Bihar, otsailaren 7an, Eguen Zuri, aurkeztuko du Jaizale txistulari elkarteak Durangoko inauteriei buruz egindako CDa. Azken urteotan Durangoko inauterien inguruan egindako berreskuratze lanak eta horietarako erabilitako doinuak jaso dituzte lan honetan.

Santurtziko Mendi Alde dantza taldeak Inauterietako erritoen, jantzien eta tresnen erakusketa prestatu du. Dantza taldeak bere emanaldietan erabiltzen dituen jantziak daramatzaten manikiak daude alde batetik, eta baita euskal tradizioko hainbat panpina eta tresna ere. Bestalde, peninsulako hainbat tokitako inauterietako jantziak bildu dituzte, inauteri horietako protagonistek eurek utzitakoak.

Oinarrizko dantza irakaskuntza eta dantza irakaskuntza profesionaletara begirako ikastaroa da. Irakaslea: Martín Padrón. La Gomerako Zentro Koreografikoko eta San Sebastián de La Gomerako Udal Dantza Eskolako zuzendaria. Dantzariak eduki behar dituen presentzia eta heldutasuna eskuratzen lagunduko duten portaera-arau eta gaitasun sorta ulertzeko tresnak dantzako ikasleen eskura jarriko ditu ikastaro honek. Ikaslearen dantza-prestakuntzaren oinarrizko elementu bezala landu behar diren elementu horiek honako hauek dira:

Pasaiako Alkartasuna euskal dantza taldetik zenbait galdera iritsi zaizkigu Bateleren dantzaren inguruan, eta dantzan.com-eko irakurleen artean zabaldu nahiko genuke eskaera, ea laguntzerik daukagun denon artean. Bateleren dantzaren jatorria eta dauden bertsio desberdinei buruz galdetzen digute. Bateleren dantza Pasaiko dantzatzat aurkezten da maiz, baina aldaera desberdinak ikusi dituzten han eta hemen, eta jakin nahi dute bakoitzaren jatorria.

Mende erdi da Joxe Telletxea txistularia hil zela, eta Jo ala Jo elkarteak zenbait ekitaldi antolatu ditu Baztango txistulariaren oroimena hedatzeko. Baztango mutil-dantzak bizirik iraunarazi izanaren erantzuleetako bat izan zen Telletxea, mutil-dantzak irakatsi eta plazan dantzarazten lan eskerga egin baitzuen. Joxe Telletxearen bizitza eta lanen artikulu ederra zabaldu du Jo ala Jo elkarteak.

Beasaingo neskatxen esku-dantzaren sorkuntza prozesua eta erritualaren inguruko xehetasunak azaldu zituen Mikel Sarriegik urtarrilaren 12an Donostian. Gipuzkoako Dantzaguneak antolatutako "Sortutakoak" deialdian hautatua izan zen Mikel Sarriegiren eta Besaingo Aurtzaka dantza taldearen lana, eta lan horren aurkezpena egin zuen Sarriegik San Telmo museoan egindako ekitaldian. Hitzaldia osorik eta ondoren, San Telmo museo aurrean Aurtzakako dantzariek egindako esku-dantza bera ikus daitezke honako bi bideo hauetan. Koldo Bidekietak, Aurtzakako kideak hartutako irudiak dira.

Argia astekariak euskarazko komunikazioan nabarmendu diren pertsona, talde, enpresa, profesional edo produktuei eskainitako Argia sariak banatu dira gaur Usurbilen, eta Internet alorreko saria irabazi dute bertsoa.com-ek eta dantzan.com-ek batera.

Bilboko Udalak hiriko hainbat dantza eta folklore talderekin eta Bizkaiko Dantzarien Biltzarrarekin elkarlanean "Bilbo Dantza Plazetan" programa antolatzen du, dantza tradizionalak, taldeen emanaldiak, erromeriak eta erraldoien kalejirak hiriko hainbat txokotan urte osoko egutegian zabalduz. Hona hemen 2013an Bilbo Dantza Plazetan programak izango duen egutegia:

Urrun bezain arrotz, Errusiarekin harreman gatazkatsu eta odoltsuan murgilduta, herrialde ezezaguna gertatzen zaigu Txetxenia Bizkaiko golkotik begiratuta. Bertara joatea modukorik ez dago herrialde bat ezagutzen hasteko, baina bidaiatzeko txanda hartzen dugun bitartean Youtubekin konformatu behar. Eta ez da gutxi. Eztei festa amaigabeak, flamenkoen dantzakerak gogorazten diguten gorteiatze dantzak, umeak, militarrak eta tiroak airera festaren emozioan....

Xabier Itzaina, dantzari, musikari eta ikertzaile itsasuarra Italian, Florentzian dabil azken aldian, eta bertan antolatu dute, beste irakasle batekin batera kultura herrikoiak eta protesta moduak aztertu nahi dituen jardunaldia. Adibidez, Toberak eta era honetako herri-antzezpenei buruzko ikerketak tokia dute jardunaldi horretan. Maiatzaren 27an, Florentziako Europear Unibertsitate Institutuan burutuko da jardunaldia.