Orain arteko ekarpenak
Udaberriko dantza ikastaroak Gipuzkoako dantza profesionalen elkartearekin
2013/03/06
Vincent Gros-ekin dantza klasikoa, Nicholas Ricchini-rekin dantza garaikidea eta jazz-a eta Beatriz Morales-ekin flamenkoa dira Gipuzkoako Dantza Profesionalen elkarteak 2013ko udaberrirako antolatu dituen dantza ikastaroak. Hona hemen apirilaren 2tik 6ra egingo diren ikastaroei buruz informazioa:
Oriz-eko putti dantzariak ikusgai
2013/03/04
Nafarroako Museoak deialdi berezia egin du, Escena jaialdiarekin bat eginez, eta jaialdiko ekitaldiren bat ikusteko sarrera dutenek Museoan sartu eta Oriz-eko putti dantzariak ikusteko aukera izango dute.
Igor de Quadra dantzaria Txokolatea eta Bizkotxoak ekimenean
2013/02/28
Hilean behin sortzaile bat gonbidatzen dute eta berarekin luze eta zabal jarduten dute. Horixe da "Txokolatea eta Bizkotxoak" Bilbon burutzen hasi den ekimenaren muina. Harkaitz Cano eta Hedoi Etxarte izan dira urtarrilean eta otsailean, eta martxoaren 5ean Igor de Quadara, dantzari eta koreografoa izango da bertan.
Ertza: N.A.N.en aurrestreinaldia eta Asier Zabaletaren mintegia
2013/02/28
Martxoaren 2an, Errenteriako Niessen aretoan egingo du Ertza konpainian bere azken lanaren aurrestreinaldia. N.A.N. izeneko lanean Asier Zabaletak nortasuna eta nazionalitatearen gaiari helduko dio dantza garaikidea, testua, bideoa eta zuzeneko musika uztartuz. Bestalde, mugimendutik abiatuz pertsonaiak eraikitzeko prozesuaren inguruko mintegia gidatuko du Asier Zabaletak berak Dferia jaialdian.
Iruñeko San Lorentzoko dantzariak Parisen arituko dira asteburuan
2013/02/28
Pariseko Euskal Etxeak gonbidatuta, egunotan Parisen ospatzen ari den Nekazaritzaren Nazioarteko Biltzarrean dantza emanaldia eskainiko dute Iruñeko San Lorentzoko dantzariek eta gaitariek. Pariseko Euskal Etxeko dantza taldeari dantza ikastaro bat eskainiko diote bide batez.
British Pathé, filme zaharren gordailua dantzaz beteta
2013/02/21
British Pathé ikusentzunezkoen konpainia bat. 1890ean sortu zen, eta 1902tik aurrera Londresen ezarrita dago. Historia luzea, eta ondorioz, artxibo zaharrak. Telebistei irudi zaharrak saltzen dizkie eta gordeta daukan materialaren zati bat sarean dauka erakusgarri. Tartean hamaika dantza filme, ederrak, ikusgarriak, harrigarriak. Erosteko dirurik ez daukagu, baina jartzen dituzten muestra batzuk ikusteko aukera daukagu beraien webgunean.
Hamar urte Egunkaria itxi zutela
2013/02/20
Gaur hamar Euskaldunon Egunkaria itxi egin zuen Guardia Zibilak eta berarekin eraman zituen luzaroan euskarazko egunkari bakarra izan zenaren artxibo digitalak, ordenagailu eta zerbitzariak. Zazpi urte geroago, sententziak esan zuen Euskaldunon Egunkaria eta bere arduradunak errugabeak zirela eta ez zegoela inolako arrazoirik Egunkaria ixteko. Euskaldunon Egunkariak iraun zuen 13 urteetan dantzari buruzko hainbat artikulu argitaratu ziren bertan eta horietako batzuk dantzan.com-en hemerotekan ditugu.
