Orain arteko ekarpenak
Abian da Dantza Plazetan 2014 Bilbon
2014/01/24
Bilboko Udalak, Bizkaiko Dantzarien Biltzarra eta Bilboko dantza taldeen artean antolatuta, Dantza Plazetan 2014 egitarauak, 50 dantza emanaldi eta erromeria eskainiko ditu Bilbon. Bihotz Alai, Mikeldi, Goiko Alde, Ondalan, Salbatzaile, Gaztedi, Beti Jai Alai eta Ibai Arte dantza taldeak, eta Bizkaiko Dantzarien Biltzarra bera arduratuko dira erromeria eta dantza saioak eskaintzeaz. Hona Dantza Plazetan Bilbon 2014 egitarau osoa:
Aitor Arrieta, Espainiako Dantza Konpainian ari den dantzari errenteriarra
2014/01/23
2013ko irailean CND edo Espainiako Dantza Konpainia Nazionalean sartu da Aitor Arrieta dantzari errenteriarra. Jon Maya eta Maite Egiguren-ekin ikasten aritu ondoren, Donostian Thalia akademian jarraitu zuen prestatzen, Ereintza dantza taldean eta aurresku eta dantza solte txapelketetan aritzen zen bitartean. Madrilen, konserbatorioan ikasten ari zen, baina ikasketak bukatu aurretik hartu dute Jose Carlos Martinez-ek gidatzen duen konpainian. Abenduan Donostian aritu da dantza CNDkin.
Dantza Eskolara eta Eskolak Dantzara, DantzaBiz-en ekimenak
2014/01/22
Dagoeneko hilabete batzuk zeramatzan lanean, baina egunotan egin da DantzaBiz, Bizkaiko Dantza Etxearen aurkezpen formala. Lehen hilabete hauetan antolatutako ikastaro eta ekimenez gain, "Eskolak Dantzara" eta "Eskolara Dantza" programen berri eman dute aurkezpen honetan. Umeak dantzaren mundura hurbiltzea da bi programa hauen helburua.
Geltokia lan berria estreinatuko du Aukeranek martxoaren 13an
2014/01/20
Lan berriaren prestaketa lanetan dabil Aukeran dantza konpainia. Geltokia izeneko ikuskizuna Donostian, Victoria Eugenia antzokian estreinatuko da martxoaren 13an. Edu Muruamendiarazen zuzendaritzapean, Enrique Santiago arduratzen ari da eszenaratzeaz eta Xabi Zeberiok dihardu musika prestatzen.
Hemen dira 2014ko lehen inauteriak!
2014/01/17
Nafarroan hainbat herritan urtarrilean ospatzen dira inauteriak, eta horrela, Elgorriaga, Eratsune eta Aniz-en asteburu honetan ospatuko dituzte, eta hurrengo asteburuan Leitzan, Berroetan eta Sunbillan izango dira festak. Urtarrileko azken asteburuan ospatzen dira baita ere Ituren eta Zubietako inauteriak. Beraz, joaldun eta mozorroen egun handiak, astelehen eta asteartean, urtarrilaren 27 eta 28an izango dira 2014an.
Mummers-ak Ternuan
2014/01/10
Hona St. John's, Newfoundland and Labrador-en, alegia, San Juan de Terranovan, edo euskaraz, Ternuan, ospatu berri den Mummers jaialdiaren zenbait argazki. Inauteriak dirudite eta eguberrien inguruan ospatzen dira. Mozorro, mamorro eta mamuxorroen familiakoak dirudite, mozorrotuta kalez-kale eta etxez-etxe egiten baitute eskea eta festa, eta hobby horse edo zaldikoren bat beti inguruan izaten dute.
Jotaren oinarriak eta apaindurak Aikoren dantza asteburuan
2014/01/09
Dantza Asteburua antolatu du Aiko Taldeak, datorren otsailaren 15 eta 16rako, Areatzan, Arratian. Jota ardatz hartuta, jotaren fundamentuak jorratu, edo horietatik abiatuta apaindurak eta inprobisazioak lantzeko aukera izango da.
Tia Gorak 109 urte bete ditu pandero karratua joz eta kantuan
2014/01/07
Salamancakoa, Peñapardakoa da Gregoria Benito, edo denek ezagutzen duten moduan, Tia Gora. Urtarrilaren 4an 109 urte bete ditu, eta bizirik ditu berarekin El Rebollar-eko parla (Salamancako hego-mendebaldean eta Caceresen iparraldean hitz egiten den dialektoa), eta pandero karratua jo eta haren erritmora kantatzeko ohitura.
