Orain arteko ekarpenak
Gorka Bravo: Dantza argazkilaria naiz
2012/11/23
Gorka Bravo argazkilaria ibilbide oparoa egiten ari da dantzaren munduan. Dantzan espezializatutako argazkilaria da, eta antzematen zaio arte alor honetarako sentsibilitate aparta duela. Azken urteotan egindako lan ederretako batzuk bildu ditu bideo honetan.
Lantzeko zortzikoaren bideo tutorial bat: baina Lantzen ez da horrela egiten, ez?
2012/11/21
Leioako Irakale proiektuaren baitan, Lantzeko inauterietako zortzikoa dantzatzen ikasteko bideo tutorial bat argitaratu da Youtuben. Bertan, Haizea Ormaetxea dantzariak Lantzeko zortzikoa nola dantzatu irakasten du. Oso bideo txukuna da, ongi grabatu eta editatua, baina arazo bat dago: Benetan Lantzen horrela dantzatzen dute zortzikoa?
Euskal dantzarako egokitutako dantza klasiko ikastaroa Igor Yebraren eskutik
2012/11/21
Euskal dantzara egokitutako dantza klasiko ikastaroa eskainiko du Igor Yebrak larunbat honetan Urnietako Saroben.
Aukeran dantza konpainiak antolatu duen ikastaroa ume eta gaztetxoekin arituko da Yebra goiz partean, eta euskal dantza tradizionaleko helduei begirako saioa eskainiko du arratsaldean.
Bukatu dira oilasko jokoak Amasan
2012/11/19
Villabonako Amasa auzoan, San Martin jaietan oilasko-biltzea, oilasko-jokoa eta soka-dantza egin izan dute luzaroan gazteek. Oilasko-jokoan animaliei tratu txarra ematen zitzaiela salatu zuen elkarte batek, eta ondorioz, aurten oilaskoen ordez arrautzak batu dituzte Amasako gazteek, eta ez da oilasko jokorik izan. Soka-dantza ez da falta izan ordea.
Eguren orkestra, erromeriaren arrastoan
2012/11/16
Bere doinuak dantzatzen dituzten dantzariekin batera zahartu dira Eguren orkestrako musikariak. Euskal Herria erromeriaz erromeria korritu zuten musikariak, jubilatuen dantzaldiak girotzen aurkitu dute azken gordelekua. 1963an Usartzako (Eibar) erromerian, hamazazpi soinu jotzaile elkartu zirela gogoratzen du Enrike Eguren-ek. Eta bakoitzaren inguruan dantzari korroa. Adibidez, Aiastiako (Elgoibar) erromerian mila lagun dantzan jartzera iristen ziren.
Company XIV, Barrokoko dantza gaurkotu eta erotikoa
2012/11/15
New York-en, Brooklyn-en sortutako dantza-antzerki konpainia da Company XIV. Austin McCormick-ek zuzentzen duen konpainiak zuzeneko emanaldiak eta bideo-bidezko dantzaldiak uztartzen ditu. Barrokoan inspiratutako lan garaikideak plazaratzen ditu.
Dantza tradizionaleko monitore ikastaroa BDBren eskutik
2012/11/15
Bizkaiko Dantzarien Biltzarrak Dantza tradizionaleko monitore ikastaroa abiatu zuen urrian. Bertan 5 eta 12 urte arteko ikasleei dantza tradizionaleko klaseak emateko behar diren tekniketan gaitu nahi dira monitoreak.
Gara 2012, Xut fanfarrearen diska berria
2012/11/13
Festa eta dantzarako fanfarre musika eginez arrakasta handia izan zuen Xut fanfarreak 70eko hamarkadaren azken urteetan eta 1980ekoaren aurrenetan. 1998an berriz itzuli zen bigarren diska batekin, eta 2012an hirugarren diska argitaratu du. Ohi bezala, dantza eta festarako doinuak ditu nagusi, fanfarrearen soinu bereizgarriarekin. Azaroaren 24an Durango izango da talde nafarra Gara 2012 diska berria aurkezten.