Zuberoako dantzaren teknikaz eta jatorriaz
2013/02/19
Jon Iruretagoienak zenbait hitzaldi eskaini ditu azken aldian Zuberoako dantzaren historiaz, teknikaren bilakaeraz eta dantzakera horren zenbait ezaugarriren jatorriaz. Urtarrilean Zuberoan bertan, Idauze-Mendin izan da Mauleko Herriko-Etxeko Kultur batzordeak antolatutako ekitaldian, eta hitzaldi horien inguruan elkarrizketatu dute Xiberoko Botzan. Hemen elkarrizketen audioak:
Anguiano dantzak: trikimakoak baino zerbait gehiago
2013/02/18
Trikimakoekin edo hankapaloekin, aldapan behera eta jira-biraka egiten duten jaitsiera ero eta arriskutsuak mundu osoan ezagutzera eman ditu Anguianoko dantzak. Baina Errioxako herri honetan, trikimakoen dantza trokeo-dantza errepertorio zahar eta aberats baten zati bat baino ez da. Errioxako gobernuak dantza guztiak grabatu eta sareratu ditu modu dotorean.
Dantzaren balioak irakaskuntzan aztertu ditu Nerea Muruamendiaraz-ek
2013/02/15
Musika Pedagogian lizentziatua, dantza tradizionalak irakaskuntzan duen tokia aztertu du Bartzelonako Unibertsitatean defendatu duen doktorego tesian. EHU-Donostiako Orfeoa saria eman diote ikerketa lan horri eta Euskadi Irratian elkarrizketatu dute, Arratsaldekoa saioan. Hemen elkarrizketa osorik entzungai:
Orain arteko erantzunak
Dantzan on Folklorea uda garaian
2017/11/02
Ondoko ekarpena egin du Pablo Izagirrek gaiari buruz facebook-en:
"Erromeria” kontzeptuaren gaurkotze bat ere ari gara bizitzen, Plaza Dantzen fenomenoa izanik, eta baita Aiko-ren moduko taldeen tailer eta iniziatibak ere, horren adierazle; dantza taldeetatik pasa gabeko jende asko ari da gaur plazetan dantzan...
Pasarte horren haritik hau komentatu nahi dut:
Bai, oso ondo esan duzu. Jende asko ari gara dantzan plazetan. Adin guztietakoak, gehienak, 40 urtetik gorakoak. Asko ta asko esaten duzun bezala dantza taldeetan txikitan edo gazteetan egon gabekoak edo pasadaz egondakoak.
Oso fenomeno potentea da hori gaur egun ia Euskal Herri guztian. Normalean, nik dakidala edadeko pertsona horietako asko formazioa dantza taldeko egituretan eskuratu edo eskuratzen dute, beste batzuk Aikoren moduko taldeetan. Baina, pertsona hauen interesa nagusia da dantza plazetan dantzatzea, dantza plaza hori edonorentzat zabalik dagoela ere normalean.
Seguru asko, oraingo dantza taldeek hori hartu beharko dute kontuan, orain arte ez badute egin, edadeko jende asko desiatzen dagoela dantza plazetan parte hartzeko, gaur egun ohikoak diren dantzetan aritzeko: Jauziak, kontradantza errezak, jota, arin arinak, lotuan ..
Ordun 2 aspektu dira niretzat nabarmenak gaur egun tradiziozko dantza taldeetan. Batetik tradiziozko dantzen errepertorio zabalean aritzea ( ikuskizunetarako eta tradiziozko ekitaldietarako tokiko folklorea muina delako ) eta bestetik, maila apalago batetan dantza plazetarako, erromerietarako formakuntza, pertsona interesatuei ematea.
"Erromeria” kontzeptuaren gaurkotze bat ere ari gara bizitzen, Plaza Dantzen fenomenoa izanik, eta baita Aiko-ren moduko taldeen tailer eta iniziatibak ere, horren adierazle; dantza taldeetatik pasa gabeko jende asko ari da gaur plazetan dantzan...
Pasarte horren haritik hau komentatu nahi dut:
Bai, oso ondo esan duzu. Jende asko ari gara dantzan plazetan. Adin guztietakoak, gehienak, 40 urtetik gorakoak. Asko ta asko esaten duzun bezala dantza taldeetan txikitan edo gazteetan egon gabekoak edo pasadaz egondakoak.
Oso fenomeno potentea da hori gaur egun ia Euskal Herri guztian. Normalean, nik dakidala edadeko pertsona horietako asko formazioa dantza taldeko egituretan eskuratu edo eskuratzen dute, beste batzuk Aikoren moduko taldeetan. Baina, pertsona hauen interesa nagusia da dantza plazetan dantzatzea, dantza plaza hori edonorentzat zabalik dagoela ere normalean.
