Orain arteko ekarpenak
Soken dantza: gitarraren doinuaz dantzan
2013/12/02
Alvaro Garciak gitarrekin (klasikoa, akustiko eta elektrikoa) dantzarako egindako musika jasotzen du Aiko taldearen disko berriak: Soken dantza. Zenbait doinu herrikoiak badira ere, aire gehienak Alvaro Garcia berak idatzitakoak dira. Abenduaren 14an, Durangoko Plateruenan egingo den Gabonetako dantza-bazkarian egingo da CD berriaren aurkezpena.
Lizarrerriko Folklore eta Dantza Jardunaldiak
2013/11/26
Lizarra eta merindadeko folklorearen ezagutza zabaltzeko, Folklore eta Dantza Jardunaldiak antolatu dituzte Lizarran Nafarroako Dantzarien Biltzarrak, Eusko Ikaskuntzak eta Lizarrako Udalak. David Mariezkurrena, Karlos Irujo eta Mikel Aranburu izango dira hizlari, gaur, azaroak 26 hasi eta etzi, azaroak 28an bukatuko diren jardunaldietan. Hona programa:
Bizkaiko Foru Aldundiko bekadunen dantza emanaldia
2013/11/25
Diputazioaren bekekin nazioartean dantza ikasketak burutzen ari diren ikasleak elkartu eta dantzan jarriko ditu Bizkaiko Foru Aldundiak. Anne Barrio, Nerea Barrondo, Sara Etxebarri, Ines Perez, Uxue San Juan eta Marta Rueda dira sei bekadunak, eta emanaldi berean, Royal Ballet-eko bakarlaria den Itziar Mendizabal arituko da Edward Watson-ekin batera. Abenduaren 27an, Bilboko Euskalduna jauregian izango da jaialdia.
Haritz dantzari taldearen 40. urteurrena ospatzeko dantza jaialdia Elgoibarren
2013/11/22
Portugaleteko Elai Alai, Galdakaoko Andra Mari, Iruñeko Duguna, Donostiako Argia, Debako Gure Kai eta Eibarko Kezka dantza taldeek parte hartuko dut bihar, larunbata, azaroak 23, Elgoibarren ospatuko den dantza jaialdian. Elgoibarko Haritz EDTk 40 urte betetzen dituela ospatzeko antolatu du jaialdia.
USB Dantzariak: saltzeko orduan akordatzen dira ba gurekin!
2013/11/20
Ez daukagu batere komisiorik denda honekin, hori argi gera dadila. Besterik gabe grazia egin digute USB Dantzari izenekoek. Enpresa nongoa ote den ere ez dakigu, baina bitxia iruditu zaigu pendrive edo USB memoriak saltzeko prestatu dituzten irudien artean euskal dantzariak ere erabili izana. Hemen dituzue ba, USB Dantzari neska eta USB Dantzari mutila, 8 Gb-eko memoria dantzariak. Saltzeko orduan akordatzen dira ba dantzariokin!
Ortzadar hautatu dute Boiseko 2015eko Jaialdirako
2013/11/18
Boiseko Jaialdiren antolakuntza taldeak jakitera eman du 2015ean egingo den festibalean Euskal Herritik hautatu dituzten taldeen zerrenda. Iruñeko Ortzadar dantza taldea, Durangoko Luhartz erromeria taldea, Soraluzeko The Crazy Wheel taldea eta Orioko Irrintzi erraldoi konpartsa izan dira hautatuak.
Dantza tradizionalaren inguruko hitzaldi sorta antolatu du Nafarroako Dantzarien Biltzarrak
2013/11/15
Jesus Mari Garate, Kepa Artetxe, Mikel Goitia, Juan Antonio Urbeltz, Mikel Aranburu Urtasun eta Sabin Egiguren hizlari arituko dira azaroa eta abenduan Iruñean egingo den hitzaldi sortan. Bihar izango da lehen saioa, Jesus Mari Garateren eskutik.
Lo gaudela ere egiten dugu dantza
2013/11/13
Logela argazki-estudio bihurtu (edo alderantziz) eta hainbat bikote gonbidatu ditu Paul Schneggenburger argazkilariak gaua bertan pasatzera. Bikoteak lo zeudela, time-lapse sistemarekin argazkiak egiten joan da gau ilunean, bikoteen gaueko "dantza" erretratuz. Emaitza begibistakoa, lo gaudela ere dantza egiten dugula.
Dantza irudien bilduma zabala sareratu du Alkis Raftis-ek
2013/11/12
Egipto, Grezia eta Erromatar garaiko irudietatik hasita gaur egunekoetara, dantzaren historia eta mundu zabaleko hedapena ezagutzeko irudi bilduma zabala sareratu du Alkis Raftis-ek. Eskulturak, margoak, ontziteriako dekorazioak, mosaikoak, grabatuak, ilustrazioak eta irudi mota guztietan agertutako 5.000 dantza irudi baino gehiago ikus daitezke The Orchesis Portal izenekoan.
Obelix fandangoa ikasten hasi da
2013/11/11
Asterix eta Obelix-en komiki berria euskarara itzuli dute, eta fransesez eta euskaraz aldi berean jarri da salgai dendetan. Horren berri ematen duen albistea ilustratzeko Obelix fandangoa dantzatzen erakusten d uen marrazkia egin du Duverdier-ek Sudouest egunkarirako.
Orain arteko erantzunak
Dantzan.com on Pagola: Pette Basabürü 1982
2012/11/01
Bil Xokoa blogean irakurri dugunez Pagolak egindako Pette Basaburu pastoral horretan, Batista Urrruti aritu zen errejenta lanetan, Jean Mixel Bedaxagar txirulari eta Gat Arane atabalarekin.
http://batmantxo.over-blog.[…]tte-basaburu-109093899.html
http://batmantxo.over-blog.[…]tte-basaburu-109093899.html
Dantzan.com on Elburua Gernika 1962
2012/10/31
Txomin Unzaluk zenbait argibide eman dizkigu bideo honetan agertzen diren dantzarien inguruan: "Hor doaz irudiei buruz nere azalpenak:Eguna: 1965.eko maiatzaren 25a. Egun horretan jendaurrean berreskuratu zen Gernikako Elai-Alai taldea, militarren erreboltaren ostean deseginda. Lekua: Gernikako Pasealekua. Dantzariak: Txapelduna, Rufino Garai Azkarai "Mili". Muxikarra. Lumoko Santa Luzian "Erregeletako" aurreskularia (1904-1996) Bestea, Iñaki Garai Legarreta . Elai-Alairen dantzari ohia. (1975.an maiatzaren 14an, Guardia Zibilak erailda Blanca bere emaztearekin batera beren etxean.)"
Dantzan.com on Euskal Herriko Lapurdi probintziako inauteri eta negu ohituren zerrendatze bati buruz
2012/10/10
Liburua Elkarlanean-ek banatzen du:
http://www.elkar.com/[…]/a000000273952
Eta beraz, bere liburudenden sarean, webgunearen bidez, edo banaketa talde horrekin lan egiten duten liburudenden bidez erosi daiteke.
http://www.elkar.com/[…]/a000000273952
Eta beraz, bere liburudenden sarean, webgunearen bidez, edo banaketa talde horrekin lan egiten duten liburudenden bidez erosi daiteke.