Jabier Aranburu, Baryshnikov jaio eta James Dean hil zen dantzari ordiziarra
2012/11/07
80eko hamarkadan Espainiako Ballet Nazionaletik pasa zen dantzari dohaitsuna zela zioten. Ordizian dantzan hasi eta oso gazte antzoki handi eta konpainia arranditsuenetako izar distiratsu bihurtu zen. Karrera meteorikoa eta zaplasteko latza, dantzarako adin onenean Espainiako Ballet Nacionaletik kanporatu zuten eta urte gutxira droga gaindosiz hil zen. Hona hemen Jabier Aranburu dantzari ordiziarraren historia.
Nicolas Barneix, Santa Graziko 2011ko maskaradetako zamaltzaina hil da
2012/11/04
Auto istripu baten ondorioz hil da Nicolas Barneix santagrazitar gaztea. 25 urte zituen, eta 2011ko maskaradetan bere dantzari dohain bikainak erakutsi zituen zamaltzain papera betez. Ostiraletik larunbaterako gauean izandako auto istripuan galdu du bizia.
Orain arteko erantzunak
Dantzan on Dantza-kontuak Irulegi irratian
2019/11/07
Ez da ideia txarra. Ea gauzatzeko gai garen! Eskerrik asko Iker.
Dantzan on Zein da Madonnak Eurovisionen eskaini zuen euskal kanta?
2019/05/22
Halaxe da bai, Patxi eta Aitor, "Oihaneko Zuhainetan" da Madonnaren abesbatzeko monjeek hitzik gabe ematen duten kantaren doinua. Hemen hitzak, Jean Mixel Bedaxagarrek kantatu ohi dituen eran:
Oihaneko zuhainetan eder zuhainik gorena
Europako popülietan famatürik üskaldüna
Hura da zaharrena Kantabriaren semia
Lorius bere lurretan beti libre egon dena.
Leheneko üskaldüneri fama zaio baratü
Fidel zela herriari eta legetan argitü
Hura izan da gerlari, üsü odolak ixüri
Fidelitatian etxeki eta legia hareki.
Haritx piala bildürik üskal herri orotarik
Bakotxak bere botza emanik eta legia zen egin
Orai ezta legerik ez eta ere juntarik
Fidelitatia galdürik eta legia saldürik.
Oihaneko zuhainetan eder zuhainik gorena
Europako popülietan famatürik üskaldüna
Hura da zaharrena Kantabriaren semia
Lorius bere lurretan beti libre egon dena.
Leheneko üskaldüneri fama zaio baratü
Fidel zela herriari eta legetan argitü
Hura izan da gerlari, üsü odolak ixüri
Fidelitatian etxeki eta legia hareki.
Haritx piala bildürik üskal herri orotarik
Bakotxak bere botza emanik eta legia zen egin
Orai ezta legerik ez eta ere juntarik
Fidelitatia galdürik eta legia saldürik.
Dantzan on Barry Lyndon (1975): Goizeko ihintza dantzan
2019/04/24
Eskerrik asko zuzenketagatik Aitor! Bistan da oker jarri dugula.
Dantzan on Inauteriak 2019 oinarrizko egutegia
2019/01/22
Eskerrik asko ekarpenagatik!
Inork hitzordurik faltan botatzen badu, idatziguzue mesedez dantzari@dantzan.com helbidera informazioa eta argazkiren bat bidaliz eta gustora gehituko dugu inauteri egutegian.
Inork hitzordurik faltan botatzen badu, idatziguzue mesedez dantzari@dantzan.com helbidera informazioa eta argazkiren bat bidaliz eta gustora gehituko dugu inauteri egutegian.