Cortes-eko paloteadoari buruzko dokumentala egin du Julio Caro Baroja museo etnologikoak
2013/12/23
Irailaren 29an, San Migel egunez, Cortes-en ospatzen den paloteadoaren inguruko 32 minutuko dokumentala burutu du Caro Baroja Museoak. "El Paloteado de Cortes" du izenburua lanak, eta antzerkia, bertso errezitatuak eta dantza biltzen dituen ikuskizun eszeniko tradizional honen berri ematen du.
Olatz de Andres-ek irabazi du Madrileko 27. Koreografia Sariketa
2013/12/18
Dantza garaikideko lehiaketa entzutetsuaren sari nagusia eskuratu du Olatz de Andres euskal dantzariak Madrilen. Privolva Landing lanarekin eskuratu du saria. Aurretik sortutako Privolva-ren eboluzio bat da Privolva Landing. Zientzia fikzio filosofikoaren imaginarioan oinarritzen den lan honetan etorkizunari buruzko galderak daude abiapuntuan.
Orain arteko erantzunak
Dantzan on Donibane Lohizune 1939, duintasunaren aurreskua
2021/03/23
Eskerrik asko Leire. Bai, irudi hauek oso baliagarriak dira aurreskua eta soka-dantza gauza bera direla gogorarazteko eta aurreskuak sokan dantzatzean hartzen duela zentzua.
Emakumeen izenen inguruan arrazoi osoa duzu. Saiatu ginen horiek jasotzen, baina ez genuen lortu eta pentsatu genuen behin argitaratuta agian errazago izango zela identifikatzen hastea. Zaila da 82 urte pasa direlako, baina ea zabalkundea eman eta argitzen joateko aukera dugun.
Emakumeen izenen inguruan arrazoi osoa duzu. Saiatu ginen horiek jasotzen, baina ez genuen lortu eta pentsatu genuen behin argitaratuta agian errazago izango zela identifikatzen hastea. Zaila da 82 urte pasa direlako, baina ea zabalkundea eman eta argitzen joateko aukera dugun.
Dantzan on Entradillak zer dira?
2021/01/29
Oier Solaguren: Kaixo! Ez dut uste ni lehenengoa izango naizen ohartzen. Baina entradillen musikak eta dantza pausoak... antzekotasuna dute Bizkaiko herri batzuetan egiten den "mahaiganekoa" dantzarekin. Gainera uste dut mahaiganeko delakoa askoz hedatuago zegoela antzina... agian dantza beraren bilakaera dira entradillak?
Dantzan on Dantza taldeen entseguak baimendu dituzte EAEn
2021/01/26
Eusko Jaurlaritzak EHAAn urtarrilaren 23an argitaratutako azken dekretuak hainbat murrizketa ezarri baditu ere zenbait alorretan, dantzari dagokionez ez da izan aldaketarik eta eitb.eus-ek jaso bezala: "Dantza-talde ez-profesionalen entseguak baimentzen dira, eta, nolanahi ere, zorrotz errespetatu beharko dira pertsonen arteko segurtasun-distantziaren, maskara erabiltzearen eta kontaktu fisikorik gabeko sei laguneko taldeen prebentzio-baldintzak."
Dantzan on Dantza taldeen entseguak baimendu dituzte EAEn
2021/01/22
Kaixo Leire, EAEko dekretuetan ikuskizuneri dagokionez ez dira profesional eta ez profesionalak bereizten. Hauek dira abenduaren 10ek dekretuak jasotako neurriak ikuskizunak egiteko:
2) Kultura-ikuskizunak egin ahal izango dira publikoarekin instalazio propioetan edo kirol-gune itxietan edo beste eraikin mota batzuetan, gehienez ere ehuneko 50eko edukierarekin, eta gehienez ere 400 pertsonarekin. Instalazioetan pertsonen arteko segurtasun-distantzia mantentzeko beharrezko neurriak ezarri beharko dira, edo, halakorik ezean, babes fisikorako neurri alternatiboak baliatuko dira. Maskara erabiltzea nahitaezkoa izango da, nahiz eta pertsonen arteko segurtasun-distantzia 1,5 metrokoa izan. (Bizikidetza-unitateen kasuan izan ezik, halakoetan ondoz ondoko eserlekuetan eseri ahalko dira eta).
