Edukira salto egin | Salto egin nabigazioara

Tresna pertsonalak
Hemen zaude: Hasiera Albisteak Zuberoako maskaradak bertan behera geratu dira

Dokumentuaren akzioak

Zuberoako maskaradak bertan behera geratu dira

2011/03/28 09:25
Azkenean erabakia hartu dute Santa Graziko maskaradariek: aurten ez da maskarada gehiago izango Zuberoan. Pasa den astean iragarri genuen moduan, azken bi maskaradak, Irurin eta Urdiñarben egitekoak zirenak bertan behera geratu ziren santagrazitar baten heriotzaren ondorioz, eta asteburuan egindako bileren ondoren erabaki dute aurten maskarada gehiago ez ematea.

Santa Graziko gazteak dira aurtengo Zuberoako maskaradak antolatu eta herriz herri aurkezteko ardura hartu zutenak. Lehen emanaldian zeresana eman zuen antolatzaileen kezkak, euskara galtzen ari dela eta maskaradak ere kolokan izan daitezkeela eta Santa Grazik antolatzen duen azken maskarada izan daitekeela. Maskaradak ederrak gertatu ziren hala ere lehen agerraldietan, baina pasa den astean gertaera lazgarri batek eten du inauteriko festa honen ibilbidea.

Herritar baten heriotzak kolpe latza izan da santagrazitarrentzat. Maskaradetako arizaleetako hiruk senide zuzena zuten hilberria, eta lur jota maskaradarekin aurrera ez jarraitzea erabaki dute. Taldeak, bi emanaldi bertan behera utzi ondoren, bilera egin dute Santa Graziko maskaradetako parte-hartzaileek, eta samina batetik, eta falta zaizkien hiru arizaleen hutsunea betetzeko ezintasuna bestetik, geratzen ziren maskarada guztiak bertan behera uztea erabaki dute. Oraindik beste zazpi agerraldi aurreikusiak zituzten, maiatzaren 15erarte, baina ez da gehiago egingo. Aurreikusitako hamabost emanaldietatik sei egin ondoren, ezbehar larri baten ondorioz bukatu dira 2011ko maskaradak Zuberoan.

Dokumentuaren akzioak

oiartzuar bat
2011/03/30 11:39

Apa gaztiak, itten tzuten lana miresgarria da, eta seguruenik joandako gaztiak maskarada miresten zuela, bere oraimenez bada ere, jarraitu lanian. Datorren urtean gehio ta obe!! Gora zuek!!

2011/03/28 18:01

Beraien samina denona egiten dugu! Gora Zuberoa!

Osaba Tomas
2011/03/29 23:32

Tristuraz beteriko berria, osatu eta hurrengo urtean ohore eta omenez ospatu.

onkizan.

Erantzun

Erantzuna emateko identifikatu egin behar zara, gure webgunean erabiltzaile bat sortuz.