Dantzan on Biarritz 1934 Euskal dantza jaialdia
2019/01/17
Durangaldeko dantzarien saioa xehe aztertuta honako argibide, zalantza eta xehetasunak aipatu dizkigu Durangaldeko dantzari batek:
"Durangaldekoak direnarekin guztiz seguru ere ez nago, baina pausukeragaitik oso gureak ikusten ditut. Bestalde Garaiko taldearen inguruan banderaren antzekotasuna (https://pbs.twimg.com/media/DjBgm-nXsAA0Rjo.jpg) eta 'eskas'etan hartzen duten kokapenak (https://www.youtube.com/watch?v=WCzNVC7mi78) kontuan hartuta kointzidentzia gehiegi iruditzen zait Garaikoak ez izatea.
Berriztarrekin, aldiz, zalantza asko ditut zeren haien bandera, antza gerra garaian desagertu zen, gainera 'Durangerriko banderak' liburuan aurkitu dudan argazkian beste kolore bat ikusten diot. Agian Izurtzako bandera izan daiteke? Izurtzakoena ere antza gerra garai inguruan desagertu zen. Honetan denean hobeto dakiena Jon Irazabal Agirre liburuaren autorea da egia esateko.
Pausoen xehetasunen inguruan lehenik, lehenago erakutsi zenuten bideo honekin konparatuz: https://dantzan.eus/[…]/berriz-dantzari-dantza-1923-1928. Alde ugari ikusten dizkiot. Hasteko Biarritzekoan askoz leku txikiagoan ikusten ditut (gaur egun egiten den bezala) eta bideo zaharragoan, bai eta hainbat argazki zaharretan askoz ere espazio zabalagoan daude kokaturik.
Hastean ezpatekin agurtzean Biarritzekoan bata bestea zapalduz dabiltzala esan daiteke. Orokorrean koordinazio gutxiagorekin edo egiten dute dantzan. Bandera eragitearena, aldiz, gaur egun guk jaso dugun bezala egiten dute: 3 buelta ezkerrera, 3 eskumara eta 3 ezkerrera musika doinua jarraituz. Aldiz, bandera eragitean ezpata bandereroaren makila dagoen lekuan uzten dute. Bestetik puntapioa jasotzean batzuetan ez dute guztiz jasotzen, Berrizko bideo zaharragoan aldiz bai. Eta 'buelta' ere batzuek gaur egundaino heldu zaigun 3 pausuetan egiten dute (berrizko bideo zaharragoan bezala) eta beste batzuek aldiz edonola.
Puntapio eta grabiletetan barietatea ikusten bada ere, nik dantza hauek errekuperatzen ibili zirenei beti entzun izan diet jende zaharrak beti puntapioa denbora bitan (lehenengo belauna altxatuta) eta grabiletea aurretik egiten zela ziotela.
Bestalde, 5:05 ean eta 5:41 eta 5:44 etan behean golpea jotzean saltorik ez egitea ere bitxia iruditu zait. Berrizkoek (https://www.youtube.com/watch?v=eSYw1--zlwM) ( 2:19 segundoan) antza bai egiten dutela horrela.
Azkenik, janzkera garai horretako argazkietan ageri dena da. Txalekoa, 'siemprebibie'... galduak. Ezpaten eta makilen luzera Durangaldean ohikoena izan den bezala ikusten ditut."
"Durangaldekoak direnarekin guztiz seguru ere ez nago, baina pausukeragaitik oso gureak ikusten ditut. Bestalde Garaiko taldearen inguruan banderaren antzekotasuna (https://pbs.twimg.com/media/DjBgm-nXsAA0Rjo.jpg) eta 'eskas'etan hartzen duten kokapenak (https://www.youtube.com/watch?v=WCzNVC7mi78) kontuan hartuta kointzidentzia gehiegi iruditzen zait Garaikoak ez izatea.
Berriztarrekin, aldiz, zalantza asko ditut zeren haien bandera, antza gerra garaian desagertu zen, gainera 'Durangerriko banderak' liburuan aurkitu dudan argazkian beste kolore bat ikusten diot. Agian Izurtzako bandera izan daiteke? Izurtzakoena ere antza gerra garai inguruan desagertu zen. Honetan denean hobeto dakiena Jon Irazabal Agirre liburuaren autorea da egia esateko.
