Dokumentuaren akzioak
Dantzaroa ospatuko da Durangon larunbatean

Durangaldeko dantzen agerraldia da Dantzaroa, eskualdeko dantzak ezagutzera eman eta dantzariak jai giroan elkartzeko helburuz antolatzen dena. Gerediaga elkarteak bigarren urtez antolatu du eta irailaren 25ean, larunbatean, ospatuko da Durangon.
Arratsaldeko 19:00etan hasiko da Dantzaroa, parte hartuko duten dantza taldeek Durangoko kaleetan egingo duten kalejirarekin. Durangoko
udaletxe aurretik irten eta kaleetan barrena ibili ondoren Ezkurdin bukatuko da ekalejira. Ondoren, 19:30etan dantza agerrialdia egingo da eta honako dantzak eskainiko dira:
- Agintariena
- Banangoa
- Makil jokoa
- Garaiko Gernikako arbola
- Arku dantza
- Zintza dantza
- Txotxongilo
- Nesken soka dantza
Informazioa: Gerediaga
Dokumentuaren akzioak