeuden, baina elurteak astebete atzeratu du maskaraden hasiera. Elurra beharrean, euria izan dute lehen maskaradetan. Hona Larraineko maskaradaren bideo eta argazkiak.

Datorren otsailaren 20 eta 21ean, Mazedoniako dantzen ikastaro bat izango da Altsasun, Sasko Anastasov dantza irakasle mazedoniorraren eskutik.