Pausoen xehetasunen inguruan lehenik, lehenago erakutsi zenuten bideo honekin konparatuz: https://dantzan.eus/[…]/berriz-dantzari-dantza-1923-1928. Alde ugari ikusten dizkiot. Hasteko Biarritzekoan askoz leku txikiagoan ikusten ditut (gaur egun egiten den bezala) eta bideo zaharragoan, bai eta hainbat argazki zaharretan askoz ere espazio zabalagoan daude kokaturik.
Hastean ezpatekin agurtzean Biarritzekoan bata bestea zapalduz dabiltzala esan daiteke. Orokorrean koordinazio gutxiagorekin edo egiten dute dantzan. Bandera eragitearena, aldiz, gaur egun guk jaso dugun bezala egiten dute: 3 buelta ezkerrera, 3 eskumara eta 3 ezkerrera musika doinua jarraituz. Aldiz, bandera eragitean ezpata bandereroaren makila dagoen lekuan uzten dute. Bestetik puntapioa jasotzean batzuetan ez dute guztiz jasotzen, Berrizko bideo zaharragoan aldiz bai. Eta 'buelta' ere batzuek gaur egundaino heldu zaigun 3 pausuetan egiten dute (berrizko bideo zaharragoan bezala) eta beste batzuek aldiz edonola.
Puntapio eta grabiletetan barietatea ikusten bada ere, nik dantza hauek errekuperatzen ibili zirenei beti entzun izan diet jende zaharrak beti puntapioa denbora bitan (lehenengo belauna altxatuta) eta grabiletea aurretik egiten zela ziotela.
Bestalde, 5:05 ean eta 5:41 eta 5:44 etan behean golpea jotzean saltorik ez egitea ere bitxia iruditu zait. Berrizkoek (https://www.youtube.com/watch?v=eSYw1--zlwM) ( 2:19 segundoan) antza bai egiten dutela horrela.
Azkenik, janzkera garai horretako argazkietan ageri dena da. Txalekoa, 'siemprebibie'... galduak. Ezpaten eta makilen luzera Durangaldean ohikoena izan den bezala ikusten ditut."
Dantzan on Oñati 2018 Eusko Ikaskuntzak 100 urte: aurreskua
2018/11/28
Eskerrik asko zure iruzkinagatik Patxi. Desafio gurutzatuari buruz Oñatikoek eman dezakete argibide gehiago, baina Oñatiko aurreskuan ohikoa den koreografia da hori, alegia, horrela egiten dela normalki, ez zen ezer berezirik egin agintariei begira. Kasualitatea izan zen agintariak parean egotea, ze teorian, hor ez, baizik eta sokan izan behar ziren.
Dantzan on Brokel-dantza bat Arrasaten 1845 urtean
2018/10/08
Pierre, Mikelek aipatzen duen artikulua honakoa da: https://dantzan.eus/[…]/beasaindarrak-ziren-dantzariak
Dantzan on Zarautz: San Pelaio 2018 Oilasko biltzea
2018/07/10
Eskerrik asko Xabier abisuagatik, despistea izan dugu. Aldatu dugu.
Dantzan on Dantzei buruzko aipu bat Belako zaldunaren bi eskuizkributan
2018/06/18
Xabier Itzainak Ekaitz Santaziliaren lan honen haritik sarrera bat egin du: https://dantzan.eus/kidea/itzaina/kanbo-1727
Dantzan on Altzürükü 1982 Urdiñarbeko maskaradak
2018/04/18
Marcel Bedaxagarrek bideoari buruzko honako oharra bidali digu: "1982ko maskaraden bideoan (Urdiñarbetarrak Altzürükün) Gabota emaiten düen dantzariak Altzürükütarrak dütük (ahatzerik nüan hori eman züela). Urdiñarbeko gatüzainak ez dik seküla bunet gorririk üken! interresgarriena dük zibilez ari den dantzaria Jakes Abehera (Jaragoyhen) dela, Xiberoko dantzari ejerrenetarik eta hoberenetarik izan dena!"