Seguru asko, oraingo dantza taldeek hori hartu beharko dute kontuan, orain arte ez badute egin, edadeko jende asko desiatzen dagoela dantza plazetan parte hartzeko, gaur egun ohikoak diren dantzetan aritzeko: Jauziak, kontradantza errezak, jota, arin arinak, lotuan ..
Ordun 2 aspektu dira niretzat nabarmenak gaur egun tradiziozko dantza taldeetan. Batetik tradiziozko dantzen errepertorio zabalean aritzea ( ikuskizunetarako eta tradiziozko ekitaldietarako tokiko folklorea muina delako ) eta bestetik, maila apalago batetan dantza plazetarako, erromerietarako formakuntza, pertsona interesatuei ematea.
Dantzan on Eltziegoko dantzak neska-mutilek dantzatzen zituztenekoak
2017/10/24
San Lorentzoko dantzariek gogorazi digute, sarrera honetako argazki bat euren buletineko lehenengo zenbakian argitaratu zutela, baita neskek lehengo aldiz dantzatu zutenekoa ere. Argazki horiei esker ikus dezakegu gizonek zein emakumeek dantzatuak izan direla Eltziegoko dantzak. Gerra aurretik gizonek dantzatzen zituztela azaltzen dute baina galdu egin zen ohitura, gerra ondorenean Sección Femeninak berreskuratu zituen dantzak, orduan hasi ziren emakumeak Eltziegoko dantzak dantzatzen. Irudietan ikusi dugu 1960ko hamarkadan gizon-emakumeek elkarrekin ere dantzatu izan zituztela. Buletinean, dantzarien arropen xehetasunak ere ageri dira. Lotura honetan irakur ditzakezue azalpen guztiak:
http://danzantesdesanlorenzo.com/boletin1.html
http://danzantesdesanlorenzo.com/boletin1.html
Dantzan on Kontra-dantzan 1967
2017/10/23
Bai, horixe adierazi nahi genuen ezohiko horrekin, dantzan-en ez ditugula maiz jartzen horrelakoak, kontra-dantzak jartzen ditugunean gehienetan testuinguru folklorizatuetakoak izaten baitira. Baina ez dugu esateko moduarekin asmatu. Mila esker!
Dantzan on Galtza luzeak jazteagatik 10 pezetako isuna
2017/10/16
Mila Garaik honako testigantza utzi digu facebooken: "Garai haiek...!!! Ni baino nagusixagoa den ahizpa izan zen gure etxien prakak jantzi zittuen lehena. Ekinien zebiltzenak ( orduen txarto ikusita zegoen eta ) aittek eta amak isildu eitxen zituzten " Bizkargire aldatz gora joaterakoan atzetik doazenak prakekin barruko erropak ez ziela ikusiko..." eta horrelakoak esanez. Orduen, ulie labur labur eroatie be ez zen ondo ikusten "mutilen moduen"... atxakixe- luziekin "guapiau" gauzela esanez. Ni neuk be ia 1967...rarte nahiko luzie eroan nuen..."
Dantzan on Prozesioetako dantzen eta "dantza luzeen" inguruko ikastaroa Cuencan
2017/10/05
Eskerrik asko, Mikel, jakinarazteagatik. Pena, bai.
Dantzan on Hernio: fandangoa 2009
2017/09/21
Eskerrik asko Patxi, ekarpenagatik.Bideoa orain 6 urte, 2011n, argitaratu genuen Dantzan.eus-en, Youtubetik jasota. Orain, Hernioko erromerien garaia dela aitzakia hartuta, duela urte batzuk argitaratutako sarrerak gogoratzeko erabiltzen dugun "dobla" atalarekin berriro zuekin partekatu nahi izan dugu.
Dantzan on Orain 75 urte, Orion, emakumeek dantzatu zuten aurreskua Kontxan lortutako garaipena ospatzeko
2017/09/14
Eneko eta zuri esker izan genuen Xabier, argazki horien berri duela urtebete. Mila esker!
Dantzan on Euskal dantza tradizionala baztertu du berriz (2017) Etxeparek
2017/07/28
2017ko uztailaren 27an, Euskal Herriko Buletin Ofizialean publikatu da Etxepare Institutuak "artea, musika eta dantza euskararen eremu geografikotik kanpo zabaltzeko" diru-laguntzarako partidan, 10.000 euro gehiago jarriko dituela.