3) Aire zabaleko kultura-jarduerak eta -ikuskizunak egitea baimentzen da, baimendutako edukieraren ehuneko 50eko gehieneko edukiera baimenduarekin, eta gehienez ere 600 pertsonara arte. Pertsonen arteko segurtasun-distantzia mantentzeko beharrezko neurriak ezarri beharko dira, edo, halakorik ezean, babes fisikorako neurri alternatiboak baliatuko dira. Maskara nahitaez erabili beharko da, nahiz eta pertsonen arteko 1,5 metroko segurtasun-distantzia mantendu (bizikidetza-unitateen kasuan izan ezik, halakoetan ondoz ondoko eserlekuetan eseri ahalko dira eta). Ikusentzuleak eserita egon beharko dira eta aulkia aurrez esleitzea eskatuko da. Artista-taldeei dagokienez, interpreteen arteko interakzioa baimenduta egongo da ikuskizunak irauten duen bitartean.
2) Kultura-ikuskizunak egin ahal izango dira publikoarekin instalazio propioetan edo kirol-gune itxietan edo beste eraikin mota batzuetan, gehienez ere ehuneko 50eko edukierarekin, eta gehienez ere 400 pertsonarekin. Instalazioetan pertsonen arteko segurtasun-distantzia mantentzeko beharrezko neurriak ezarri beharko dira, edo, halakorik ezean, babes fisikorako neurri alternatiboak baliatuko dira. Maskara erabiltzea nahitaezkoa izango da, nahiz eta pertsonen arteko segurtasun-distantzia 1,5 metrokoa izan. (Bizikidetza-unitateen kasuan izan ezik, halakoetan ondoz ondoko eserlekuetan eseri ahalko dira eta).
3) Aire zabaleko kultura-jarduerak eta -ikuskizunak egitea baimentzen da, baimendutako edukieraren ehuneko 50eko gehieneko edukiera baimenduarekin, eta gehienez ere 600 pertsonara arte. Pertsonen arteko segurtasun-distantzia mantentzeko beharrezko neurriak ezarri beharko dira, edo, halakorik ezean, babes fisikorako neurri alternatiboak baliatuko dira. Maskara nahitaez erabili beharko da, nahiz eta pertsonen arteko 1,5 metroko segurtasun-distantzia mantendu (bizikidetza-unitateen kasuan izan ezik, halakoetan ondoz ondoko eserlekuetan eseri ahalko dira eta). Ikusentzuleak eserita egon beharko dira eta aulkia aurrez esleitzea eskatuko da. Artista-taldeei dagokienez, interpreteen arteko interakzioa baimenduta egongo da ikuskizunak irauten duen bitartean.
Dantzan on Dantza taldeen entseguak baimendu dituzte EAEn
2021/01/13
Nekane Arriaga: Muxiko dantza irakaslea naizenez, eskertzen da hartutako neurria.
Dantzan on Dantza taldeen entseguak baimendu dituzte EAEn
2021/01/12
Eskerrik asko Patxi. Bai, lehen orduan ez zegoen argitaratuta eta atzoko informazioarekin moldatu behar izan gara baina goiz erdian argitaratu da dekretua eta neurriak argiago daude orain.
Dantzan on Dantzaren sektore profesionalean emakumeek gizonek baino aukera gutxiago dituzte
2020/12/11
Aitortu behar dugu pena handiz irakurri dugula esaldi hau Jemima Canon txostenean: "Lehenik esan behar dugu Euskadin ez dagoela dantzan espezializatutako hedabiderik." Beraz, gu, dantzan.eus, ez gara existitzen?
Dantzan on Kantiniersak maka beltza ordezkatu zuen
2020/11/06
Marcel Bedaxagar: Marcellin Héguiaphalek kontatü zeitan istoria, xiberoko dantza zinez ontsa ezagützen bai eta hain ejerki dantzatzen düan berezilari baten ganik. La cantinière des mascarades souletines a remplacé une maquerelle au XIX°. Par un grand spécialiste (et danseur) des danses de Soule.
Dantzan on Erromeria izango da ardatza Inpernuko Poza jardunaldian
2020/10/28
Euskal Herriko Trikitixa Elkarteak esan du egoerak horrela eskatuta eta arduraz jokatu nahirik, Inpernuko Poza XVIII. Jardunaldia ateak itxita egingo dituela. Bi hitzorduak ordu berdinean mantenduko dira eta streaming bidez zabalduko dituzte edonorentzat ikusgai EHTEren sare sozialetan.
Dantzan on Erromeria izango da ardatza Inpernuko Poza jardunaldian
2020/10/22
Euskal Herriko Trikitixa Elkartetik adierazi digute goizeko hitzaldia Aikok grabatuko duela eta aurrerago beraien plataforman eta sare sozialetan argitaratzeko asmoa dutela. Arratsaldeko mahai ingurua, berriz, Trikitixa Elkarteak grabatuko du artxiboan jasotzeko, ez da argitaratuko.
