Orain arteko ekarpenak

Azkenean erabakia hartu dute Santa Graziko maskaradariek: aurten ez da maskarada gehiago izango Zuberoan. Pasa den astean iragarri genuen moduan, azken bi maskaradak, Irurin eta Urdiñarben egitekoak zirenak bertan behera geratu ziren santagrazitar baten heriotzaren ondorioz, eta asteburuan egindako bileren ondoren erabaki dute aurten maskarada gehiago ez ematea.

Martxoaren 26an, larunbata, Euripean dantza ikuskizuna eskainiko dute Johanna Etcheverry eta Mizel Theret-ek. Biarritzeko Le Colisée aretoan izango da emanaldia 20:30etan hasita. Makila hartu dute ardatz ikuskizuna sortzeko garaian.

Iruñeko Duguna dantza taldeak ttunttunero jardunaldiak antolatu ditu datorren apirilaren 9an. Iruñeko Kale Nagusiko Condestablearen jauregiak Sabin Bikandiren tailerra eta Mikel Aranbururen solasaldia hartuko ditu. Bazkaria eta erromeria ondoko jatetxe batean izango dira.

Dantzaren Nazioarteko Eguna ospatzen gatozenetik ohiko bihurtu da urtero dantzari edo koreografo batek egun horretarako Dantzaren Nazioarteko Eguneko mezua idaztea. Hona Anne Teresa De Keersmaekerrek idatzitako mezua.

Datorren apirilaren 3an, arratsaldeko 17:00etan, Luhusoko Harri Xuri kulturgunean, dantza, kantua eta antzerkia biltzen dituen Oroitzapenetik Bidaiarat ikuskizuna taularatuko du Zazpiak Bat dantza taldeak.

Xereta, Gero Axular dantza taldeak datorren asteburuan aurkeztuko duen ikuskizun berria da. Martxoaren 26 eta 27an izango dira emanaldiak, larunbat eta igandez, arratsaldeko 20:00etan, Donostiako Antzoki Zaharrean.

Europa eta Amerikako inauteri ezberdinen berrogeita hiru argazki bildu ditu The Boston Globe egunkariak bere webgunean. Baina, ez hori bakarrik, Berria egunkariaren bidez jakin dugunez berrogeita hiru horien artean hogeita bigarrena, Rafa Rivasek ateratako Unanuko mamuxarro baten argazkia da.

Bilboko Muelle3 dantza eta sorkuntza garaikideko espazioan Body Weather ikastaroa antolatu dute datorren apirilaren 18 eta 22a bitarterako. Min Tanaka izan zen 80. hamarkada hasieran Body Weatherra sortu zuena, eta ikastaroa emango duen irakaslea, Frank Van de Ven, Japoniako Maijuku Min Tanaka konpainiako kide izan zen 1983 eta 1991. urte bitartean.

Iragan den martxoaren 6an Jacques Larrondo zendu zen 85 urte zituela. Xiberuko Zohardia elkartearen fundatzailea zen Jacques, baina, horrez gain Zuberoan XX. mendean ezagutu den dantzari handienetakoa bat joan da. Zamalzain moduan egindako dantzak adin bateko zuberotar guztien gogoan daude. "Onena zen" nabarmentzen dute askok.

Maskaradetako parte hartzaileetako baten aita zendu da, eta horrek eragindako saminaren ondorioz bertan behera geratu dira pasa den eta datorren asteburuko maskaradak Zuberoan. Irurin egitekoak ziren maskaradak bertan behera geratu ziren zorigaitz horren ondorio, datorren igandean Urdiñarben egitekoak zirenak ere bertan behera geratu dira, eta ondorengoen inguruko erabakirik ez da hartu oraindik.