Ainarak ikuskizunaren estreinaldirako sarrerak agortu dira

XIX. mende bukaeran eta XX. mende hasieran Maulen espartinen fabrikazioak bizi izan zuen loraldiaren testuinguruan kokatzen da Ainarak ikuskizuna. Nafarroa eta Aragoiko biztanleek Maulera jotzen zuten lanera, eta hor sortutako harremanek harilkatzen dute dantza ikuskizuna.

Paskale Laskanoren koreografia; Catherine Kraushaar eta Claude Iruretagoienaren jantziak eta Benoit Lamerain-en musika ditu Ainarak ikuskizunak.

Abenduaren 15ean eta 16an, Luhusuko Harri Xuri gelan estreinatuko da Ainarak, eta dagoeneko sarrera guztiak salduta daude.